Acts 20:3 - Yak'usda Ooghuni

³ ꞋInkꞌez ta sanun ꞌet indaꞌ. ꞋEt whutsꞌun la Syria yun kꞌut tsꞌe tikelh huba lhadútneh whe Lizwifne hituzilhghelh huwu yahulhduk whulh ꞌúdantsꞌo, ꞌinka no Macedonia tsꞌe ꞌoh whéya lhunátidalh ninzun.

Acts 20:3 Iomraidhean Croise

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Acts 16:12

ꞋEt whez dindil whe keyoh Philippi tsꞌe tsꞌozdil. ꞋI yun ꞌudechoo tadítꞌaz ꞌet whuzꞌai. ꞋEt Roman keyoh whuchꞌeꞌ hoonli wheꞌ hoontꞌoh. ꞋEt keyoh Philippi lhat dzin ꞌet naꞌtsꞌalhꞌai.

Acts 16:9

ꞋEt ꞌulhdzis Paul hoonli oonalhtsꞌet ha hóoltsꞌut whe dune Macedonia yun kꞌut whutꞌen-un yunilhꞌen ꞌet usyin ꞌinkꞌez yughu tédudlih, “Macedonia yun kꞌut tsꞌe netsꞌínyalh ꞌinkꞌez nela ꞌineh!” yúlhni.

Acts 18:18

ꞋEt Paul ooba ꞌalha ꞌuhoontꞌohne Corinth ꞌet saꞌ butoh nadaꞌ. Hukwꞌelhꞌaz Syria tsꞌe nahutikelh, Priscilla, Aquila, ꞌenne cha, hiyulh naꞌuja. ꞋEt natikelh whutsꞌo Cenchrea ꞌet la Yakꞌusda tsꞌun nahizya inleꞌ. ꞋEt whuz unꞌa hitsighaꞌ tsꞌiyawh ha hinantꞌaz.

Acts 19:21

ꞋEt ꞌoh te neꞌwhustꞌen hukwꞌelhꞌaz, Paul Ndoni nuyúlhꞌaꞌ whe Macedonia ꞌinkꞌez Greece buyun kꞌut ꞌoh whuya lhutíyalh ꞌinkꞌez Jerusalem tsꞌe ootáyalh, whuz unꞌa dudeni lhaidinla. “ꞋEt whuz oozúsya de, ꞌet Rome tsꞌe cha nutísyalh,” ni Paul.

Acts 20:1

ꞋEt ꞌawet ꞌetsul ꞌuhudíja whe, Paul, nyoonne Jesus Christ yugha hodulꞌehne, “ꞋAnih,” hubudániꞌ. Khuni budzi be óolhtus-i be bubulh yaílhduk ꞌinkꞌez, “ꞋAwet natisdalh,” ubúlhni. ꞋEt bughu whenája whe Macedonia tsꞌe whénya.

Acts 20:19

Soo yo ꞌúduduzdzun ꞌinkꞌez natsul tooꞌ hoonli whe neMoodihti be ꞌutꞌen kꞌoh ꞌuhoosꞌen, dzoh nuszut-un, ꞌet whutoh sghá whultsꞌut ndunne Lizwif sotuzilhghelh huwu yahulhduk ꞌet huwa.

Acts 20:2

ꞋEt lhat-un keyoh la whutoyalh whe dune ꞌoh whutꞌenne budzi oolhtus ha bubulh yálhduk hukwꞌelhꞌaz Greece tsꞌe oozya.

Acts 21:3

Soo noo kꞌut Cyprus tsꞌonilhꞌen-un ꞌoh whuya ꞌintlꞌus tsꞌe nyoo ooghu lhutsꞌúzki, ꞌinkꞌez Syria yun kꞌut tsꞌe tsꞌoozki. ꞋEt keyoh Tyre ꞌet tsꞌi be haꞌ hutilelh whutoh ꞌet no ꞌuzdáltsꞌiꞌ.

Acts 25:3

Paul Jerusalem tsꞌe naitoolhꞌaꞌ hukwaꞌ hunínzun ꞌet whe dulaꞌ ooneh huyúlhni, ꞌonilha highun lhaóodinla ti whuya uyalh de ꞌet hituzilhghelh ꞌet wheni.

2 Corinthians 1:15

ꞋEt huwa soo ꞌalhaꞌ nuszun whe nohtsꞌu tísyalh inleꞌ. ꞋEt whe la whulh nat-un hoonzoo-un nohgha hóltsꞌit.

2 Corinthians 11:26

Lhat te nukediszut. ꞋEt ꞌukoh cha tube sba whe whunujut. ꞋUndunutꞌíne ꞌenne butsꞌun sba howa ꞌóodli-un. Sulh didohne, ꞌenne hoontsꞌi, butsꞌu tse hoosli. ꞋUdun yun kꞌut whutꞌenne, ꞌenne cha butsꞌu tse hoosdli. Keyoh susda-un, sba howa ꞌóodli. Dune hooloh-un susda de, ꞌet cha sba howa ꞌóodli. Yatoo kꞌut ꞌet cha sba howa ꞌóodli. ꞋInkꞌez mbene la sulh didowh naꞌdudilꞌíne, ꞌenne butoh cha sba howa ꞌóodli.

2 Corinthians 7:5

Soo tsꞌihꞌun unꞌa whunulhꞌen, Macedonia yun kꞌut néznindil whe tsꞌiyaitsuk be nechꞌa tuza néꞌwhutꞌen. ꞋEt whulohne neghun lhdulhyo ꞌuhudutni. Tsꞌiyantsuk whe uznuljut, ꞌet huwa ꞌaw natsꞌoolyis ꞌaitꞌoh.

Galatians 1:21

ꞋEt hukwꞌelhꞌaz yun kꞌut Syria ꞌinkꞌez Cilicia, ꞌoh ho nususya.