Acts 8:1 - Yak'usda Ooghuni

¹ ꞋEt nyoon Saul hiyeni kꞌunꞌa ꞌuyínla. ꞋEt dzin za Jerusalem tsꞌe Jesus ba ꞌilhozdílne bube túzilalh ꞌinkꞌez dzoh nótizut. ꞋEt tsꞌiyanne ooba ꞌalha ꞌuhoontꞌohne Judea ꞌinkꞌez Samaria whutꞌenne bukeyoh tsꞌe whuz tsꞌiyawh whutabonínyoot. Whelꞌaꞌne, ꞌenne za ꞌawet hudilhtsꞌi.

Acts 8:1 Iomraidhean Croise

Matthew 22:6

Whulohne lerwe be ꞌulhnane ubihílhchoot ꞌinkꞌez dzoh neꞌbuhalhꞌen ꞌinkꞌez ubuhanghan.

Matthew 23:34

ꞋEt hukwa soo cho soo zulhtsꞌai, nus hooꞌenne, dune whunihne cha, ꞌinkꞌez Yakꞌusda ooghuni hodulhꞌehne cha, tsꞌiyawh nohtsꞌú butisꞌalh. Whulohne butihghan. Tulalhgus ubunduntálhtꞌoh. Whulohne nohlugliz bez tsꞌe ꞌet ubootalhtsus. Lhelhdun keyoh nubuntihyulh ꞌinkꞌez dzoh nubutilhdzut.

Matthew 5:13

Nohni ndi yun kꞌut lubeshi ꞌulhꞌenne buba lisel leꞌ ꞌahtꞌoh. ꞋEt hoontsꞌi lisel ꞌaw oonalhuwhúlhni ꞌulhih te, ntsꞌenꞌa suba doo cha lisel oonawhúlniꞌ naoodleꞌ? ꞋAw hoonli ba lheꞌízooꞌ whe ꞌuntꞌoh. ꞋAntsꞌi dune tehúyulhkuk ꞌinkꞌez hikꞌu núdilh wheꞌ hoontꞌoh.

John 15:20

ꞋEt huwa daja nohdásniꞌ la whunalhnih, ꞌaw ꞌustle-un, ꞌen dumoodih ando lheꞌítꞌoh, si dzoh nusúhulhdzut te, nohni cha dzoh nunóhotilhdzut. ꞋEt sghuni hikꞌúneꞌ ꞌustꞌen de, nohni nohghuni cha la hikꞌúneꞌ ootꞌen.

John 16:2

Lugliz whuchꞌa nóhjoot la. ꞋEt ꞌawet ꞌoh de whuz de whudizulh, ꞌet de la mbe la nohzilhghi-un Yakꞌusda ba ꞌuhutꞌen untizilh.

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

Acts 13:1

ꞋEt keyoh Antioch Jesus gha ꞌilhozdílne whulohne Yakꞌusda be nus hóoꞌenne ꞌinkꞌez Yakꞌusda ooghuni hodulhꞌehne cha hudilhtsꞌi. Ndunne whulohne ꞌuhintꞌoh: Barnabas, ꞌinkꞌez Simeon, ꞌen la dune dulhgus huyúlhni, Lucius cha, Cyrene whutꞌen-un ꞌuntꞌoh, Manaen, ꞌen la yun whumoodih, Herod yulh dúnduninizyai-un, ꞌinkꞌez Saul cha ꞌuntꞌoh.

Acts 13:36

ꞋEt David soo whe Yakꞌusda kꞌúneꞌ ꞌustꞌen khuna whutoh. ꞋEt dazsai whe mbene la ootsodaꞌne ꞌuhudinla-un, ꞌet ꞌahuyalhti ꞌinkꞌez ilhjut.

Acts 2:47

ꞋEt mbene la ooba ꞌalha ꞌuhoontꞌohne Yakꞌusda ba hodílhtiꞌ, ꞌinkꞌez Jerusalem whutꞌenne, ꞌenne cha butsꞌun hínzoo. Mbene la dijízne, ꞌenne neMoodihti dzin totsuk ꞌon nus ꞌuhuniltsuk bubulh tsíh.

Acts 22:20

ꞋInkꞌez Stephen nyun nghun dune bubulh yálhduk ꞌet hukwa hizilhghi whe ꞌoh daꞌ si cha ꞌet susyin inleꞌ, sba tsꞌihꞌun ꞌuhutꞌen. Mbene la yuzilhghine buluglok nahuyitsꞌuz-i buba ooghusdli.’

Acts 26:10

Jerusalem ꞌet ndustꞌen inleꞌ, lubret ꞌukꞌenus díztiꞌne stlꞌa háhonꞌai whe lhane Yakꞌusda oochꞌeꞌne ꞌabisdla ꞌinkꞌez yahitádla wheni buba nahisda whe, si cha buchꞌaz dasniꞌ.

Acts 5:18

ꞋInkꞌez whelꞌaꞌne ubuhílhchoot ꞌinkꞌez ꞌoh dune ꞌadinla-un, ꞌet la ꞌabuhanla.

Acts 5:20

“ꞋAhdulh ꞌinkꞌez Lizwif bulugliz whucho núdulhya ꞌinkꞌez ndi khuni ꞌandit be tsꞌúkhuna-i ghun bubulh yálhduk.”

Acts 5:33

ꞋEt nahíyilhne njan huwhudántsꞌo whe, tube cho ꞌon nus hukwa hohunílchꞌe kꞌet whelꞌaꞌne ubotuzilhghelh hukwaꞌ huninzun, ꞌet howu yahalhduk.

Acts 5:40

ꞋEt nahíyilhne buba ꞌalhaꞌ dija. Whelꞌaꞌne danáboninla ꞌinkꞌez “Bubuholhtsas,” ꞌubuhútni. ꞋInkꞌez “Jesus booziꞌ gha dune huhodoolhꞌeh junih!” ꞌubuhútni, ꞌinkꞌez la bula nahuditni.

Acts 7:38

Moses ꞌen dune lhuhóotꞌih-un ꞌet Israel ootsꞌu hainzutne huyulh ꞌílhodulh inleꞌ. Netsodáꞌne butoh ꞌitꞌen ꞌinkꞌez ꞌen za ꞌuntꞌoh Sinai dzulh kꞌut lizas yulh yaílhduk inleꞌ Yakꞌusda ooghuni netlꞌaídooꞌalh ha. Yakꞌusda ooghuni oolatoh hooloh whe ꞌuntꞌoh.

Acts 7:54

ꞋEt dune nahíyilhne Stephen hidántsꞌo whe buba dzoh ꞌudija ꞌinkꞌez hituzilhghelh hukwaꞌ huninzun.

Acts 7:58

whe la Jerusalem tenáhinino, ꞌinkꞌez tse be whehúyoonilhꞌuz. ꞋEt mbene Stephen neínulhꞌuzne nahuyitsꞌúz-i tsꞌahaháyilya ꞌet dune chilh, Saul huyúlhni-un, ꞌen zih néhininla yugholeꞌ ha.

Acts 8:14

ꞋEt whelꞌaꞌne Jerusalem tsꞌe whulh ꞌuhúdantsꞌo Samaria whutꞌenne Yakꞌusda ooghuni huyílhchoot ꞌinka Peter ꞌinkꞌez John bulh whuz whebuhalhꞌaꞌ.

Acts 8:2

Whulohne soo Yakꞌusda tsꞌun téninilhzunne Stephen ꞌuhuyalhti tube oogha budzi únduda ꞌinkꞌez hutso.

Acts 8:4

ꞋEt ꞌawet ooba ꞌalha ꞌuhoontꞌohne ndulcho whe nuhúdilh ꞌinkꞌez ndi khuni unzoo-i huye yálhduk.

Acts 8:5

ꞋEt Philip ꞌen keyoh Samaria whuzꞌaí-un whuz oozya ꞌinkꞌez Christ, ꞌen ghun dune bubulh yálhduk.

Acts 9:31

ꞋEt ndulcho whe Judea, Galilee, ꞌinkꞌez Samaria whulh Jesus ba ꞌilhúhozdilne ꞌaw dzoh nulhuldehne hooloh. Yakꞌusda ehunuljut, ꞌinkꞌez buba hoonzoo whe lhódizut. Ndoni gha ooba ꞌalha ꞌuhoontꞌohne ulhtus úbulhtsi. ꞋEt huwa ꞌon nus lhane huzdliꞌ ꞌinkꞌez neMoodihti za hudílhtiꞌ suliꞌ.

Romans 1:32

ꞋEnne dune ꞌet ndutꞌénne dahútitsah wheꞌ hoontꞌoh. Njan tꞌehonínzun ꞌet hoontsꞌi, whuz unꞌa za ꞌuhitꞌelh. Mbene la buba hóontꞌiꞌne, ꞌenne cha Yakꞌusda tsꞌihꞌun unꞌa buba nahutiyeh.

Philippians 1:12

Sulhutsinke sulh dahooja la, ꞌet whula gha tsꞌe ꞌon nus lhane dune ndi khuni unzoo-i huyoozílhtsꞌai suliꞌ. ꞋEt tꞌewhuntahzin hukwaꞌ nuszun.

Hebrews 11:27

Yakꞌusda lhistꞌen-un, ꞌen ꞌantsꞌi yanꞌen hukwꞌunꞌa ꞌuja, ꞌet huwa ooba howa whulnaꞌ-un whulh usyin. ꞋEt huwa be ꞌalha ꞌuhoontꞌoh-i, ꞌi be yun kꞌut Egypt whuchꞌa nasja. ꞋAw lerwe ye hunilchꞌoh-i, Moses ꞌaw yé lhniljut.