Acts 2:3 - Yak'usda Ooghuni

³ ꞋInkꞌez la ꞌantsꞌi kwun ndultꞌoh-i hitilhꞌen ꞌinkꞌez lhawh tizkat whe yoh dilhtsꞌíne ꞌilhoghun hinli whe bukꞌé dinkat.

Acts 2:3 Iomraidhean Croise

Genesis 11:6

ꞋEt Moodihti (Yahweh) ꞌutni, “A ꞌilhune za hinli dune ꞌinkꞌez lhkꞌunꞌa za yahulhduk. ꞋEt njan ꞌet ꞌazi wheꞌ honilhꞌen ndai la ꞌuhitilelh hukwaꞌhuninzun-un tsꞌiyawh si ꞌuhuhooleh.

Matthew 3:11

Noheni nahunduníhla ꞌet huwa too be za too beꞌ nohúsdla. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookegon ooba nétisdlelh huba soo lheꞌusdzooꞌ. ꞋEn Ndoni ꞌinkꞌez kwun bulh be too beꞌ nohtilhꞌelh.

Matthew 3:15

ꞋEt hoontsꞌi Jesus ꞌuyulhni, “Whute soo cho nilhꞌen, be tsꞌihꞌun ꞌuhoontꞌoh-i, ꞌet tsꞌiyawh lhaoodutanelh wheꞌ hoontꞌoh.” ꞋEt yutlꞌa honꞌai.

Luke 24:32

ꞋEt ꞌulhodutni, “Niz de ti nebulh yalhduk ꞌinkꞌez Yakꞌusda ooghuni daja ni whunenulhtun whe ꞌaw lawk nedzi dízkꞌun le lhéꞌtsꞌitꞌoh inleꞌ?”

Acts 1:15

ꞋEt ꞌoh daꞌ dzin yugha hodilꞌeꞌne ꞌilhúhozdil (ꞌalhgoh 120 ꞌatꞌénne dune). ꞋEnne butoh Peter bubulh yátilhduk ha dudinya,

Acts 2:11

ꞋAlhgoh Lizwifne ꞌinkꞌez ꞌudun yun kꞌut whutꞌenne, mbe la Lizwif tsꞌu nálhyane, netoh whulohne cha Crete ꞌinkꞌez Arabia tsꞌu haíndilne tsinli. ꞋEt hoontsꞌi dáhoolcho ꞌi be Yakꞌusda neꞌústꞌen-un, ꞌet ndúhoolcho whe whenichꞌoh neghuni kꞌunꞌa, whuz unꞌa ubuzditsꞌo,” hutni.

Acts 2:2

Khuntsul ndo yatꞌah tsꞌe ꞌuhuduztsꞌai ꞌantsꞌi nilhtsꞌi cho diltsꞌulh leꞌ whutni. ꞋInkꞌez nyo yoh hudilhtsꞌí-un ndulcho whudutni.

Acts 2:4

ꞋEt dilhtsꞌíne tsꞌiyawh Ndoni buyudíltsꞌut ꞌinkꞌez khuni whutsodaꞌ tꞌehinúszun-i be yawhehúnilhduk, ꞌet Ndoni bugha óoninꞌai ndo dooniꞌ ha.

1 Corinthians 12:10

ꞋEt ꞌuyoon ꞌen ulhtus-i be huwa ꞌítꞌen tunéꞌ titꞌen ꞌet yutlꞌa hónꞌai. ꞋEt ꞌuyoon buba nus hóoꞌen ꞌet yugha óoninꞌai. ꞋEt ꞌuyoon ꞌet nahootáꞌalh ntsꞌenꞌa la buyughi lhelhtsꞌun unꞌa ꞌuntꞌoh ꞌet yugha óoninꞌai. ꞋEt cha ꞌuyoon lhelhtsꞌun unꞌa yahatilhduk-un yutlꞌa hónꞌai. ꞋEt ꞌuyoon doo cha lhelhtsꞌun unꞌa yahalhduk-un, ꞌet tꞌewhuntázin ꞌet yutlꞌa hónꞌai.

James 3:6

Netsoola ꞌantsꞌi kwun leꞌ ꞌuntꞌoh. Ndai la khuni tsꞌihꞌun unꞌa lheꞌítꞌoh be yatsꞌulhduk-i, ꞌi be dubih. ꞋI be ndulcho neyustꞌe nintaꞌyulhꞌih. Ndi yun kꞌut neyustꞌe whutsꞌu nintꞌi-un, ꞌantsꞌi kwun kꞌunꞌa hoolhtus whulhtsih. ꞋInkꞌez netsoola ꞌi kwuncho yo whumoodih, ꞌen be dikꞌaih.

Revelation 11:3

ꞋEt ndunne nane sba oonalh ꞌóohoojane, doso dulhkꞌus-i be húzke, ꞌenne 1,260 dzin ꞌet nus hótiꞌen-un, ꞌet butlꞌa óotisꞌalh.

Revelation 14:6

ꞋEt doo cha ꞌuyoon lizas ndo yat nutꞌo whe nusꞌen. Ndi yun kꞌut whutꞌenne, lhelhdun keyoh whutꞌenne, lhelhdoh didowhne, lhelhtsꞌun unꞌa yalhdukne, ꞌinkꞌez tsꞌiyanne, ꞌenne ndi khuni unzoo-i ꞌilhiz ꞌuntꞌoh-i, ꞌi ghun budutánelh, ꞌet huba ndun lizas ndi khuni ꞌet yudilhꞌai.