Acts 17:3 - Yak'usda Ooghuni

³ ꞋEt buba hukwꞌú nuhúlhyeꞌ Christ ꞌen ꞌutinelh dzoh nutizut, datítsah, ꞌinkꞌez nakhitátnalh. ꞋEt tsꞌihꞌun ꞌuhoontꞌoh buba hoolhꞌih, “Ndun Jesus ꞌandit ooghun nohbulh yásduk-un, ꞌen Christ ꞌuntꞌoh,” Paul ubúlhni.

Acts 17:3 Iomraidhean Croise

Luke 24:32

ꞋEt ꞌulhodutni, “Niz de ti nebulh yalhduk ꞌinkꞌez Yakꞌusda ooghuni daja ni whunenulhtun whe ꞌaw lawk nedzi dízkꞌun le lhéꞌtsꞌitꞌoh inleꞌ?”

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

Luke 24:46

ꞋInkꞌez ꞌubulhni, “Ndi ꞌi ꞌukꞌu nusguz whe ꞌet ndutni, Christ, ꞌen dzoh nozut, ꞌinkꞌez whulh tat dzin dunadíjaꞌ hubaꞌ hoontꞌoh,

John 20:9

ꞋAwhuz soo cho dudeni be tꞌéhonúszun daja ni la ndi Yakꞌusda ooghuni ꞌukꞌu nusgúz-i kꞌut, Jesus yaidlane toh dunádutádalh ꞌet huwun.

Acts 1:4

ꞋEt ꞌilhoh hudilhtsꞌi whe bugha khúni ninꞌai whe ubúlhni, “Jerusalem huwu toohdilh junih! SBá ye nóhtsꞌu náhizya-i, ꞌi ooba oolhꞌéꞌ. Ndai la nohgha títꞌalh-i huwun nohdúsni inleꞌ.

Acts 18:28

ꞋEt Lizwif ꞌilhozdilne hidulhyoh ꞌutni whe buchꞌaꞌ nilhde, daja ni whe Yakꞌusda ooghuni ꞌukꞌu nusguz-i gha Jesus ꞌen tsꞌihꞌun ꞌalha ꞌuhoontꞌoh whe Christ, ꞌen ꞌuntꞌoh. ꞋEt whuz unꞌa buba hukwꞌu núhilhyeꞌ.

Acts 18:5

ꞋEt Silas Timothy bulh Macedonia tsꞌe ha náhitꞌaz. ꞋEt Paul Ndoni yula ꞌutꞌen whe ndunne Lizwifne soo cho whúbunulhtun Jesus, ꞌen Christ, ꞌen ꞌuntꞌoh.

Acts 3:18

ꞋEt ꞌudaꞌ whe Yakꞌusda daniꞌ ꞌet ndunne Yakꞌusda be nus hóoꞌenne ꞌet la, Christ dzoh nutizut, hutni. ꞋEt whuz unꞌa ꞌuhóoja whúlhtsi.

Acts 9:22

ꞋEt hoontsꞌi Saul ooghuni ꞌon nus ulhtus whe dune bubulh yálhduk ꞌinkꞌez Jesus ꞌen Christ ꞌuntꞌoh tsꞌihꞌun buba ꞌálhaꞌ hoontꞌoh ꞌubulhtsi kꞌet Lizwifne Damascus whutꞌenne ꞌaw dája hidóniꞌ ꞌaitꞌoh.

Galatians 3:1

O Galatia whutꞌenne whuzahni! Mbe duyun-un nistꞌi whe nohnanꞌa ndi khuni ꞌalhaꞌ ꞌuntꞌoh-i ookꞌu nulhéꞌzoohtꞌen ha? Nohnichꞌoh Christ tulalhgus kꞌut neba dazsai-un, whunilhꞌen leꞌ hoontꞌoh. ꞋEt whuz unꞌa nohba be hóodatꞌen.