Acts 26:10 - Yak'usda Ooghuni

¹⁰ Jerusalem ꞌet ndustꞌen inleꞌ, lubret ꞌukꞌenus díztiꞌne stlꞌa háhonꞌai whe lhane Yakꞌusda oochꞌeꞌne ꞌabisdla ꞌinkꞌez yahitádla wheni buba nahisda whe, si cha buchꞌaz dasniꞌ.

Acts 26:10 Iomraidhean Croise

Acts 7:58

whe la Jerusalem tenáhinino, ꞌinkꞌez tse be whehúyoonilhꞌuz. ꞋEt mbene Stephen neínulhꞌuzne nahuyitsꞌúz-i tsꞌahaháyilya ꞌet dune chilh, Saul huyúlhni-un, ꞌen zih néhininla yugholeꞌ ha.

Acts 8:1

ꞋEt nyoon Saul hiyeni kꞌunꞌa ꞌuyínla. ꞋEt dzin za Jerusalem tsꞌe Jesus ba ꞌilhozdílne bube túzilalh ꞌinkꞌez dzoh nótizut. ꞋEt tsꞌiyanne ooba ꞌalha ꞌuhoontꞌohne Judea ꞌinkꞌez Samaria whutꞌenne bukeyoh tsꞌe whuz tsꞌiyawh whutabonínyoot. Whelꞌaꞌne, ꞌenne za ꞌawet hudilhtsꞌi.

Acts 8:3

ꞋEt hoontsꞌi Saul, ꞌen Jesus Christ gha ꞌilhozdílne gak hubutilhtselh hukwaꞌ ninzun. Yoh totsuk dune cha, tsꞌekoo cha tébugus ꞌinkꞌez ꞌabule.

Acts 9:21

Mbene la yuditsꞌóne tsꞌiyawh buba hooncha ꞌinkꞌez ꞌulhodutni, “Ndun dune Jerusalem ꞌet ndi yooziꞌ be yalhdukne, ꞌenne ubughan ꞌen ꞌuntꞌoh ꞌinkꞌez ꞌet huwa za ndiz oozya ndunne ubitálhchulh ꞌinkꞌez lubret moodihne tsꞌu nábutilelh ꞌet wheni.”

Acts 9:26

ꞋEt Saul Jerusalem tsꞌe oozya ꞌinkꞌez Jesus yugha hodulꞌehne butsꞌú nedojaꞌ hukwa ꞌutꞌen, ꞌet hoontsꞌi ꞌen ꞌaw Jesus yugha hodulꞌeh-un ꞌuntꞌoh lhonízun, ꞌinkꞌez tube huyé nuljut.

Acts 9:32

ꞋEt ꞌawet Peter soo ndulcho whe nuya. ꞋEt ꞌilhoh Yakꞌusda oochꞌeꞌne, Lydda whutꞌenne bughu ninya,

Acts 9:41

ꞋEt Peter yula ilhchoot ꞌinkꞌez didilhya. ꞋEt Yakꞌusda oochꞌeꞌne, tsandilhne tubulh, bukahizya ꞌinkꞌez khuna whe butlꞌa náyalhti.

1 Corinthians 15:9

Whelꞌaꞌne butoh si ꞌukꞌenus bukꞌeꞌi ꞌustꞌoh naꞌdunúsdzun. ꞋEt Yakꞌusda ba ꞌilhunaoodulhne, ꞌenne dzoh nubusdeh inleꞌ, ꞌet huwa ꞌaw whélꞌaꞌ-un sodutánelh-un ꞌet huba soo lheꞌuzdzooꞌ.

Galatians 1:13

ꞋEt whutsꞌo daꞌ si lizwifne bube ꞌutꞌen kꞌoh huwasna inleꞌ, ꞌet tsꞌiyawh whulh ꞌudahtsꞌo. Yakꞌusda ba ꞌilhunaoodulhne, ꞌenne tube dzoh nubusdeh ꞌinkꞌez musai ubooselh hukwa ꞌustꞌen inleꞌ.

Ephesians 1:1

Si Paul Jesus Christ ꞌen gha whelꞌaꞌ-un usdli. ꞋEt Yakꞌusda stsꞌu hukwaꞌ ninzun. Nohni Yakꞌusda oochꞌeꞌne keyoh Ephesus whutꞌine, nohni Jesus Christ ꞌaw oola doohtni ꞌaitꞌoh ndet la nohba ꞌalha ꞌuhoontꞌoh-un, nohni tsꞌiyawh hadih nohdusni.

Revelation 17:6

ꞋEt ndun tsꞌeke tísꞌen. Jesus ba yaidlane ꞌinkꞌez Yakꞌusda oochꞌeꞌne bubuzkaiꞌ ꞌi be tanísnaiꞌ, ꞌusꞌen whe sba hooncha kꞌet ꞌaw sba ꞌalhaꞌ lheꞌhóotꞌoh.