Acts 2:10 - Yak'usda Ooghuni

¹⁰ Phrygia whutsꞌun, ꞌinkꞌez Pamphylia whutꞌenne cha tsinli. ꞋEt Egypt whutsꞌun, ꞌinkꞌez Lybia whunat Cyrene whuzih whutꞌenne cha, whulohne cha Rome tsꞌe ha tsꞌándil.

Acts 2:10 Iomraidhean Croise

Genesis 12:10

ꞋEt ꞌuhooja nyo keyoh dai whuzdliꞌ ꞌinka Abram Egypt tsꞌe wheinya tube dai whuzdliꞌ ꞌet huwa.

Matthew 2:15

Herod datitsah whutsꞌun whuz hudutáltsꞌi. Nus hooꞌen-un, ꞌen be daja ni la ꞌet whunilhchoh ꞌoh tuneꞌ hitꞌen “Syeꞌ ꞌanih dasniꞌ yun kꞌut Egypt whuchꞌa naoojaꞌ ha.”

Matthew 23:15

Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Yun kꞌut ndulcho whe náhdilh ꞌinkꞌez too kꞌut ndulcho whe nahke, ꞌilhoghun tilah nohnichꞌoh nohkꞌunꞌa ꞌuntꞌoh oolhtselh. Whuchꞌa nulhde de, ndun nat ꞌuwhultsiꞌ whe nohanus kwuncho yo whuyeꞌ tileh.

Matthew 27:32

ꞋAwet Jesus tehínilhti whe ꞌilhoghun dune Cyrene whutꞌen-un ꞌuntꞌoh, Simon huyulhni, hidudizdil whe ndi Jesus ootulalhgus ooba idantelh huyúlhni.

Mark 15:21

ꞋEt hidulh whe ꞌilhoghun dune, Simon huyúlhni-un, ꞌoh whuya uyalh. ꞋEn hidudizdil ꞌinkꞌez Jesus ootulalhgus yuba idutitelh ha huwa húyalhꞌa. Simon Cyrene whutꞌen-un, ꞌen Alexander ꞌinkꞌez Rufus bubá ꞌuntꞌoh.

Acts 11:20

ꞋEt hoontsꞌi whulohne ooba ꞌalha ꞌuhoontꞌohne dune Cyprus ꞌinkꞌez Cyrene tsꞌe haíndilne, ꞌenne Antioch tsꞌe whe hándil ꞌinkꞌez ꞌet ꞌudun yun kꞌut whutꞌenne bunalh húdaniꞌ khuni unzoo-i Jesus neMoodihti ꞌen ghun ubulh yáhulhduk.

Acts 13:1

ꞋEt keyoh Antioch Jesus gha ꞌilhozdílne whulohne Yakꞌusda be nus hóoꞌenne ꞌinkꞌez Yakꞌusda ooghuni hodulhꞌehne cha hudilhtsꞌi. Ndunne whulohne ꞌuhintꞌoh: Barnabas, ꞌinkꞌez Simeon, ꞌen la dune dulhgus huyúlhni, Lucius cha, Cyrene whutꞌen-un ꞌuntꞌoh, Manaen, ꞌen la yun whumoodih, Herod yulh dúnduninizyai-un, ꞌinkꞌez Saul cha ꞌuntꞌoh.

Acts 13:13

ꞋEt Paul ꞌinkꞌez yulh nudilhne tubulh Paphos ꞌet nus huzki whe Perga ꞌet la Pamphylia whuzꞌai-un whuz hoozki. ꞋEt John Mark bukꞌenaja ꞌinkꞌez Jerusalem tsꞌe whenája.

Acts 13:43

ꞋEt yanahadil hukwꞌelhꞌaz Paul Barnabas bulh nahutistꞌaz whe Lizwifne ꞌinkꞌez ꞌudun yun kꞌut whutꞌenne, Lizwif tsꞌu nálhyane, bubontizdil ꞌinka Paul Barnabas bulh bubulh yáhulhduk whe, “Yakꞌusda nohtsꞌun yé unzoo-i, ꞌi za gha yinka dólhtsꞌiꞌ,” ꞌubuhútni. ꞋEt whe budzi ulhtus ubuhulhtsi.

Acts 14:24

ꞋInkꞌez Pisidia whuyun kꞌut lhuhuzꞌaz hukwꞌelhꞌaz ꞌet Pamphylia tsꞌe hoozꞌaz.

Acts 15:38

ꞌet hoontsꞌi Paul ꞌaw tsꞌihꞌun ooba lheꞌhóotꞌoh. ꞋOh daꞌ daꞌ Pamphylia bughu whenája ꞌinkꞌez ꞌutꞌen bubulh lhalhídilel, ꞌet huwa bubulh ꞌútinelh-un, ꞌaw Paul hukwa lheꞌnízun.

Acts 16:6

ꞋEt Phrygia ꞌinkꞌez Galatia yun kꞌut ꞌoh whuya lhuhúzdil whe Asia yun kꞌut ꞌet Yakꞌusda ooghuni be yáhutilhduk Ndoni whuchꞌa bunízyoot ꞌet huwa.

Acts 17:21

ꞋEt keyoh Athens whutꞌenne ꞌinkꞌez ꞌutsꞌun keyoh whutꞌenne cha ꞌet whutꞌine, ꞌenne tsꞌiyawh ꞌandit ooghu yaduk-i huhoontꞌiꞌ whe ꞌahoolhyiz wheni huwu yahulhduk. ꞋEnne hoonínꞌenne hinli, ꞌinkꞌez ꞌantsꞌi tsꞌiyantsuk tꞌehontizeh hukwaꞌ huninzun.

Acts 18:2

ꞋEt Lizwif ꞌilhoghun Aquila huyúlhni-un yughu ninya. ꞋEn yun kꞌut Pontius huwhútni-un ꞌet whuzdli-un, ꞌandit za yun kꞌut Italy huwhútni tsꞌe whuz de duꞌat Priscilla bulh whusahánꞌaz. ꞋEt lerwe Claudius huyúlhni-un Lizwifne tsꞌiyawh keyoh Rome whuchꞌa nahoodilh ubúlhni ꞌet huwa whusahánꞌaz, ꞌinkꞌez Paul butsꞌú whenya.

Acts 18:23

Saꞌyaz ꞌet indaꞌ ꞌinkꞌez whenája. Galatia ꞌinkꞌez Phrygia whuyun kꞌut ꞌoh whuya la lhusúya whe Jesus Christ yugha hodulꞌehne tsꞌiyawh budzi do náꞌyinla.

Acts 2:11

ꞋAlhgoh Lizwifne ꞌinkꞌez ꞌudun yun kꞌut whutꞌenne, mbe la Lizwif tsꞌu nálhyane, netoh whulohne cha Crete ꞌinkꞌez Arabia tsꞌu haíndilne tsinli. ꞋEt hoontsꞌi dáhoolcho ꞌi be Yakꞌusda neꞌústꞌen-un, ꞌet ndúhoolcho whe whenichꞌoh neghuni kꞌunꞌa, whuz unꞌa ubuzditsꞌo,” hutni.

Acts 23:11

ꞋEt ꞌulhdzis za neMoodihti Paul yuzih usyin ꞌinkꞌez uyúlhni, “Ndo ꞌuduniltꞌi. Njan Jerusalem ntsꞌenꞌa la si sghun tsꞌihꞌun ubudániꞌ ꞌet Rome cha whuz unꞌa za ꞌudutánelh.”

Acts 27:5

Yatoo Cilicia ꞌinkꞌez Pamphylia huyúlhni ꞌohwhi hukwꞌu tsꞌoozki ꞌinkꞌez keyoh Myra, ꞌet Lycia yun kꞌut whuzꞌai, ꞌet yatsꞌúzki.

Acts 28:15

ꞋEt ndunne neulhutsínkene Rome ꞌet nebulh ꞌúhudantsꞌo whe, ꞌeꞌóoket-un, Appius huwhútni-un, ꞌinkꞌez tsꞌuztez bayoh cha tat-un ꞌutꞌalh-un huwhútni-un, ꞌet lheꞌhooldzoh tsꞌe whuz nedodizdil. ꞋEt Paul ꞌubutilhꞌen whe, Yakꞌusda, “Musi,” yudániꞌ ꞌinkꞌez ꞌawet oodzi donáꞌuja.

Acts 6:5

ꞋEt ꞌilhozdílne tsꞌiyawh whelꞌaꞌne buba sooꞌ hudija ꞌinka Stephen ꞌen ꞌutahahúyalhti soo cho be ꞌalha ꞌuhoontꞌoh ꞌutꞌi-un ꞌúntꞌoh ꞌinkꞌez Ndoni ooyudínda. ꞋEt Philip, Prochorus, Nicanor, Timon, Parmenas cha, ꞌinkꞌez Nicolaus, ꞌen la ꞌudun yun kꞌut whutꞌen-un, Antioch whutꞌen-un ꞌuntꞌoh ꞌen la Lizwif tsꞌú nenadinja inleꞌ, ꞌenne ꞌutahábahanla.

Acts 6:9

ꞋEt hoontsꞌi whulohne dune hichꞌaz nédindil Lizwifne Cyrenia ꞌinkꞌez Alexandria tsꞌu haíndilne, ꞌenne ꞌuhintꞌoh. ꞋEnne, ꞌet ꞌulhna unlíne oola naditníne ꞌilhoghun lugliz ꞌet whehúhoozi ꞌet ꞌilhuhozdil. ꞋUyoonne Cilicia ꞌinkꞌez Asia tsꞌu haíndilne, ꞌenne cha Stephen hidulhyoh ꞌutni.

Romans 1:15

ꞋEt huwa nohni Rome whutꞌenne nohtsꞌu tísyalh wheni lhadústꞌoh, ꞌet de la khuni unzoo-i bunóhnoostun.

Romans 1:7

Nohni Rome dilhtsꞌine, Yakꞌusda nohkꞌensiꞌ ꞌinkꞌez Yakꞌusda oochꞌeꞌne nohúlhtsi. NeBá Yakꞌusda ꞌinkꞌez Jesus Christ neMoodihti nohgha ininꞌai whe nohdzi dóghel ꞌinkꞌez Yakꞌusda ye únzoo-i nohbulh óotꞌeꞌ ha.

2 Timothy 1:17

ꞋEt keyoh Rome ninya whe soo cho skunúta whe nasilhti.

Revelation 11:8

ꞋInkꞌez buzi, keyoh whuti, ꞌilhoghun ti ꞌet yun hútilhtelh. Njan keyoh whuti mbene la Ndoni buyudindane, ꞌet huwhútni, njan keyoh ꞌi keyoh Sodom ꞌinkꞌez yun kꞌut Egypt huwhutni. ꞋEt neMoodihti tulalhgus kꞌehíyilhti inleꞌ.