Acts 7:2 - Yak'usda Ooghuni

² ꞋEt Stephen uyúlhni, “Sulhutsinke ꞌinkꞌez ꞌubákene soo zúlhtsꞌai! Netsodaꞌ-un Abraham ꞌawhuz Mesopotamia usda, Haran tsꞌe natidalh whutso whe, Yakꞌusda ootsꞌu ha yánduz-un, ꞌet oonalhtsꞌet ha hóoltsꞌut.

Acts 7:2 Iomraidhean Croise

Genesis 11:31

ꞋInkꞌez Terah duyeꞌ Abraham, duchai Lot te, Haran ooyeꞌ ꞌinkꞌez duyasꞌat, Sarai duyeꞌ, Abram ooꞌat cha. Ur, Chaldean bukeyoh, ꞌet Canaan tsꞌe whehandil, keyoh Haran highu nindil ꞌinkꞌez ꞌet huhootꞌeꞌ.

Genesis 12:1

ꞋEt Moodihti (Yahweh) Abram ꞌulhni, “Nkeyoh cha whuchꞌa sinyaiꞌ, nyunatneke cha whuchꞌa sinyaiꞌ, ꞌinkꞌez mbá ooyoh cha teninyaiꞌ, ꞌinkꞌez yun whununtistun-un hoonli.

Genesis 12:5

ꞋEt Abram duꞌat yilhchoot ꞌinkꞌez Lot ooꞌat cha hubilhchoot ꞌinkꞌez ndai la huyutꞌi-i cha tsꞌiyawh nahuyalhdzoo ꞌinkꞌez mbe la dune bugha nindene ꞌenne cha Haran, Canaan tsꞌe yun kꞌuz whehandil ꞌinkꞌez Canaan nehunindil.

Genesis 15:7

ꞋEt ꞌuyulhni, “Si, Moodihti (Yahweh) ꞌustꞌoh. Ndunne Chaldea whutꞌen, ꞌet buyun kꞌut Ur, ꞌet whuchꞌa njan yun kꞌut nchꞌeꞌ whutileh ha.”

Genesis 29:4

ꞋInkꞌez Jacob ꞌubulhni, “Sulhutsinke ntsꞌez de hahdil whe ꞌuhtꞌoh?” ꞋInkꞌez ꞌuhutni, “Haran tsꞌe ha tsꞌandil.”

Matthew 6:13

ꞋInkꞌez ntsiꞌ-un, ꞌen chꞌa neghinli. ꞋEt yakꞌuz kꞌuneꞌ ꞌintꞌen-un ꞌintꞌoh, ꞌinkꞌez be ilhtus-i cha, bé dintiꞌ-i cha, ꞌi ꞌilhiz wheni ꞌi tsꞌiyawh nchꞌeꞌ ꞌuntꞌoh. ꞋEt ndo honeh.’

Luke 2:14

“Yakꞌusda ꞌudedo yakꞌut, ꞌen uzdilhtiꞌ. ꞋInkꞌez ndi yun kꞌut nedzi doghel, ꞌi be tsꞌiyanne dune butsꞌun hoonzoo holeꞌ!”

John 1:14

ꞋEt ndi khuni Yakꞌusda unli, ꞌi dune suliꞌ ꞌinkꞌez netoh dune inleꞌ ꞌet whe dádiltiꞌ la tsꞌonalhꞌen. Ndi yé díztiꞌ, ꞌi Yakꞌusda ꞌilhoghun za ooYeꞌ yé diztiꞌ-i ꞌuntꞌoh. Ye unzoo-i ꞌaw oola tanalhuhóoꞌoh ꞌinkꞌez khuni ꞌalhaꞌ ꞌuntꞌoh-i za be yálhduk.

John 12:41

ꞋEt Isaiah Yakꞌusda yé diztiꞌ-i yunalhꞌen whe ꞌet yughun ndutni inleꞌ.

Acts 22:1

“Sulh dunene, sulhutsinke, ꞌinkꞌez ꞌubákene, soo zúlhtsꞌai, ꞌandit nohbulh duba yanatizduk!” ubúlhni.

Acts 23:7

ꞋEt ndúdija whe Phariseene ꞌinkꞌez Sadduceene te lhéwhehundunidulh ꞌet huwa ꞌilhozdilne nawh ꞌuhudija suliꞌ.

Acts 7:1

ꞋEt Lizwif bulubret ꞌukꞌenus díztiꞌ-un Stephen yoodulhkut, “ꞋEt ndunne ꞌalhaꞌ hutni whe eh ꞌuhutni?”

1 Corinthians 2:8

Ndi khuni neba whe ꞌuntꞌoh hooyoh, ꞌi ndi yun whumoodihne ꞌaw ꞌilhoghun daja ni tꞌeininzunne hooloh. ꞋEt ndi khuni neba whe ꞌuntꞌoh hooyoh tꞌehininzun de, ꞌet de neMoodihti whudiztiꞌ-un, ꞌen ꞌaw daꞌ tulalhgus kꞌelhúhiyilhtel ooleꞌ.

Ephesians 1:17

NeMoodihti Jesus Christ ooYakꞌusda, ꞌen ooBá ye diztiꞌ-i bulh ꞌuntꞌoh, ꞌen tsꞌun nohba tenadusdli whe Ndoni ꞌen be be whutnih-i ꞌinkꞌez noheni taoodutakulh-un, ꞌet nohtlꞌa hónꞌai. ꞋEt whe Yakꞌusda dantꞌoh-un unli, ꞌon nus tꞌentihzeh.

Titus 2:13

ꞌet neYakꞌusda ꞌukꞌenus diztiꞌ-un, ꞌinkꞌez Jesus Christ neulhyis-un, ootsꞌu ha yánduz-i, ꞌet nenalhtsꞌet ha óotiltsꞌulh whutsꞌun, ndi ꞌukꞌenus hoonzoo-un huba tsꞌilhꞌi.

Hebrews 1:3

ꞋEn za ꞌuntꞌoh ooBá ye diztiꞌ-i, ꞌi whunénulhtun. ꞋInkꞌez ooBá dantꞌoh la, ꞌet ooYeꞌ ꞌen soo tsꞌihꞌun yundultꞌoh. ꞋUhóonla-un, ooghuni ulhtus-i be yalhduk-un, ꞌi be ndulcho hoontun. ꞋEn za ꞌuja, nelubeshi ꞌi tsꞌiyawh neba yunaꞌalhde. ꞋEt hukwꞌelhꞌaz ꞌet yakꞌuz tsꞌe Yoodoghun ncha-un, ꞌet nailhni tsꞌe yughu nátlꞌa didaꞌ.

Hebrews 11:8

Abraham, ꞌen cha Yakꞌusda uyúlhni, “ꞋUdun yun kꞌuz tonyaꞌ. Kꞌat le de njan yun kꞌut ꞌet nchꞌeꞌ whutaleh.” ꞋEt be ꞌalha ꞌuhoontꞌoh-i be Abraham whuz unꞌa yukꞌúneꞌ ꞌustꞌen. Ntsꞌe tiyalh ꞌaw tꞌéoonúszun ꞌet hoontsꞌi ꞌawet tizya.

James 2:1

Sulhutsinke, neMoodihti Jesus Christ díztiꞌ-un, ꞌen nohba ꞌalhaꞌ ꞌuntꞌoh, ꞌet huwa khun te ndi yun kꞌut ꞌuyoon anus unzoo-un noohzin junih.

Revelation 4:11

“O neMoodihti ntsꞌu ha ꞌánduz, díntiꞌ, ꞌinkꞌez ilhtus cha ꞌintꞌoh. ꞋI tsꞌiyawh ꞌet ndun tsꞌídoniꞌ huba soo ꞌíldzooꞌ, tsꞌiyaitsuk ꞌinla ꞌet huwa. Nyun ꞌinla ꞌet huwa ꞌuntꞌoh, ꞌet whuz unꞌa hukwaꞌ ninzun.”