Acts 13:3 - Yak'usda Ooghuni

³ ꞋEt doo cha za soo húhoni ꞌinkꞌez tenahudidli whe butsi kꞌúdalni ꞌinkꞌez whébahalhꞌaꞌ.

Acts 13:3 Iomraidhean Croise

Luke 2:37

Ndun tsandilh, ꞌen lhkꞌu dit whunizyat ꞌon ꞌat dit be yus kꞌut atꞌen (84). ꞋAw lugliz whucho whuchꞌa lhiyal. Dzenis ꞌinkꞌez ꞌulhdzis ibulh soo hooni ꞌinkꞌez tenadudli whe Yakꞌusda ba neꞌutꞌen-un unli.

Acts 1:24

ꞋEt tenahudidli whe nduhútni, “NeMoodihti nyun tsꞌiyanne dune budzi yo tꞌéoonínzun. ꞋEt huwa whunénilhtun kꞌus umbe ꞌen neba ꞌutuhaílhti.

Acts 13:2

Soo húhoonih ꞌinkꞌez neMoodihti hiba ꞌútꞌen whutoh, Ndoni ubúlhni, “Barnabas Saul bulh sba ꞌudun nébutalhtelh, ndi ꞌutꞌen bugha ínusꞌai-i ꞌuhuyooleh ꞌet wheni.”

Acts 13:4

ꞋEt Ndoni ubutílhꞌaꞌ whe Barnabas ꞌinkꞌez Saul bulh Seleucia tsꞌe hoozdil, ꞌet whutsꞌun noo Cyprus huyúlhni tsꞌe hoozki.

Acts 14:23

Ndet Jesus Christ gha ꞌilhozdílne hoonli-un dune tso whudilhdzulhne buba ꞌutahahánla. ꞋEt tenadudli ꞌinkꞌez soo húhoonih, ꞌinkꞌez neMoodihti tlꞌábahanla whe Jesus soo hitꞌa nínintan.

Acts 14:26

ꞋEt whutsꞌun Antioch tsꞌe nahooski. Ndet la keyoh Paul Barnabas bulh Yakꞌusda be ꞌutꞌen kꞌoh butlꞌa háhonla inleꞌ. ꞋAwet ndi ꞌutꞌen lhahídinla whe ꞌuhoontꞌoh.

Acts 15:40

ꞋEt Paul Silas butahaílhti ꞌinkꞌez ooba ꞌalha ꞌuhoontꞌohne Yakꞌusda tlꞌábahanla ye únzoo-i, ꞌi be bughodleꞌ haꞌ, ꞌet hukwꞌelhꞌaz whenáhitꞌaz.

Acts 6:6

ꞋEnne whelꞌaꞌne but néboninla whe whelꞌaꞌne buba tenahudidli ꞌinkꞌez bukꞌodálni.

Acts 9:17

ꞋInka Ananias whuz whenya ꞌinkꞌez yoh danínya whe Saul yekꞌédilni ꞌinkꞌez ndutni, “Saul, sulhutsin neMoodihti sutílhꞌaꞌ, Jesus dichꞌoh, ndiz ínyalh whe ti nye nghun be hóodiltsai-un, ꞌen sutílhꞌaꞌ honꞌen naoondleꞌ ꞌinkꞌez Ndoni nyudóoltsꞌit ha.”

Romans 10:15

Dune butsꞌó whehalhꞌaꞌ ubudutánelh huba, ꞌet de za hiyulh údutatsꞌo. Njan huwun Yakꞌusda be ꞌudustlꞌus kꞌut ndutni, “Dáwhuldzooꞌ wheꞌ hoontꞌoh dune khuni unzoo-i whuneuntilhtun, ntsꞌenꞌa la nedzi yo whudutághel ꞌinkꞌez Yakꞌusda be ꞌutꞌen unzoo-i tsꞌolhchoot huba.”

1 Timothy 4:14

ꞋEt ꞌoh daꞌ ndunne ꞌutso whudilhdzulhne dula ntsi kꞌut hudalni. ꞋEt whe mba nus huhonꞌen ꞌinkꞌez ꞌi nghantꞌai-i ꞌantsꞌi mba ooleꞌ junih.

1 Timothy 5:22

Soo ꞌa dune kꞌedolnih junih. ꞋInkꞌez ꞌuyoonne lubeshi ꞌulhꞌenne eꞌutꞌen bubulh ꞌoneh junih! Nyunchꞌoh lubeshi yit ꞌududoldzin.

2 Timothy 1:6

ꞋEt huwa mba whunazni ndet daꞌ ntsi kꞌet duznih whe Yakꞌusda huwa yaꞌaih-i, ꞌi ntlꞌa ídanꞌai. ꞋI ꞌantsꞌi bulh neꞌhilhnah leꞌ ꞌilhꞌen.

2 Timothy 2:2

ꞋInkꞌez lhane nalh daja nyudásniꞌ-un, ndi khuni Jesus Christ tsꞌu ditnine tlꞌa dínle, ꞌon ꞌun ꞌuyoonne huye hódoolhꞌeh ha.

3 John 1:6

ꞋEnne ꞌuhintꞌoh ntsꞌenꞌa bukꞌensiꞌ, Yakꞌusda ba ꞌilhunaoodulhne, ꞌenne butsꞌun nkꞌunahuwhulnuk. Yakꞌusda hootátꞌeꞌ hukwꞌunꞌa hutidulh tsꞌe whébilhꞌaih de, ꞌet tube soo ꞌintꞌen whe ꞌintꞌen.

3 John 1:8

Wheni cha nduntꞌohne neyoh dábutsꞌoolelh hubaꞌ hoontꞌoh. ꞋEt de khuni ꞌalhaꞌ ꞌuntꞌoh-i ba ꞌilhoh ꞌutsꞌutꞌen tsꞌooleꞌ.