Acts 4:2 - Yak'usda Ooghuni

² Whutsꞌodutni ndunne whelꞌaꞌne Jesus dazsai ꞌinkꞌez dunadija ꞌet huwun whubuhodulhꞌeh. ꞋEt whe yaidláne dunahudutádulh ꞌalha ꞌuhoontꞌoh.

Acts 4:2 Iomraidhean Croise

Acts 13:45

ꞋEt Lizwifne ꞌilhozdílne hubonilhꞌen, ꞌoonih za hudizbun suliꞌ whe Paul huye dúdulh ꞌinkꞌez hiba whutsꞌit. Daja ni-un, ꞌet cha whuchꞌaz yáhulhduk.

Acts 17:18

ꞋEt Epicureanne ꞌinkꞌez Stoicne dune hodulhꞌehne huwun huyulh yálhduk. Whulohne howu yahalhduk, “Ndun iloh te neꞌduniꞌ-un, daja dutinelh hukwaꞌ ninzun whe ꞌutni,” hutni. ꞋEt ꞌuyoonne cha hutni, “Ndun ꞌuyoonne buyakꞌusdane, ꞌenne bughu yalhduk dududli whe ꞌutni,” hutni. Paul, Jesus ꞌinkꞌez dunadija-un huwun bubulh yálhdak ꞌet huwa hutni.

Acts 19:23

ꞋEt ꞌoh daꞌ atꞌen Ephesus njan ntsꞌenꞌa la neMoodihti be ꞌutꞌen kꞌoh ꞌet huwun tube lhdulhyoh ꞌuhudutni suliꞌ.

Acts 24:21

ꞌet hoontsꞌi ꞌilhoghun za disniꞌ nahíyilh-un but susyin whe, ‘Yaidláne dunahudutádulh sba ꞌalha ꞌuhoontꞌoh,’ ꞌet huwa ꞌandit dzin ꞌet sba nahinyeh.”

Acts 26:23

Christ ꞌen dzoh nutizut ꞌudéchoo dune ꞌutinilh, datítsah, ꞌinkꞌez ꞌilhiz dunadutádalh whuz unꞌa ooneh hubaꞌ hoontꞌoh. ꞋEt whe la Lizwif ꞌinkꞌez ꞌudun yun kꞌut whutꞌenne hudutijih. Be hootꞌen, ꞌi be ndi tsálhgus hiyáhanadutidulh.”

Acts 26:8

ꞋEt ndet huwa nohba ꞌalhaꞌ hotꞌeꞌ ꞌaítꞌoh njan Yakꞌusda yaidláne dunabudile-un huwun?

Acts 3:15

ꞋInkꞌez mbe oogha tsꞌúkhuna-un, ꞌen úhla súlhghi, ꞌet hoontsꞌi Yakꞌusda nahuyílhnaꞌ ꞌet ndulcho whe wheni nena be tsꞌuhonꞌen.

Acts 5:17

ꞋEt ꞌawet Lizwif lubret ꞌukꞌenus diztiꞌ-un, ꞌinkꞌez yutsꞌú ditnine Sadduceene hinli ꞌenne la whelꞌaꞌne tube bugheꞌ hoolni suliꞌ.

Romans 8:11

Christ dazsai whe ndun ꞌen gha Yakꞌusda dunaidilhti, ꞌen ooyughi nohyudínda de, ꞌen gha nohyustꞌe doo cha hutinalh-un yughá ootaꞌalh.

1 Corinthians 15:23

ꞋEt hoontsꞌi ꞌilhoghun hinli whe ntsꞌoya buba hoozulh whe bugha óoninꞌai, ꞌet whuz unꞌa ꞌuhutitꞌelh. Christ ꞌen ꞌudechoo-un suliꞌ. ꞋEt hukwꞌelhꞌaz mbene la Christ oochꞌeꞌne hinli whe buba whusanátidalh, ꞌet de ꞌenne cha dunahudutádulh ꞌinkꞌez nahuhitátnaih.