Acts 19:3 - Yak'usda Ooghuni

³ ꞋInkꞌez, “Ndai be too beꞌ tsꞌulꞌih úlhchoot?” ubúlhni. “Be too beꞌ tsꞌulꞌih John dune too be ꞌulhꞌen-un yughu yalhduk-i” hutni.

Acts 19:3 Iomraidhean Croise

Matthew 28:19

ꞋEt huwa lhelhtsꞌun keyoh whutꞌenne, tsꞌiyawh butsꞌóhdulh ꞌinkꞌez si sgha hodulꞌehne ubutilhꞌelh. ꞋUBá ꞌinkꞌez ꞌuYeꞌ ꞌinkꞌez Ndoni, booziꞌ be ꞌi be too beꞌ butilhꞌen.

Luke 7:29

Tsꞌiyanne dune ꞌinkꞌez sooniya nalhdzoohne, Jesus daja ni hidantsꞌo whe Yakꞌusda buba ꞌalhaꞌ yija, John too beꞌ balhꞌen ꞌet huwa.

Acts 18:25

Ndun dune ꞌen neMoodihti be ꞌutꞌen kꞌoh huwun hodilꞌeꞌ, ꞌinka la soo howu daóoditꞌoh whe Jesus ghun tsꞌihꞌun unꞌa yalhduk ꞌinkꞌez whubodulhꞌeh. ꞋEt hoontsꞌi ndet la John dune too be ꞌulhꞌen-un too be ꞌúlya inleꞌ ꞌet za tꞌéoonínzun whe ꞌutni.

Acts 8:16

ꞋAwhuz Ndoni buyúlh dulhtsꞌit, Jesus booziꞌ ꞌi gha za too beꞌ hulya.

1 Corinthians 12:13

ꞋInkꞌez ꞌilho Ndoni ꞌen gha wheni tsꞌiyawh too beꞌ tsꞌulya whe ꞌilho yustꞌe tsꞌuzdliꞌ. ꞋEt Lizwifne tsinli, kꞌus ꞌudun yun kꞌut whutꞌenne tsinli, kꞌus ꞌulhnane tsinli, kꞌus oola naditnine tsinli, ntsꞌoh dantꞌohne tsinli hoontsꞌi ꞌilho Ndoni ꞌi gha tsꞌiyawh tsꞌitnaiꞌ neyulhtsi.

Hebrews 6:2

ꞋInkꞌez ntsꞌenꞌa dune too be ꞌúlꞌen-un, ntsꞌenꞌa la ꞌuyoonne dune kꞌehúdilnih-un, ꞌinkꞌez ꞌet ntsꞌenꞌa ꞌuhutinelh dune yaidlane toh dunahudutádalh, ꞌinkꞌez ntsꞌenꞌa ꞌilhiz neba nahutideh-un whuz uztidulh. Njan ꞌudechoo hodilhꞌeꞌ-un, ꞌet ꞌuhoontꞌoh. ꞋEt cha za ꞌon ꞌun whunohtsꞌunoolhtun ꞌaitꞌoh.