Acts 16:2 - Yak'usda Ooghuni

² Keyoh Lystra ꞌinkꞌez Iconium whutꞌenne, ooba ꞌalha ꞌuhoontꞌohne, ꞌenne Timothy soo za highu yalhduk.

Acts 16:2 Iomraidhean Croise

2 Timothy 3:15

ꞋEt nyun tsꞌoodun inli daꞌ whutsꞌun ndi Yakꞌusda ooghuni lubeshi ooghu hooloh whe ꞌukꞌéguz-i tꞌenanzin. ꞋI gha be whutnih-i ꞌintꞌi whe dinjih, Christ Jesus ꞌen mba ꞌalhaꞌ ꞌuntꞌoh ꞌet huwa.

1 Timothy 5:10

Unzoo-i ꞌutꞌen ꞌulhꞌen ooghu tꞌeoohunoodzun. Tsꞌoodunne nilhyai de, dune tꞌebunuszunne, ꞌenne hoontsꞌi yoh dabulih, Yakꞌusda oochꞌeꞌne buke tunagus, dzoh nuzutne la ꞌutꞌen de, ꞌet ndi ꞌutꞌen unzoo-i soo cho tsꞌiyawh ꞌuyalhꞌen de.

Hebrews 11:2

Ndi be ꞌalha ꞌuhoontꞌoh-i, ꞌi be ndunne Yakꞌusda ba ꞌutso whudilhdzulhne, ꞌenne soo tsꞌihꞌun unꞌa bughu yaduk.

2 Timothy 3:11

Dune sezula inleꞌ, ꞌinkꞌez dzoh nusuhulhdzut. ꞋEt whuz yun kꞌut Antioch, Iconium, ꞌinkꞌez Lystra, whuz sulh ꞌet ꞌúhooja inleꞌ, ꞌi tsꞌiyawh tꞌeoonanzin. Dune sezula whulh susyin, ꞌinkꞌez neMoodihti tsꞌiyawh whuchꞌa sla ꞌuja.

1 Timothy 3:7

ꞋInkꞌez cha ndunne ooba ꞌalhaꞌ lheꞌhootꞌohne, ꞌenne cha soo highu yaoolhduk, doo ka si tankꞌus ꞌuja ꞌinkꞌez netsudule yoolhgooh.

Acts 16:40

Paul Silas bulh ꞌahudinꞌai-un tenáhuntꞌaz ꞌinkꞌez Lydia ooyoh tsꞌe hoozꞌaz. ꞋEt ooba ꞌalha ꞌuhoontꞌohne, ꞌenne cha ꞌet hudilhtsꞌi. Khuni be tsꞌílhtus-i be bubulh yáhalhduk ꞌinkꞌez whenáhitꞌaz.

Acts 14:21

ꞋEt Paul Barnabas bulh keyoh Derbe khuni unzoo-i be bubulh yáhulhduk whe lhane Jesus kꞌúneꞌ hutꞌen huzdliꞌ. ꞋEt Lystra tsꞌe whenáhitꞌaz, Iconium tsꞌe cha ꞌinkꞌez Antioch, Pisidia whuz whe nahítꞌaz.

Acts 13:51

ꞋEt ꞌinka ꞌet keyoh whulez chꞌa dukegon naháyanghat ꞌinkꞌez keyoh Iconium tsꞌe hoozꞌaz.

Acts 6:3

ꞋEt huwa sulhutsinke lhtakꞌantꞌine dune nohtoh mbene la tꞌebunáhzun Ndoni buyudínda ꞌinkꞌez huwhunih cha ꞌuhintꞌohne ꞌutahábuhle ꞌenne ndi ꞌutꞌen ꞌuhuyoolhꞌen wheni ꞌenne huwu hinli butsꞌoolhtselh.

1 Timothy 5:25

ꞋInkꞌez whuz ꞌunꞌa za mbene ꞌutꞌen unzoo-i ꞌulhꞌenne tsꞌiyanne tꞌewhuntizeh ꞌinkꞌez ꞌutꞌen unzoo-i nahinuꞌiꞌ de, ꞌi hoontsꞌi tsꞌiyanne tꞌewhuntizeh.

Acts 1:15

ꞋEt ꞌoh daꞌ dzin yugha hodilꞌeꞌne ꞌilhúhozdil (ꞌalhgoh 120 ꞌatꞌénne dune). ꞋEnne butoh Peter bubulh yátilhduk ha dudinya,

Acts 14:1

ꞋEt Iconium tsꞌe hoozꞌaz whe ꞌet cha ndúhooja. Paul, Barnabas bulh Lizwif lugliz tsꞌe hoozꞌaz whe ꞌukꞌenus soo bubulh yáhalhduk, ꞌet huwa tube lhane Lizwifne ꞌinkꞌez ꞌudun yun kꞌut whutꞌenne cha Jesus buba ꞌalhaꞌ ꞌuntꞌoh huzdliꞌ.

Acts 14:6

ꞋEt whelꞌaꞌne whulh ꞌúhudantsꞌo whe, keyoh Lystra ꞌinkꞌez Derbe, Lycaonia ꞌoh whuzdla-un whuz buchꞌa whe tse halhdil, ꞌoh ho whunat cha.

Philippians 2:22

ꞋEt hoontsꞌi Timothy ntsꞌenꞌa dune unli, nohni tsꞌiyawh tꞌeoonúhzun. Dune ooyeꞌ ntsꞌenꞌa dubá yula ꞌutꞌen, ꞌet whuz unꞌa za ꞌulhna kꞌunꞌa ndi khuni unzoo-i, ꞌi be lhla ꞌítꞌen.