Acts 4:12 - Yak'usda Ooghuni

¹² Yinka ndulcho whe Jesus Christ ꞌen gha za ꞌuzdutijih. ꞋAw ꞌuyoonne yé ulhtus-i gha uzdoojih ꞌaítꞌoh. ꞋEt whuz unꞌa Yakꞌusda neghá whuninꞌai.”

Acts 4:12 Iomraidhean Croise

Genesis 7:19

ꞋEt ndi yun kꞌut too tube takhulh suliꞌ. Dzulh ꞌowhi cha tsꞌiyawh ba ndo ha tadiltꞌo.

Matthew 1:21

Ooyaz, duneyaz tileh. Booziꞌ ooghá donꞌalh. Jesus dóniꞌ. ꞋEn ꞌutinelh tsꞌiyanne lubeshi chꞌa ꞌubutilhyih.”

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

John 14:6

ꞋEt Jesus ꞌuyulhni, “Si yakꞌuz ti ꞌustꞌoh, khuni ꞌalhaꞌ ꞌuntꞌoh-i usdli, ꞌinkꞌez ꞌilhiz wheni be tsꞌukhuna-i, ꞌi cha usdli. ꞋAw ꞌilhoghun hoontsꞌi sBá yutsꞌun tóoyaꞌ ꞌaítꞌoh, si sgha za ꞌet ndótinelh.

John 3:36

Mbene la Yakꞌusda ooYeꞌ ooba ꞌalhaꞌ yintꞌohne, ꞌilhiz wheni be tsꞌúkhuna-i, ꞌi huyutꞌi, ꞌinkꞌez mbene la ooba ꞌalhaꞌ lheꞌyitꞌohne, ꞌenne ꞌaw huhooꞌen ꞌaítꞌoh, Yakꞌusda yé bubulh húnilchꞌe-i ꞌahoolhyiz wheni bukꞌut uyitátꞌelh,” ni John.

Acts 13:26

ꞋEt Paul ꞌon ꞌun ubúlhni, “Sulhutsinke, Abraham ekédinzutne, ꞌinkꞌez ꞌudun yun kꞌut whutꞌenne, mbene la Yakꞌusda tsꞌun tenadudline, nohni tsꞌiyawh, wheni cha, ndi khuni ꞌi netilhyis wheni netsꞌó tlꞌa diltsꞌut.

Acts 2:5

ꞋEt ꞌawet lhane Lizwifne, Yakꞌusda yunidúlhne hinli Jerusalem húdilhtsꞌi lheldoh keyoh tsꞌe ha hándilne.

1 Corinthians 3:11

ꞋAw dune, ꞌudun yoh ookꞌehooltsꞌuk-i ooleh ꞌaitꞌoh. ꞋIlho ꞌudaꞌ ꞌuja, ꞌinkꞌez ndi yoh ookꞌoh whuzꞌai-i, ꞌi Jesus Christ, ꞌen ꞌuntꞌoh.

Colossians 1:23

Be nohba ꞌalha ꞌuhoontꞌoh-i, soo dutsꞌo-i whe oohtun. ꞋInkꞌez whudutsꞌo-un yoh ookꞌu whuzꞌai-i leꞌ ꞌahtꞌoh. ꞋInkꞌez khuni unzoo-i bulh ꞌudahtsꞌo-un, ndi khuni ooka tse hóohli khun oola doohtnih junih. Ndi yun kꞌut ndulcho whe ndi khuni unzoo-i bugha ídiltsꞌut. ꞋEt huba si, Paul, Christ ba neꞌutꞌen-un susdliꞌ.

Hebrews 12:25

Yakꞌusda nohbulh yálhduk-un, ꞌet huwun nohbulh yalhduk-un, khun dah doohtniꞌ junih. Soo cho whunulhꞌen, yun kꞌut ꞌet ndúbulhni ꞌet hoontsꞌi ꞌaw hikꞌu nulheꞌitꞌel, ꞌet huwa hoolhtus whe buba nahizya. ꞋEt ꞌandit yakꞌuz whutsꞌun nebulh yalhduk-un, ꞌen oochꞌaz nátsꞌulhya de, ꞌet ꞌon nus dáwhultus whe neba nahutideh.

Hebrews 2:3

ꞋInkꞌez ndi whe uzdujis-un, ꞌet hooncha wheꞌ hoontꞌoh. ꞋEt tsꞌiyawh neba ꞌantsꞌi ꞌuhoontꞌoh de, ꞌet de ꞌenne bukꞌunꞌa neba kꞌelha whutaleh. Nemoodihti ndi yun kꞌut nuséya-un, ꞌet whutsꞌun ndi whézdujis-un howu yalhduk, ꞌinkꞌez ndunne mbene la whudántsꞌone, ꞌenne ndi khuni tsꞌiyawh whunehunilhtan ꞌet tsꞌihꞌun ꞌuhoontꞌoh.

Revelation 20:15

ꞋInkꞌez mbene la tsꞌukhuna-i ꞌudustlꞌus kꞌut bubooziꞌ ꞌukꞌu lhíguzne, ꞌenne tsꞌiyawh ndi kwun bunghun dulcho-i ꞌet tsú buhudalhdil.