Acts 3:6 - Yak'usda Ooghuni

⁶ ꞋEt Peter uyúlhni, “ꞋAw silver ꞌinkꞌez gold cha lhustꞌi, ꞌet hoontsꞌi ndai la ꞌustꞌi-i ngha tísꞌalh. Jesus Christ Nazareth whutꞌen-un whelhtus ꞌinkꞌez booziꞌ gha didinyaih ꞌinkꞌez ninya!”

Acts 3:6 Iomraidhean Croise

Matthew 10:9

Gold, silver, kꞌus copper nohsooniya zus be óohdzaih junih!

Matthew 7:22

Mbene la njan dzin whusahooltsꞌut de, ‘SMoodihti sMoodihti, ꞌalha iloh lakw nyooziꞌ be nus tsꞌúhooꞌen? Nyooziꞌ be ntsiꞌ-i nududeh-i ꞌuyoonne bughu whe nátsꞌinanyoot! ꞋInkꞌez nyooziꞌ be huwa ꞌítꞌen tuneꞌ tsꞌutꞌen.’

Mark 14:8

Kꞌunutsꞌútjul-i syustꞌe yukꞌé yilhdzo ꞌadutistelh wheni lhasúdinla. Ndun tsꞌeke ꞌaw ꞌon ꞌun ooneh ꞌaitꞌoh-un, ꞌet ꞌuhóonla whe ꞌuntꞌoh.

Mark 16:17

Mbene la ooba ꞌalhaꞌ ꞌustꞌohne, ꞌenne la be úlhtus-un bugha óotasꞌalh. Si sooziꞌ gha ntsiꞌ-i nududeh-i dune tsꞌu ha náhuyuntiyulh. ꞋUyoo khuni be cha yahatilhduk.

John 19:19

ꞋEt Pilate yukꞌúneꞌ uzguz-i, ꞌi butlꞌa yánꞌai tulalhgus huyundunólhtꞌa ha. ꞋI kꞌut ꞌutni: JESUS NAZARETH WHUTꞋEN, LIZWIFNE BULERWE ꞋUNTꞋOH

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 16:18

Lhat dzin ndutꞌen, ꞌudekꞌez Paul tube taídizni, yutsꞌu nálhꞌa ꞌinkꞌez ntsiꞌ-i nududeh-i ndí yulhni, “Jesus Christ booziꞌ gha ooyáhanadindaih!” ꞋEt ꞌaho ntsiꞌ-i nududeh-i yuyáhanadide.

Acts 2:22

Peter ꞌet cha ndutni, “Israel ootsꞌu hainzutne sghuni soo cho oozúlhtsꞌai, Jesus Nazareth whutꞌen-un, Yakꞌusda nohtsꞌítilhꞌaꞌ-un, ꞌen Yakꞌusda gha huwa ꞌítꞌen teneꞌútꞌen, ꞌet whe whunóhnilhtun njan nohtoh ꞌuhootꞌen ꞌet huwa tꞌewhunáhzun.

Acts 2:36

ꞋEt huwa Israel ootsꞌu hainzutne tsꞌiyawh tꞌehonozin, ꞌalhaꞌ ndun Jesus tulalhgus undunulhtꞌó-un, ꞌen Yakꞌusda Moodihti ꞌinkꞌez Christ yulhtsi.”

Acts 3:16

ꞋEt Jesus ooba ꞌalhaꞌ yintꞌoh ꞌinkꞌez ndi yé ulhtus ꞌi gha ndun dune soo náꞌuja. ꞋEn ꞌuntꞌoh nilhꞌen. ꞋAlhaꞌ ꞌi be hoontꞌoh ndun dune nohbut usyin-un, ꞌen Jesus ooba ꞌalhaꞌ yintꞌoh-un, ꞌet ꞌi be soo naꞌuja.

Acts 3:5

ꞋInka la ꞌubunilhꞌen hoonli higha tiꞌalh ha butsꞌe úka tse hooli.

Acts 3:7

ꞋInkꞌez Peter ndun dune nulhúsyoh-un nailhnih tsꞌe yula ilhchoot ꞌinkꞌez dedilhya ibulh ooke, ookechunoh tubulh hoolhtus whuzdliꞌ.

Acts 4:10

ꞋEt huwa nohni ꞌinkꞌez Israel ootsꞌu hainzutne soo cho tꞌeoonahzeh, Jesus Nazareth whutꞌen-un, ꞌen tulalhgus kꞌeílhti, ꞌen Yakꞌusda nahuyílhnaꞌ. ꞋEn booziꞌ ꞌinkꞌez whélhtus-un ꞌi be ndun nulhúsyoh-un, ꞌen soo náꞌtsꞌinla.

Acts 4:7

Whelꞌaꞌne ꞌinkꞌez soo naꞌhuyinla-un, ꞌen cha dubut nébodinla ꞌinkꞌez hubuhoodulhkut “Dáhla whe ꞌahla? Ndai be úlhtus-i be uhtꞌi? Mbe booziꞌ gha ndun dune soo naꞌuhla?”

Acts 9:34

ꞋInkꞌez Peter uyúlhni, “Aeneas Jesus Christ soo naꞌunyinla! Dudinyaih ꞌinkꞌez nlili kꞌut soo náꞌhoonleh,” yúlhni. ꞋAho Aeneas dudinya.

1 Corinthians 4:11

ꞋAndit dzin whutsꞌun neye ꞌultsꞌilh ꞌinkꞌez tꞌaꞌtsꞌóosda. Nenaih lheꞌizooꞌ ꞌinkꞌez ꞌantsꞌi ꞌoh nutsꞌiya yoh cha lhtsꞌuhootꞌih, ꞌinkꞌez dunene ne-ehuzula.

2 Corinthians 6:10

Datsꞌíntꞌoh whula tsꞌodi tsinli ꞌet hoontsꞌi nedzi be tsꞌuhóontꞌiꞌ. Datsꞌíntꞌoh whula tetsꞌulꞌen ꞌet hoontsꞌi tsꞌihꞌun hiye hoonzoo ootꞌeꞌ-i, ꞌi lhane gha tsꞌúꞌaih. Hoonli be tétsꞌulꞌen ꞌinkꞌez lhtsꞌítꞌiꞌ ꞌet hoontsꞌi tsꞌiyaitsuk tsꞌutꞌi. ꞋEt hoontsꞌ tsꞌiyai ꞌi tsꞌutꞌi.

2 Corinthians 8:12

ꞋEt dune dudeni lhaídinla whe sooniya daltsuk huwa ítaꞌalh, ꞌi ꞌaw ꞌet soo ꞌúltsuk whe ꞌuntꞌoh. Huwa ítaꞌalh-i ꞌon ꞌunyaz huwa ítaꞌalh hukwaꞌ ninzun hoontsꞌi, ꞌaw ooneh ꞌaitꞌoh-un, ꞌet sooꞌ hoontꞌoh.

2 Corinthians 8:9

NeMoodihti Jesus Christ, ꞌen ye unzoo-i ooghu tꞌeoonáhzun ꞌet huwa. Dalcho-i be la hoonzooꞌ ꞌuntꞌoh, ꞌet hoontsꞌi nohni nohba telꞌen suliꞌ. ꞋEt whe ndai la ye telꞌen-i, ꞌi nohni be hoonzooꞌ oohneh.

James 2:5

Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.

1 Peter 4:10

ꞋIlhone ꞌahli ndi ndai la Ndoni nohgha íninꞌai-i, ꞌi be lhla oohtꞌen. Ndi Yakꞌusda ye unzoo-i lhat-un lhelhtsꞌun unꞌa nohghantꞌai. ꞋEt whe ꞌuyoonne whe bula whuz unꞌa oohtꞌen.