Acts 16:3 - Yak'usda Ooghuni

³ ꞋEt Paul ꞌen Timothy dulh tínꞌus hukwaꞌ ninzun ꞌinka yuka dune unli-i kꞌut huyúztꞌus. ꞋEt nduhúyinla whe Lizwifne ꞌoh whutꞌenne, ꞌenne Timothy oobá Greek unli tꞌehinínzun ꞌet huwa.

Acts 16:3 Iomraidhean Croise

Acts 15:20

ꞋEt hoontsꞌi butsꞌó kꞌeꞌ tsꞌooges ꞌinkꞌez ubuzdóniꞌ, ‘Ndai tꞌalh-i buyakꞌusda ꞌukꞌeltsi-i tsꞌu hítulhdilh ꞌet whe oochꞌaz nijoot whe ꞌuntꞌoh, khun te oohꞌalh junih. Tsꞌekoo kꞌus dune bulh nintaꞌoohtꞌen junih. Khuna oozeꞌ ꞌúsguz-i ꞌinkꞌez ꞌuskaiꞌ bulhitsus-i oohꞌalh junih, ꞌinkꞌez ꞌuskaiꞌ cha oohꞌalh junih.’

Acts 15:37

ꞋEt Barnabas John Mark dudulhtóoꞌas hukwaꞌ ninzun,

Acts 15:40

ꞋEt Paul Silas butahaílhti ꞌinkꞌez ooba ꞌalha ꞌuhoontꞌohne Yakꞌusda tlꞌábahanla ye únzoo-i, ꞌi be bughodleꞌ haꞌ, ꞌet hukwꞌelhꞌaz whenáhitꞌaz.

1 Corinthians 7:19

ꞋEt yuka dune unli-un kꞌut huyuztꞌus kꞌus lhitꞌus-un, ꞌet ꞌantsꞌi ꞌuhoontꞌoh. Yakꞌusda ooghuni netlꞌa ídanꞌai ookꞌuneꞌtsꞌutꞌen de, ꞌet za neba hooncha wheꞌ hoontꞌoh.

1 Corinthians 9:20

Lizwifne bulh ꞌustꞌoh te, ꞌet Lizwif kꞌunꞌa naꞌduzuzsi, ꞌet tilah Lizwifne ꞌon nus lhane uboosyih. ꞋInkꞌez Moses be ꞌudustlꞌus yukꞌuneꞌ ꞌutꞌenne, ꞌenne bukꞌunꞌa ꞌustꞌoh te, ꞌet tilah ndunne ꞌon nus lhane uboosyih.

Galatians 2:3

ꞋEt hoontsꞌi Titus, sulh ꞌutꞌen-un, ꞌen Greek whutꞌen-un unli, ꞌet hoontsꞌi ꞌaw yuka dune unli-i hititꞌus whutsꞌun lhehinilhtꞌi.

Galatians 2:8

Ntsꞌenꞌa Yakꞌusda Peter lizwifne buba whelꞌaꞌ-un yulhtsi, ꞌet whuz unꞌa si cha ꞌudun yun kꞌut whutꞌenne buba whelꞌaꞌ-un sulhtsi ꞌet huwa.

Galatians 5:6

ꞋEt wheni tsꞌiyawh Christ Jesus ꞌen bulh ꞌutsꞌintꞌoh de, ꞌet de yuka dune unli-i kꞌut huyuztꞌus, kꞌus ꞌaw lhitꞌus-un, ꞌet ꞌaw ꞌantsꞌi ꞌuhoontꞌoh. ꞋEt hoontsꞌi be ꞌalha ꞌuhoontꞌoh-i, ꞌi hooncha wheꞌ hoontꞌoh. ꞋI gha ꞌon nus lhkꞌetsꞌusiꞌ.

Philippians 2:22

ꞋEt hoontsꞌi Timothy ntsꞌenꞌa dune unli, nohni tsꞌiyawh tꞌeoonúhzun. Dune ooyeꞌ ntsꞌenꞌa dubá yula ꞌutꞌen, ꞌet whuz unꞌa za ꞌulhna kꞌunꞌa ndi khuni unzoo-i, ꞌi be lhla ꞌítꞌen.