Acts 15:3 - Yak'usda Ooghuni

³ ꞋEt ꞌawet Jesus Christ gha ꞌilhozdílne, whelꞌaꞌne whe bahalhꞌaꞌ. ꞋEt Phoenicia ꞌinkꞌez Samaria whutulhuhúzꞌaz whe ꞌudun yun kꞌut whutꞌenne dahúja Yakꞌusda tsꞌu náhulhya ꞌubuhútni whe tube cho ndunne Jesus Christ kꞌúneꞌ ꞌutꞌenne huhóontꞌiꞌ suliꞌ.

Acts 15:3 Iomraidhean Croise

Luke 15:32

ꞋEt tsꞌihꞌun unꞌa ꞌuhoontꞌoh tsꞌonólhni ꞌinkꞌez tsꞌohótꞌeꞌ hubaꞌ hoontꞌoh. Nyulhutsin dazsai inleꞌ, ꞌen nakhitnaꞌ. Nintaltsꞌut inleꞌ, ꞌawet nasti.’”

Acts 1:15

ꞋEt ꞌoh daꞌ dzin yugha hodilꞌeꞌne ꞌilhúhozdil (ꞌalhgoh 120 ꞌatꞌénne dune). ꞋEnne butoh Peter bubulh yátilhduk ha dudinya,

Acts 13:48

ꞋEt ꞌudun yun kꞌut whutꞌenne hodántsꞌo whe, huhoontꞌiꞌ whe neMoodihti ooghuni hiba oodálhtiꞌ ꞌinkꞌez mbene la ꞌilhiz hutinalh huba ꞌutꞌahályane buba ꞌalha ꞌuhoontꞌoh suliꞌ.

Acts 13:52

ꞋEt Jesus yugha hodulꞌehne Antioch dilhtsꞌíne Ndoni be hilhtus súliꞌ ꞌinkꞌez tube cho honílhni.

Acts 14:27

ꞋEt Antioch tsꞌe nahoostꞌaz whe Jesus Christ yugha hodulꞌehne, tsꞌiyawh ꞌilhubuhozdla ꞌinkꞌez ntsꞌoh te la Yakꞌusda gha néꞌhustꞌen-un ꞌinkꞌez ꞌudun yun kꞌut whutꞌenne cha be ꞌalha ꞌuhoontꞌoh-i hutꞌi suliꞌ hutni whe bubulh nahuwhulnuk.

Acts 15:1

ꞋEt whulohne dune Judea whédindilne keyoh Antioch tsꞌe hoozdil ꞌinkꞌez ndunne ooba ꞌalha ꞌuhoontꞌohne Moses ooghuni ꞌukꞌu nusguz-i ghun ooka dune ꞌahli-i kꞌut nohahúztꞌus de, ꞌaw ꞌet de za dutihjih, ꞌubuhútni.

Acts 15:12

ꞋEt soo dilhtsꞌine tsꞌiyawh tꞌehudusni whe Barnabas Paul bulh hubuhoodilhtsꞌai ꞌudun yun kꞌut whutꞌenne butoh ntsꞌenꞌa Yakꞌusda gha hooncha ꞌinkꞌez huwa ꞌítꞌen te néꞌhustꞌen ꞌet huwun.

Acts 15:22

ꞋEt whelꞌaꞌne cha, dune tso whudilhdzulhne, ꞌinkꞌez Jesus Christ gha ꞌilhozdilne tubulh lhgha ꞌúhudija whe Paul Barnabas bulh Antioch tsꞌe bubulh tiꞌusne ꞌutahábotilhtelh. ꞋInka Judas, ꞌen Barsabas huyúlhni, ꞌen Silas bulh ꞌutahábahalhti. ꞋEt ooba ꞌalha ꞌuhoontꞌohne butoh ndunne nane, ꞌenne soo whuníhne hinli.

Acts 15:32

ꞋEt Judas Silas bulh dichꞌoh Yakꞌusda ba yalhdukne hinli cha, ꞌinkꞌez ooba ꞌalha ꞌuhoontꞌohne saꞌ whe Yakꞌusda ooghuni be bubulh yahalhduk ꞌet whe la soo budzi unzoo ꞌinkꞌez hilhtus cha hubuhulhtsi.

Acts 15:4

ꞋEt Jerusalem tsꞌe hoozꞌaz whe Jesus Christ gha ꞌilhozdílne tube cho ubúnahunílhni. Ndunne whelꞌaꞌne ꞌinkꞌez dune tso whudilhdzulhne, ꞌenne bubulh náhuwhulnuk Yakꞌusda gha ntsꞌoh te la neꞌhustꞌen ꞌet huwun.

Acts 17:15

Ndunne dune Paul bulh ꞌujane keyoh Athens whutsꞌun huyúlhusúdil, ꞌet Berea tsꞌe lhtꞌanahunisdil. ꞋEt Silas Timothy bulh soo ꞌa cho dutsꞌun hutooꞌas ubúlhni whe butsꞌo tlꞌa khuni inꞌai, ꞌinka ꞌahoh hitsꞌu whinꞌaz.

Acts 20:38

“ꞋAw ꞌon ꞌat nasulhtuzihtꞌel,” ꞌubulhni whe bubulh yaílhduk ꞌet huwa tube cho budzi únduda ꞌinkꞌez tsꞌi ustan whutsꞌun huyúlh nunahusdil ꞌinkꞌez kꞌenahidilꞌen.

Acts 21:5

ꞋAwet buzih lházduja, bugho whenátsꞌidil ꞌinkꞌez naztisdil whe tsꞌiyawh duꞌatkoo te ꞌinkꞌez duzkeh te nebulh lhunahusdil whe keyoh whuchꞌa natsꞌusdil. Taba ꞌet negwutsi be néznindil ꞌinkꞌez tenazdidli.

Acts 28:15

ꞋEt ndunne neulhutsínkene Rome ꞌet nebulh ꞌúhudantsꞌo whe, ꞌeꞌóoket-un, Appius huwhútni-un, ꞌinkꞌez tsꞌuztez bayoh cha tat-un ꞌutꞌalh-un huwhútni-un, ꞌet lheꞌhooldzoh tsꞌe whuz nedodizdil. ꞋEt Paul ꞌubutilhꞌen whe, Yakꞌusda, “Musi,” yudániꞌ ꞌinkꞌez ꞌawet oodzi donáꞌuja.

Acts 8:14

ꞋEt whelꞌaꞌne Jerusalem tsꞌe whulh ꞌuhúdantsꞌo Samaria whutꞌenne Yakꞌusda ooghuni huyílhchoot ꞌinka Peter ꞌinkꞌez John bulh whuz whebuhalhꞌaꞌ.

Romans 15:24

Ndet la Spain yun kꞌut tsꞌu tisya de, ꞌatsul wheni nohtsꞌú nutisyalh. Whuz nusya de, ꞌet hukwaꞌ nuhzun de, ꞌet la ꞌon ꞌun tisyalh huba sla ꞌoohneh.

1 Corinthians 16:11

ꞋEt huwa nohni nohtoh ꞌen ꞌantsꞌi nohba ooleꞌ junih. ꞋEt hoontsꞌi oodzi dizghel whe stsꞌun nátoolhꞌaꞌ. Si ꞌinkꞌez lhulhutsinke tubulh ooba tsꞌilhꞌi.

1 Corinthians 16:6

ꞋAtsul whuba tilah ꞌet nohzih oosdaꞌ kꞌus khit duwhulyiz tilah nohzih oosdaꞌ. ꞋEt whe la ntsꞌe la tisyalh tsꞌe, nohni sla oohtꞌen ha.

2 Corinthians 1:16

ꞋEt whuz unꞌa Macedonia yun kꞌut tsꞌe ꞌet ꞌoh whuya nohkꞌutisyalh inleꞌ. ꞋEt Macedonia tsꞌe ha násja de, doo cha za nohkꞌunatisdulh inleꞌ. ꞋEt whuz kꞌonásdalh whe Judea yun kꞌut ndai la be ndunusdzit-i be sla tihnelh inleꞌ.

Titus 3:13

ꞋEt Zenas dune ba yalhduk-un ꞌinkꞌez Apollos, ꞌenne khun nkꞌuhunꞌas de, di la hikaꞌ ninzun-i, ꞌi butlꞌa yónlelh, ꞌa cho hutooꞌas. ꞋInkꞌez khun hoonli ꞌe hundunótsꞌit junih.