Acts 7:8 - Yak'usda Ooghuni

⁸ ꞋEt Yakꞌusda Abraham ndi ye yutsꞌu nahizya-i, ꞌi gha ootsꞌu haínzutne, ꞌenne hika dune unli-i kꞌut ubuhítꞌus. ꞋEt whuz unꞌa Yakꞌusda hiyulh ꞌílhughi huzdliꞌ. ꞋEt Abraham ooyeꞌ Isaac whuzdli ꞌinkꞌez whulh lhkꞌu dit dzin ꞌet huyúztꞌus. ꞋInkꞌez la Isaac cha ooyeꞌ Jacob whe Jacob, ꞌen cha ndunne duyeꞌke whunizyat ꞌon ꞌat nane, ꞌenne cha netsodaꞌne whuníhne ndúbuhinla.

Acts 7:8 Iomraidhean Croise

Genesis 29:31

ꞋEt Moodihti (Yahweh), Leah ꞌaw dune yukꞌelhisiꞌ ꞌinka oochan yudahaꞌdanꞌai, ꞌinkꞌez Rachel ꞌen ꞌaw buzkeh hooloh.

Genesis 30:5

ꞋInkꞌez Bilhah ulchan ꞌinkꞌez Jacob duneyaz yughu yulhtsi.

Genesis 35:16

ꞋEt hutizdil Bethel whuchꞌa usdil ꞌinkꞌez Ephrath ꞌawet nilhdukwyaz, ꞌet Rachel ꞌawet ooyaz whutaleh bulh ꞌutilhtsul ꞌinkꞌez tube ooba hoontsiꞌ.

Genesis 35:18

ꞋEt ꞌuhooja ꞌawet dawhenintsai whe ꞌet ndun duneyaz Ben-Oni yulhni, ꞌet hoontsꞌi oobá ꞌen Benjamin yulhni.

Matthew 1:2

Abraham ꞌen Isaac oobá ꞌuntꞌoh. Isaac ꞌen Jacob oobá ꞌuntꞌoh. Jacob ꞌen Judah ꞌinkꞌez bulhutsinke bubá ꞌuntꞌoh.

John 7:22

Moses, ꞌen gha ooka dune uhli-i, ꞌi oonahtꞌus ínleꞌ. (ꞋAw Moses ꞌen gha za iloh, nohtsodaꞌne, ꞌenne butsꞌu ha hóoltsꞌut whe ꞌuhtꞌen.) ꞋInkꞌez ꞌet natsꞌulyis dzin chalhtsꞌul duneyaz whulih te, ꞌon ꞌat natsꞌulyis dzin ꞌet yuka dune unli-i, ꞌi huyitꞌus.

Acts 2:29

Peter ꞌon ꞌun cha ndutni, “Sulh dunene ꞌinkꞌez sulh ꞌuntꞌohne David netsodaꞌ-un keyoh whuduchun unlí-un, ꞌen ghun tsꞌihꞌun unꞌa whunóhnoostun hukwaꞌ nuszun. David dazsai ꞌinkꞌez ꞌuháyálhti ꞌinkꞌez ootsꞌun kꞌut ꞌawhuz nezih whuzꞌai.

Romans 4:10

Nkedaꞌ Yakꞌusda yudániꞌ tsꞌihꞌun dune unli? Hititꞌus whutso tilah kꞌus hukwꞌelhꞌaz tilah? Hititꞌus whutso ꞌet be hóodatꞌen ꞌaw hukwꞌelhꞌaz iloh.

Galatians 3:15

Sulhutsinke ndi yun kꞌut dune kꞌunꞌa ꞌet huwun nohbulh yasduk. Ndunne lhkꞌoh tsꞌe nehóninꞌai de, ꞌet huwun lhgha huhoontꞌiꞌ ꞌinkꞌez ꞌukꞌehooguz de, ꞌaw dune ꞌudun nehóhoꞌalh ꞌaitꞌoh. ꞋInkꞌez dune ꞌudun whutanahahóꞌalh-un ꞌaitꞌoh.

Galatians 3:17

Daja nohdusni-un, ꞌet ndi khuni be yutsꞌu náhizya, ꞌudaꞌ Yakꞌusda Christ bulh lhahódinla wheꞌ hoontꞌoh. ꞋEt 430 be yus kꞌut hukwꞌelhꞌaz ꞌet Moses ꞌudustlꞌus ꞌukꞌu neyuzguz. ꞋEt huwa njan Abraham khuni ooba lhaíndanla-i, ndi khuni ꞌaw gak nahooselh ꞌaitꞌoh.

Hebrews 7:4

Ndun ꞌen Melchizedek ntsꞌenꞌa la dune ncha-un unli, ꞌet howu nuní nuhzut. Netsodaꞌ-un ꞌuntꞌoh-un Abraham ꞌen lhane yé dinzut, ꞌet hoontsꞌi ndai la dune hiyudanghan-i, ꞌi 10% tsꞌutni, ꞌi Melchizedek tsꞌú tlꞌa yanla.