Acts 2:4 - Yak'usda Ooghuni

⁴ ꞋEt dilhtsꞌíne tsꞌiyawh Ndoni buyudíltsꞌut ꞌinkꞌez khuni whutsodaꞌ tꞌehinúszun-i be yawhehúnilhduk, ꞌet Ndoni bugha óoninꞌai ndo dooniꞌ ha.

Acts 2:4 Iomraidhean Croise

Matthew 10:19

ꞋAwet whutlꞌa nohuhanla de, daja dutihnelh, huwu ni oohleꞌ junih. Ntsꞌoya hoozulh whe be yátilhduk-i, ꞌet la tꞌewhunoohzeh.

Mark 16:17

Mbene la ooba ꞌalhaꞌ ꞌustꞌohne, ꞌenne la be úlhtus-un bugha óotasꞌalh. Si sooziꞌ gha ntsiꞌ-i nududeh-i dune tsꞌu ha náhuyuntiyulh. ꞋUyoo khuni be cha yahatilhduk.

Luke 1:15

ꞋEt neMoodihti oonalh dune uncha-un tileh. Tsꞌekoo tooꞌ kꞌus too ulhtus-i cha lhtisnel. Whutileh whutso ꞌet hoontsꞌi Ndoni be dutibun.

Luke 1:41

ꞋEt Elizabeth Mary daja ni yuduztsꞌai ibulh tsꞌoodun oochan tsꞌe tilhloh. ꞋInkꞌez Ndoni be dizbun.

Luke 1:67

ꞋEt oobá Zacharias, Ndoni be dizbun ꞌinkꞌez nus hónꞌen whe yailhduk njan ndutni,

Luke 12:12

Soo ꞌet whudizulh-un Ndoni whunoh untilhtun daja dutihnelh-un.”

Luke 21:15

Khuni ꞌinkꞌez be wháhnih-i nohtlꞌa dutisꞌalh. Mbene la nohchꞌaz ditnine ꞌaw nohtsꞌoohoodódlai ꞌaitꞌoh. ꞋInkꞌez ꞌaw daja ꞌuhudooniꞌ ꞌaitꞌoh.

Luke 4:1

ꞋEt Jesus Ndoni dizbun whe Jordan koh tsꞌe ha nája. ꞋInkꞌez dune lhuhóotꞌih tsꞌe Ndoni whuz whe yalhꞌaꞌ.

John 14:26

ꞋEt ndun nohLaꞌutꞌen-un, Ndoni ꞌuntꞌoh, ꞌen si sooziꞌ gha sBá ꞌen nohtsꞌítilhꞌalh, tsꞌiyantsuk whunohodutilhꞌeh ꞌinkꞌez daja nohdásniꞌ la ꞌet whunalhnih cha nohtilhtselh.

John 20:22

ꞋEt ndúdija hukwꞌelhꞌaz bukꞌuz injiz ꞌinkꞌez ubúlhni, “Ndoni nohyudóoltsꞌit.

Acts 1:5

John dune too be ꞌulhꞌen-un, ꞌen too be too beꞌ nohulhꞌen inleꞌ, ꞌet hoontsꞌi ꞌaw lhadzin iloh inleꞌ de, sBá Ndoni nohtsꞌo tlꞌaidutiꞌalh ꞌinkꞌez ꞌen be too beꞌ nohtilelh,” ubúlhni.

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

Acts 10:46

ꞋInkꞌez khuni whutsodaꞌ tꞌehinúszun-i be yawhehúnilhduk whe Yakꞌusda hudílhtiꞌ whe hubodítsꞌo. ꞋInkꞌez ꞌet Peter ꞌubulhni,

Acts 10:47

“Ndunne cha wheni nekꞌunꞌa Ndoni buyudíltsꞌut. Ndunne too beꞌ hutilnelh de mbe dah dutinelh?”

Acts 11:15

ꞋEt ꞌawet yawhénusduk whe ꞌudechoo whe wheni lheꞌtsꞌuja whuz unꞌa ꞌenne cha Ndoni buyudíltsꞌut.

Acts 11:24

Barnabas ꞌen soo Ndoni yudínda ꞌinkꞌez tube dune ooba ꞌálhaꞌ hoontꞌoh. ꞋInkꞌez lhane dune neMoodihti hitsꞌu nálhya.

Acts 13:52

ꞋEt Jesus yugha hodulꞌehne Antioch dilhtsꞌíne Ndoni be hilhtus súliꞌ ꞌinkꞌez tube cho honílhni.

Acts 13:9

ꞋEt Saul, ꞌen Paul cha huyúlhni, Ndoni kꞌuneꞌ yulꞌen whe soo cho yunin tsꞌe yunilhꞌen

Acts 15:8

ꞋInkꞌez Yakꞌusda dune dahíntꞌoh la tꞌebunínzun, ꞌet huwa ꞌudun yun kꞌut whutꞌenne, ꞌenne cha bukꞌentsiꞌ whe wheni danéinla daꞌ whuz unꞌa ndunne cha Ndoni buyudíltsꞌut wheꞌ hoontꞌoh.

Acts 19:6

Paul bukꞌudílhni whe ꞌet Ndoni buyudíltsꞌut. ꞋInkꞌez lhelhtsꞌun unꞌa khuni be yahalhduk, ꞌinkꞌez Yakꞌusda gha nus húhonꞌen.

Acts 2:11

ꞋAlhgoh Lizwifne ꞌinkꞌez ꞌudun yun kꞌut whutꞌenne, mbe la Lizwif tsꞌu nálhyane, netoh whulohne cha Crete ꞌinkꞌez Arabia tsꞌu haíndilne tsinli. ꞋEt hoontsꞌi dáhoolcho ꞌi be Yakꞌusda neꞌústꞌen-un, ꞌet ndúhoolcho whe whenichꞌoh neghuni kꞌunꞌa, whuz unꞌa ubuzditsꞌo,” hutni.

Acts 2:3

ꞋInkꞌez la ꞌantsꞌi kwun ndultꞌoh-i hitilhꞌen ꞌinkꞌez lhawh tizkat whe yoh dilhtsꞌíne ꞌilhoghun hinli whe bukꞌé dinkat.

Acts 4:31

ꞋEt ꞌawet tenáhúdúdli ꞌetsul ꞌuhudíja whe, nyo ꞌilhúhozdíl-un ndulcho nahúhoosnai ꞌinkꞌez Ndoni buyudíltsꞌut whe ꞌaw lhoníljut whe Yakꞌusda ooghuni be bubulh yáwhehunilhduk.

Acts 4:8

Ndoni Peter ꞌon nus ulhtus yulhtsi whe ubúlhni, “Israel ooduneꞌne bumoodihne ꞌinkꞌez butso whúdilhdzulhne cha,

Acts 6:3

ꞋEt huwa sulhutsinke lhtakꞌantꞌine dune nohtoh mbene la tꞌebunáhzun Ndoni buyudínda ꞌinkꞌez huwhunih cha ꞌuhintꞌohne ꞌutahábuhle ꞌenne ndi ꞌutꞌen ꞌuhuyoolhꞌen wheni ꞌenne huwu hinli butsꞌoolhtselh.

Acts 6:5

ꞋEt ꞌilhozdílne tsꞌiyawh whelꞌaꞌne buba sooꞌ hudija ꞌinka Stephen ꞌen ꞌutahahúyalhti soo cho be ꞌalha ꞌuhoontꞌoh ꞌutꞌi-un ꞌúntꞌoh ꞌinkꞌez Ndoni ooyudínda. ꞋEt Philip, Prochorus, Nicanor, Timon, Parmenas cha, ꞌinkꞌez Nicolaus, ꞌen la ꞌudun yun kꞌut whutꞌen-un, Antioch whutꞌen-un ꞌuntꞌoh ꞌen la Lizwif tsꞌú nenadinja inleꞌ, ꞌenne ꞌutahábahanla.

Acts 6:8

ꞋEt Stephen be ꞌalha ꞌuhoontꞌoh ꞌutꞌi ꞌinkꞌez Ndoni ye óolhtus ha yugha íninꞌai ꞌi gha dune toh hooncha huwa ꞌítꞌen túneꞌ ꞌustꞌen.

Acts 7:55

ꞋEt hoontsꞌi Ndoni Stephen soo yuyudíltsꞌut, ndo yakꞌuz tsꞌe yutánꞌen whe Yakꞌusda ootsꞌu ha yánduz-i, ꞌi yutilhꞌen ꞌinkꞌez Jesus Yakꞌusda nailhni tsꞌe yughusyin.

Acts 8:17

ꞋEt Peter ꞌinkꞌez John bulh bukꞌehúdilni whe ꞌawet Ndoni buyudíltsꞌut.

Acts 9:17

ꞋInka Ananias whuz whenya ꞌinkꞌez yoh danínya whe Saul yekꞌédilni ꞌinkꞌez ndutni, “Saul, sulhutsin neMoodihti sutílhꞌaꞌ, Jesus dichꞌoh, ndiz ínyalh whe ti nye nghun be hóodiltsai-un, ꞌen sutílhꞌaꞌ honꞌen naoondleꞌ ꞌinkꞌez Ndoni nyudóoltsꞌit ha.”

Romans 15:13

ꞋEt nohba tenadusli, ndet la Yakꞌusda nohtsꞌu hoozi-un huba sulhꞌi whutoh, ꞌen gha ꞌet ncha nohdzi sóo nedinzut ndet la nohtsꞌun hoozi-un nohba ꞌalha ꞌuhoontꞌoh huwa. ꞋEt whuz unꞌa la ꞌilhiz bulh ꞌóohtꞌeꞌ, ꞌinkꞌez ndet la nohtsꞌu hoozi-un ꞌon nus ulhtus whe la huba oolhꞌeꞌ Ndoni ye úlhtus-i be nohídanꞌai huwa.

1 Corinthians 12:10

ꞋEt ꞌuyoon ꞌen ulhtus-i be huwa ꞌítꞌen tunéꞌ titꞌen ꞌet yutlꞌa hónꞌai. ꞋEt ꞌuyoon buba nus hóoꞌen ꞌet yugha óoninꞌai. ꞋEt ꞌuyoon ꞌet nahootáꞌalh ntsꞌenꞌa la buyughi lhelhtsꞌun unꞌa ꞌuntꞌoh ꞌet yugha óoninꞌai. ꞋEt cha ꞌuyoon lhelhtsꞌun unꞌa yahatilhduk-un yutlꞌa hónꞌai. ꞋEt ꞌuyoon doo cha lhelhtsꞌun unꞌa yahalhduk-un, ꞌet tꞌewhuntázin ꞌet yutlꞌa hónꞌai.

1 Corinthians 13:1

ꞋEt dune bughuni hiye yalhduk-i ꞌinkꞌez lizasne hiye yalhduk-i cha, tsꞌiyawh be yasduk, ꞌet hoontsꞌi be nékꞌetsꞌinsiꞌ lhústꞌih de, ꞌet de luglos cho ꞌinkꞌez luglosyaz ꞌalhgoh lhendunutsꞌo leꞌ dutisnelh.

1 Corinthians 13:8

Be nékꞌetsꞌinsiꞌ-i ꞌaw oolatoh hooloh. ꞋEt hoontsꞌi ndi be nus tꞌeoonudzun-i ꞌet ꞌetsul ꞌuwhutánelh. ꞋEt lhelhtsꞌun unꞌa yaduk-un, ꞌet cha gak whutaleh. ꞋInkꞌez ndi be tꞌeóonudzun-i, ꞌi cha ꞌetsul ꞌutinelh.

1 Corinthians 14:18

Yakꞌusda musi dusni ndi lhelhtsꞌun unꞌa khuni be yalhduk-un si nohanus lhat-un whe lhelhtsꞌun unꞌa yasduk.

1 Corinthians 14:5

Tsꞌiyawh unducha lhelhtsꞌun unꞌa khuni be yalhduk ꞌet hoontsꞌi nus hooꞌenne oohleꞌ ꞌet ꞌon nus nohba hukwaꞌ nuszun. Mbe la nus hooꞌen-un, ꞌen nohni nohba lhelhtsꞌun unꞌa yalhduk-un anus ncha whe ꞌuntꞌoh. Mbe la lhelhtsꞌun unꞌa khuni be yalhduk-un, ndet ꞌuwhúlhni ꞌaw tꞌetsꞌonuszun. ꞋEt daja ni tꞌeooniszin de, ꞌet de za tsꞌihꞌun unꞌa daja ni tꞌetsꞌontizeh. ꞋEt whe ꞌilhunaoodulhne Yakꞌusda ba hilhtus hútile.

Ephesians 3:19

Christ ye nékꞌensiꞌ-i, hooncha kꞌet, ꞌaw tꞌetsꞌonózin ꞌaitꞌoh, ꞌi be la tꞌeoonoohzeh. ꞋInkꞌez ndai Yakꞌusda yé dizbun-i, ꞌi be la doohbun.

Ephesians 5:18

Khun te tanoohtnaiꞌ junih. ꞋI be be khahna-i nintaꞌulhꞌih. ꞋAntsꞌi Ndoni be dahbun.

Ephesians 6:18

Tenadudli ꞌinkꞌez Yakꞌusda tsꞌun teniꞌ uznilhdzun-i cha, ꞌet whuz unꞌa tenadahdli. Ndoni ꞌen be ꞌahoolhyiz ꞌetsul lheꞌduzíhni whe tenadahdli. ꞋInkꞌez ntsꞌoh dawhutꞌen ꞌet hoontsꞌi, huwahli whe Yakꞌusda oochꞌeꞌne, ꞌenne tsꞌiyawh buba tenadahdli.

1 Peter 1:12

ꞋInkꞌez ndunne nus hooꞌenne, ꞌenne Yakꞌusda whubunilhtan ꞌaw ꞌenne buba lheꞌhootꞌoh. ꞋEt kꞌus wheni za neba nus húhonꞌen. ꞋEt ꞌawet ndunne khuni unzoo-i be yalhdukne, ꞌenne Ndoni yakꞌuz ndus de hálꞌaꞌ-un, ꞌen be nohodániꞌ. ꞋInkꞌez nduhoontꞌoh-un, lizasne, ꞌenne hoontsꞌi nahahootáꞌalh hukwaꞌ huninzun.

2 Peter 1:21

ꞋEt ndi khuni ꞌi be nus tꞌeznanzin-i, ꞌaw dune didutchꞌoh hukwaꞌ huninzun huwa iloh whe neba ꞌukꞌeguz. ꞋEt kꞌus Yakꞌusda ooduneꞌne, mbe la oochꞌeꞌne, ꞌenne ntsꞌenꞌa Ndoni whubúnilhtan yahutilhduk-un, ꞌet whuz unꞌa za yahalhduk whe ꞌukꞌehónguz.