Acts 8:2 - Yak'usda Ooghuni

² Whulohne soo Yakꞌusda tsꞌun téninilhzunne Stephen ꞌuhuyalhti tube oogha budzi únduda ꞌinkꞌez hutso.

Acts 8:2 Iomraidhean Croise

Genesis 23:2

ꞋEt Sarah ꞌen keyoh Kirjath Arba, (Hebron ꞌuhoontꞌoh) Canaan keyoh ꞌet dazsai ꞌinkꞌez Abraham whusainya ꞌinkꞌez Sarah yukꞌenudleh ꞌinkꞌez yukꞌetso.

Genesis 50:9

ꞋEt yeztli ꞌinkꞌez nyowhi huye nudilh-i huye ꞌuzdla-i cha tubeh lhane dune ꞌilhozdil.

Mark 6:29

ꞋEt John dune too be ꞌulhꞌen-un yugha hodulꞌehne huyulh ꞌúdantsꞌo oozi hikunásdil ꞌinkꞌez ꞌahayalhti.

Luke 2:25

ꞋEt ꞌilhoghun dune Simeon tsꞌutni-un, Jerusalem whutꞌi-un. Tsꞌihꞌun unꞌa ꞌuntꞌoh ꞌinkꞌez ꞌahoolhyiz Yakꞌusda be ꞌutꞌen kꞌoh ꞌuwhulhꞌen-un. Israel ooduneꞌne kꞌenábuntaꞌoh-un, yuka tse hóoliꞌ. ꞋInkꞌez Ndoni cha yulh ꞌuntꞌoh.

Acts 10:2

ꞋEn teniꞌ nilhdzun-un dune unli, ꞌinkꞌez Yakꞌusda énuljut-un ꞌuntꞌoh. Didut ꞌinkꞌez ookꞌekooke tsꞌiyawh Yakꞌusda za hudílhtiꞌ. Lizwif telꞌenne, ꞌenne cha tube bula ꞌutꞌen ꞌinkꞌez ꞌahoolhyiz Yakꞌusda tsꞌun tenadudli.

Acts 2:5

ꞋEt ꞌawet lhane Lizwifne, Yakꞌusda yunidúlhne hinli Jerusalem húdilhtsꞌi lheldoh keyoh tsꞌe ha hándilne.

Acts 8:1

ꞋEt nyoon Saul hiyeni kꞌunꞌa ꞌuyínla. ꞋEt dzin za Jerusalem tsꞌe Jesus ba ꞌilhozdílne bube túzilalh ꞌinkꞌez dzoh nótizut. ꞋEt tsꞌiyanne ooba ꞌalha ꞌuhoontꞌohne Judea ꞌinkꞌez Samaria whutꞌenne bukeyoh tsꞌe whuz tsꞌiyawh whutabonínyoot. Whelꞌaꞌne, ꞌenne za ꞌawet hudilhtsꞌi.

Acts 8:3

ꞋEt hoontsꞌi Saul, ꞌen Jesus Christ gha ꞌilhozdílne gak hubutilhtselh hukwaꞌ ninzun. Yoh totsuk dune cha, tsꞌekoo cha tébugus ꞌinkꞌez ꞌabule.