Acts 4:1 - Yak'usda Ooghuni

¹ ꞋEt ꞌawhuz Peter John bulh dune bulh yahulhduk whe lubretne, lugliz whucho howunlíne bumoodih cha, ꞌinkꞌez Sadducee hubuhútnine bugho nindil.

Acts 4:1 Iomraidhean Croise

Matthew 16:12

ꞋEt ꞌaho tꞌehoninzun Phariseene ꞌinkꞌez Sadduceene cha, dune huhodulhꞌeh-un, ꞌet whuchꞌa buchꞌa huwahli, ꞌet ꞌuwhulhni. Lhes bulh untuldoh-i, ꞌi íloh uyúlhni.

Matthew 22:16

ꞋEt whe Phariseene bugha hodilhꞌeꞌne ꞌinkꞌez Herod didowhne cha, Jesus tsꞌe whebuhalhꞌaꞌ. ꞋEt nduhúyulhni, “Dune hodulhꞌeh-un tꞌetsꞌoninzun nyun tsꞌihꞌun dune ꞌintꞌoh ꞌinkꞌez khuni ꞌalha ꞌuntꞌoh-i be Yakꞌusda kꞌunꞌa dune hodilhꞌeh. Tsꞌiyanne mba lhgha ꞌintꞌoh. Dune dahótꞌen ꞌet hoontsꞌi mba ꞌantsꞌi ꞌuhoontꞌoh.

Matthew 27:20

ꞋEt hoontsꞌi lubret bumoodihne ꞌinkꞌez ꞌutso whudilhdzulhne cha, ꞌilhunaoodilhne ba hunintꞌi whuz unꞌa ꞌuhóoneh ha, Pilate Barabbas yula nadootni ꞌinkꞌez Jesus hooloh huyoolhtselh ha.

Matthew 27:41

ꞋEt lubret bumoodihne, ꞌenne cha whuz unꞌa za highudloh. Moses be ꞌudustlꞌus ꞌukꞌu nunáguzne, ꞌinkꞌez dune ꞌutso whudilhdzulhne cha, whuz unꞌa za ꞌuhutni njan duhutni,

Matthew 3:7

ꞋEt hoontsꞌi lhane Phariseene ꞌinkꞌez Sadduceene cha, too beꞌ hutilnelh ha highu nindil. Hubunilhꞌen ꞌinkꞌez ndúbulhni, “Nohni lubezo tlꞌughus buzkehke leꞌ ꞌáhtꞌoh! Yakꞌusda lubeshi ꞌulhꞌenne bubulh huntalchꞌoh-un, ꞌet whuz de hóoltsꞌulh, mbe ꞌunohulhni whuchꞌa úlhwus?

Luke 20:1

ꞋEt ꞌoh daꞌ ꞌet ꞌilhudzin ꞌet ndúhooja. Lugliz whucho Jesus dune hodulhꞌeh whe khuni unzoo-i be bubulh yalhduk whe ꞌudedo lubretne, Moses be ꞌudustlꞌus ꞌukꞌu nunáguzne cha, ꞌalhgoh ꞌutso whudilhdzulhne hikꞌu dugháhinya.

Luke 22:4

ꞋEt lubret bumoodihne ꞌinkꞌez saldanne bumoodihne cha butsꞌu whinya ꞌinkꞌez bubulh hukwꞌu nótilhyeꞌ ntsꞌenꞌa la Jesus butlꞌa itilhtelh.

John 15:20

ꞋEt huwa daja nohdásniꞌ la whunalhnih, ꞌaw ꞌustle-un, ꞌen dumoodih ando lheꞌítꞌoh, si dzoh nusúhulhdzut te, nohni cha dzoh nunóhotilhdzut. ꞋEt sghuni hikꞌúneꞌ ꞌustꞌen de, nohni nohghuni cha la hikꞌúneꞌ ootꞌen.

John 18:3

ꞋEt lubret bumoodihne ꞌinkꞌez Phariseene te, ndunne lhuganne ꞌinkꞌez neilhchúkne te, Judas dulh ubutilhdil. Too dízkꞌun te, bé nukwunultꞌa-i, ꞌinkꞌez saluzti te, tsꞌiyawh hitizdla.

Acts 4:6

ꞋInkꞌez la lubret ꞌukꞌenus díztiꞌ-un Annas huyúlhni-un Caiaphas cha, John cha, Alexander cha, ꞌinkꞌez la lubret ꞌukꞌenus díztiꞌ-un tsꞌu haíndene, ꞌenne cha, tsꞌiyawh Jerusalem ꞌilhuhozdil.

Acts 5:17

ꞋEt ꞌawet Lizwif lubret ꞌukꞌenus diztiꞌ-un, ꞌinkꞌez yutsꞌú ditnine Sadduceene hinli ꞌenne la whelꞌaꞌne tube bugheꞌ hoolni suliꞌ.

Acts 5:24

Lugliz whucho huwunlíne bumoodih, Lizwif lubret ꞌukꞌenus diztiꞌne, ꞌinkꞌez Lizwif bulubret moodih tubulh whulh ꞌúhudantsꞌo whe ꞌet huwu yahulhduk, “Whelꞌaꞌne dahúja suba ꞌuhintꞌoh?” hutni.

Acts 5:26

Lugliz whucho huwunlíne bumoodih, duduneꞌne tubulh whuz whe handilh, ꞌet ndunne ꞌilhozdílne bubé hunuljut doo ka la tse be bubuhooghan, ꞌet huwa whelꞌaꞌne nánilhtsulyaz nabuhílhchoot.

Acts 6:12

ꞋEt nduhútni whe, butso whúdilhdzulhne, Moses be ꞌudustlꞌus ꞌukꞌu nunáguzne cha, ꞌinkꞌez ꞌonghohne cha buba hodinꞌai, ꞌenne tsꞌiyawh Stephen huyulh húnilchꞌe. Highu nindil, huyílhchoot, ꞌinkꞌez nahíyilhne but néhinilhti.

Acts 6:7

ꞋInkꞌez Yakꞌusda ooghuni ndulcho tꞌenidzin. Yugha hodulꞌehne, Jerusalem whutꞌenne cha ꞌon nus huldlai huzdliꞌ. Lhane Lizwifne bulubret ꞌenne cha Yakꞌusda ooghuni huyílhchoot.