Acts 18:3 - Yak'usda Ooghuni

³ ꞋEt buzih usda ꞌinkꞌez bubulh ꞌútꞌen. Didut dahútꞌen la whuz unꞌa nimbali ꞌulhꞌen ꞌet whe whuchꞌa naꞌduldeh.

Acts 18:3 Iomraidhean Croise

1 Corinthians 4:12

Whenichꞌoh nela be ꞌutsꞌutꞌen. Hoontsiꞌ-i khuni be neghu yahalhduk ꞌet hoontsꞌi wheni khuni unzoo-i be bubulh yátsꞌulhduk. Dzoh nunehulhdzut ꞌet hoontsꞌi soo whulh tsꞌuzyin.

1 Corinthians 9:14

ꞋEt whuz unꞌa mbene khuni unzoo-i be yalhduk unline, ndai la hiye ndunidzit-i, ndi khuni unzoo-i, ꞌi gha ꞌi bugha iyunkat. ꞋEt whuz unꞌa neMoodihti netsꞌu hukwaꞌ daniꞌ.

1 Corinthians 9:15

ꞋEt hoontsꞌi ndai la Yakꞌusda khuni ꞌet netlꞌa ídanꞌai-i, ꞌet ꞌi be ꞌunohdusni, ꞌet hoontsꞌi ꞌaw hoonli ꞌantsꞌet nohghu lhuschulh inleꞌ. ꞋInkꞌez ꞌaw ꞌet whuz unꞌa iloh nohtsꞌo kꞌelheꞌusgus. Soo hoonustꞌiꞌ whe njan duhoontꞌoh-un, ꞌet howu yasduk te, ꞌi ꞌantsꞌi hóleꞌ hukwa lheꞌnuszun. ꞋEt hoontsꞌi ꞌet ndudútisnelh de, ꞌet whutso unducha dasusai ꞌet de sichꞌoh ꞌon nus sba hootazooꞌ.

1 Corinthians 9:18

ꞋEt di za sba ꞌukꞌelha tileh? Ndi khuni unzoo-i Christ ghun, ꞌi be nohbulh yatisduk, ꞌaw ꞌukꞌelha iloh be nohbulh yatisduk. Whelꞌaꞌ-un ꞌustꞌoh ꞌet huwa stlꞌa hóoltsꞌut whe ndi ꞌutꞌen ꞌusꞌen-i ha nohni sba ꞌukꞌelha hoolhtselh hubaꞌ hoontꞌoh. ꞋEt hoontsꞌi ꞌaw ndulhustꞌoh. ꞋEt sghuni ulhchoot de, ꞌet ꞌawet sba kꞌelha whuzdliꞌ whe ꞌuhoontꞌoh.

2 Corinthians 11:7

Yakꞌusda ooghuni unzoo-i ꞌaw ꞌukꞌelha iloh bé nohbulh yasduk. Teꞌduduzꞌen ꞌet whe ꞌi be nchane tihle. ꞋI be lubeshi úschoot nahzun eh?

2 Corinthians 11:9

ꞋOh daꞌ nohtoh susda whe hoonliyaz be tsꞌuwhuzdoh-i, ꞌet hoontsꞌi ꞌaw nohtsꞌu deꞌ lhduzusnih. ꞋEt sulhutsinke Macedonia tsꞌe ha hándil whe tsꞌiyaitsuk be slaꞌ hitꞌen. ꞋEt huwa nohtsꞌu deꞌ dusni-un whuchꞌaꞌ ꞌududuzdzun. ꞋEt whuz unꞌa za ndutistꞌelh ꞌahoolhyiz.

2 Corinthians 12:13

ꞋOnghohne Yakꞌusda ba ꞌilhunaoosdilne, nohnih ntsꞌenꞌa hukwꞌeꞌih ꞌahtah? ꞋEt ꞌaw hoonli nohtsꞌe ꞌúkalheꞌduzusnih. ꞋEt huwa eh nintaꞌustꞌih nahzún eh? Ndi ꞌutsꞌun unꞌa be neꞌzustꞌen-i, ꞌet tsꞌiyawh sba whunawhudoolhnoh!

1 Thessalonians 2:9

Neulhutsinke soo cho whunalhnih, ꞌoh daꞌ ntsꞌoh tuneꞌ tsꞌutꞌen ꞌulhdzis ꞌinkꞌez dzin ꞌi bulh lhla tsꞌóodatꞌelh! Tube neba howa whulnaꞌ tꞌeoonahzun, doo ka la nohba howa whulnaꞌ tsꞌuhoolhtselh ꞌet whuchꞌa. ꞋEt whuz unꞌa Yakꞌusda ooghuni unzoo-i be nohbulh yatsꞌulhduk.

1 Thessalonians 4:11

ꞋInkꞌez cha, nánilhtsulyaz yun kꞌut dólhtsꞌiꞌ, ꞌinkꞌez nohꞌeꞌutꞌen za noolhꞌen. Nohnichꞌoh nohla be oohtꞌen. ꞋEt whuz unꞌa edóhtꞌen nohtsꞌudániꞌ.