Acts 26:7 - Yak'usda Ooghuni

⁷ Whunizyat ꞌon ꞌat nawh didowhne dune, ꞌenne ndi khuni butsꞌú yoosdzi bugha ítaltsꞌulh ꞌet hukwa tse huhooli dzin ꞌinkꞌez ꞌulhdzis whulh Yakꞌusda tsꞌu téniꞌ ꞌuhunilhdzun whutoh ꞌinkꞌez lerwe díntiꞌ-un, ndet ndunne Lizwifne, hukwa tse húhooli-un si cha hukwa tse hoosdli, ꞌet hukwa skꞌehúhoonꞌai.

Acts 26:7 Iomraidhean Croise

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Luke 2:25

ꞋEt ꞌilhoghun dune Simeon tsꞌutni-un, Jerusalem whutꞌi-un. Tsꞌihꞌun unꞌa ꞌuntꞌoh ꞌinkꞌez ꞌahoolhyiz Yakꞌusda be ꞌutꞌen kꞌoh ꞌuwhulhꞌen-un. Israel ooduneꞌne kꞌenábuntaꞌoh-un, yuka tse hóoliꞌ. ꞋInkꞌez Ndoni cha yulh ꞌuntꞌoh.

Luke 22:30

ꞋEt whe lerwe usdli-un, ꞌet slutab kꞌut sulh ꞌutihꞌulh ꞌinkꞌez sulh utihtnelh. Kwꞌutsꞌuzda cho diztiꞌ-i, ꞌet hukwꞌu dutálhtsꞌilh ꞌinkꞌez whunizyat ꞌon ꞌat nat-un Israel ootsꞌu hainzutne bulh didowhne buba nahutihyeh.”

Acts 20:31

ꞋEt ꞌinka nohdúsni, huwahli ꞌinkꞌez whunaoolhnih, lhat snatsúl tooꞌ hoonli whe dzin ꞌinkꞌez ꞌulhdzis ꞌi bulh ꞌilhone ꞌahli whe tat yus kꞌut ꞌet whunohodisꞌeꞌ.

Acts 24:15

Ndunne yaidláne unzoo kꞌus ntsiꞌ inleꞌne tsꞌiyawh dunahudutádulh Lizwifne buba ꞌalha ꞌuhoontꞌoh, whuz unꞌa si cha Yakꞌusda sba ꞌalhaꞌ ꞌuntꞌoh.

Acts 26:2

“Lerwe Agrippa, Lizwifne lhat-un skꞌehúhoonla-un huwun, sichꞌoh mbut duba yanatizduk ꞌandit dzin sgha óoninꞌai ꞌet huwa tube sbaꞌ hóolya nuszun.

Acts 26:3

ꞋEt ꞌalha ꞌuhoontꞌoh nyunchꞌoh soo tꞌeóoninzun ntsꞌenꞌa la Lizwif dukꞌoh tsꞌe dune hinli ꞌinkꞌez huwulh dulhyoh ꞌuhudutni ꞌoh cha ꞌet huwa soo cho soo zólhtsꞌaiꞌ-un ntsꞌu húkwaꞌ dusni.

Acts 28:20

Ndi Israel ootsꞌu hainzutne hika tse hóoli-un, ꞌet sba ꞌálhaꞌ ꞌuntꞌoh huwa ndi lhuztih tlꞌool be suzghel. ꞋEt huwa nohtisꞌelh ꞌinkꞌez nohbulh yátisduk-un hukwáꞌ dísniꞌ.”

Philippians 3:11

ꞋEt ꞌalha ꞌuhoontꞌoh, si cha yaidlane toh ye dunadija-i, si cha uncha ndúsja.

1 Thessalonians 3:10

Be ꞌalha ꞌuhoontꞌoh-i ahtꞌi-un, ndet la tsꞌihꞌun tꞌeoonuzahzun ꞌet tsꞌiyawh nohba lhatsꞌodutileh. ꞋEt huwa ꞌulhdzis ꞌinkꞌez dzenis ꞌi bulh tube Yakꞌusda ootsꞌo hukwaꞌ tsꞌutni. Nohtsꞌutiꞌelh hukwaꞌ tsꞌuninzun.

1 Timothy 5:5

Ndun soo tsꞌihꞌun tsandilh unli-un ꞌinkꞌez oonat ꞌe hooloh de, Yakꞌusda tꞌanintan yulaꞌ titꞌelh huba. ꞋEt dzin ꞌinkꞌez ꞌulhdzis ibulh Yakꞌusda tsꞌun teniꞌ nilhdzun whe tenadudli.

James 1:1

Si James, Yakꞌusda ꞌinkꞌez neMoodihti Jesus Christ ba ꞌulhna-un usdli. Nohni Lizwifne, mbene la Jesus Christ ooba ꞌalhaꞌ yintꞌohne, nohkeyoh whuchꞌa nohonízyootne ꞌahli, ndi ꞌudustlꞌus nohtsꞌó kꞌesges-i, ndi yun kꞌut whutꞌenne tsꞌiyawh be hadih nohdúsni.