Acts 5:2 - Yak'usda Ooghuni

² ꞌinkꞌez la sooniya yuloh dichꞌoh duba yílhchoot. ꞋEt ooꞌat cha tꞌeoonínzun. ꞋInkꞌez yuloh ꞌi la whelꞌaꞌne butlꞌa yándzai, ꞌinkꞌez la, “Ndi sooniya ꞌi tsꞌiyawh ꞌuntꞌoh,” ubúlhni.

Acts 5:2 Iomraidhean Croise

Matthew 23:5

ꞋUtꞌen ꞌuhuyulhꞌen-i, ꞌi hiyoonne yunoolhꞌen huba za ꞌuhuyulhꞌen. ꞋInkꞌez Yakꞌusda ooghuni zus, Phylacteries huyulhni, ꞌon nus ncha huyilhꞌi tsꞌiyanne hinoolhꞌen ha. ꞋInkꞌez luglok tenahududli te nahuyitsꞌuz-i, ꞌi cha ootso ꞌon nus ꞌudilyiz nahuyulhtsih.

John 12:6

ꞋEt ꞌaw telꞌenne buba dátni iloh huwa ꞌet ndutni, ꞌundunutꞌih-un unli ꞌinkꞌez sooniya zus ndai la be yúkat-i, didut buba nuyáꞌa, ꞌinkꞌez hukwaꞌ ninzun totsuk ndai la be yúkat-i ꞌantsꞌi yilhchuk, ꞌinka ꞌutni.

Acts 2:44

Ooba ꞌalha ꞌuhoontꞌohne tsꞌiyawh ꞌilhoh nuhúdilh ꞌinkꞌez huyutꞌí-i tsꞌiyawh huyé lhla ꞌutꞌen.

Acts 4:37

ꞋEn yun yutꞌi-i be ꞌónket ꞌinkꞌez whelꞌaꞌne butlꞌa yándzai.

Acts 5:1

ꞋEt hoontsꞌi ꞌilhoghun dune, Ananias huyúlhni-un, ꞌinkꞌez ooꞌat Sapphira bulh yun huyutꞌí-i, ꞌi ye ꞌónket,

Acts 5:3

ꞋEt Peter uyúlhni, “ꞋEt di ha Satan ookꞌúneꞌ tantꞌen hukwaꞌ nizun? ꞋInkꞌez lheꞌdini sooniya ooloh ílhchoot ꞌinkꞌez Ndoni tsꞌun hontsꞌit?

Acts 5:8

ꞋEt Peter uyúlhni, “Sudíni ndi sooniya, nki netlꞌa yándzai-i be ꞌóhket-i oozooneya, tsꞌiyawh tilah ꞌuntꞌoh?” “A, tsꞌiyawh ꞌúntꞌoh,” yúlhni.

Philippians 2:3

Nohnichꞌoh hukwaꞌ nahzun te za neꞌóohtꞌen junih. ꞋAntsꞌi yo ꞌúdudulhdzun ꞌinkꞌez ꞌuyoonne nohanus hinzoo noohzin.

1 Timothy 6:10

Sooneya ooba ditiꞌ-i, ꞌi lhat-un hoontsiꞌ oogha wheꞌ whududitꞌih. ꞋI gha whulohne dahatni kꞌet be ꞌalha ꞌuhoontꞌoh-i chꞌa hudulh ꞌinkꞌez lhat-un budzi unduda-un khaná huwhutꞌai.