Acts 13:2 - Yak'usda Ooghuni

² Soo húhoonih ꞌinkꞌez neMoodihti hiba ꞌútꞌen whutoh, Ndoni ubúlhni, “Barnabas Saul bulh sba ꞌudun nébutalhtelh, ndi ꞌutꞌen bugha ínusꞌai-i ꞌuhuyooleh ꞌet wheni.”

Acts 13:2 Iomraidhean Croise

Matthew 17:21

ꞋEt hoontsꞌi ntsiꞌ-i nududeh-i, netenadudli-i, ꞌinkꞌez soo tsꞌúhoonih, ꞌi be za dune butsꞌu ha nátsꞌiyuntiyulh wheꞌ hoontꞌoh.”

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 9:38

ꞋInka Yakꞌusda haꞌ nukat-un whumoodih, ꞌuyoonne ꞌutꞌenne cha whusáboolhꞌaꞌ, ꞌet huba tenadoohdli,” ubúlhni.

Luke 10:1

ꞋEt hukwꞌelhꞌaz neMoodihti lhtakꞌantꞌit whunizyane (70) ꞌutahábanla keyoh whuti totsuk nutiyalh-un, nane hinli whe dutso whe balhꞌaꞌ.

Luke 2:37

Ndun tsandilh, ꞌen lhkꞌu dit whunizyat ꞌon ꞌat dit be yus kꞌut atꞌen (84). ꞋAw lugliz whucho whuchꞌa lhiyal. Dzenis ꞌinkꞌez ꞌulhdzis ibulh soo hooni ꞌinkꞌez tenadudli whe Yakꞌusda ba neꞌutꞌen-un unli.

Acts 10:19

ꞋEt Peter ꞌawhuz njan honꞌen-un beni taóodoltsꞌit hukwa ꞌutꞌen whe Ndoni uyúlhni, “Oozílhtsꞌai, njan tane dune, ꞌenne nká hinuta.

Acts 10:30

ꞋEt Cornelius ꞌutni, “ꞋEt ndowheya hoozulh atꞌen tat dzin inleꞌ whe dzetniz hukwꞌelhꞌaz 3:00 atꞌen ꞌuhunitꞌoh whe syoh sóo hoosni ꞌinkꞌez tenadusdli whe khuntsul dune naih soo ꞌulhyul-i be usda-un

Acts 13:3

ꞋEt doo cha za soo húhoni ꞌinkꞌez tenahudidli whe butsi kꞌúdalni ꞌinkꞌez whébahalhꞌaꞌ.

Acts 13:4

ꞋEt Ndoni ubutílhꞌaꞌ whe Barnabas ꞌinkꞌez Saul bulh Seleucia tsꞌe hoozdil, ꞌet whutsꞌun noo Cyprus huyúlhni tsꞌe hoozki.

Acts 14:26

ꞋEt whutsꞌun Antioch tsꞌe nahooski. Ndet la keyoh Paul Barnabas bulh Yakꞌusda be ꞌutꞌen kꞌoh butlꞌa háhonla inleꞌ. ꞋAwet ndi ꞌutꞌen lhahídinla whe ꞌuhoontꞌoh.

Acts 20:28

ꞋEt huwa nohni cha soo cho khohdleꞌ ꞌinkꞌez ndai la Yakꞌusda be ꞌusbai Ndoni ooghohleꞌ ha nohtlꞌábanla njan Yakꞌusda gha ꞌilhozdílne, ꞌenne ꞌusbai ghunline bubahli, duzkaiꞌ be duchꞌeꞌ ꞌubulhtsi inleꞌ ꞌet huwa.

Acts 22:21

ꞋInkꞌez neMoodihti ꞌusúlhni, ‘Inyalh, nilhdzaꞌ ꞌudun yun kꞌut whutꞌenne butúz nyutisꞌalh!’”

Acts 4:36

ꞋInkꞌez ꞌilhoghun dune, Joses huyúlhni, ꞌen Levite-un ꞌuntꞌoh ꞌet Cyprus whuzdlí-un, ꞌen whelꞌaꞌne “Barnabas” huyúlhni, ndi booziꞌ ꞌi la, “ꞋEn nedzi ulhtus ilhꞌí-un,” ni whe ꞌutni.

Acts 6:4

ꞋEt wheni tenazdudli ꞌinkꞌez Yakꞌusda ooghuni be yátsꞌulhduk-un, ꞌet za ꞌutsꞌotilhꞌelh,” ꞌubuhútni.

Acts 8:29

ꞋEt Ndoni Philip yulh yátilhduk, “Whuz ootsꞌínyalh ꞌinkꞌez luwagin oozih kꞌut tainyaih,” yúlhni.

Acts 9:15

Moodihti ꞌet uyúlhni, “Inyalh ꞌinkꞌez dája nyudúsni-un ꞌuhoonleh. Si Saul ꞌutahásti whe ꞌuntꞌoh, sbaꞌ titꞌelh ꞌet wheni. ꞋUdun yun kꞌut whutꞌenne, lerwene cha ꞌinkꞌez Israel ootsꞌu hainzutne cha tsꞌiyawh si sghun tꞌehonózin ꞌet whúbuntilhtun ꞌet wheni.

Romans 1:1

Si Paul Jesus Christ be ꞌulhna-un, ꞌen ba za whelꞌaꞌ-un ꞌústꞌoh. Ndi khuni unzoo-i dune dósniꞌ huba, Yakꞌusda ꞌudun nésunilhti whe ꞌustꞌoh.

Romans 10:15

Dune butsꞌó whehalhꞌaꞌ ubudutánelh huba, ꞌet de za hiyulh údutatsꞌo. Njan huwun Yakꞌusda be ꞌudustlꞌus kꞌut ndutni, “Dáwhuldzooꞌ wheꞌ hoontꞌoh dune khuni unzoo-i whuneuntilhtun, ntsꞌenꞌa la nedzi yo whudutághel ꞌinkꞌez Yakꞌusda be ꞌutꞌen unzoo-i tsꞌolhchoot huba.”

Romans 15:16

ꞋEt de la Jesus Christ ooba ꞌustꞌen-un usli, ꞌudun yun kꞌut whutꞌenne Yakꞌusda ooghuni ghun bubulh yaoosduk ha. ꞋEt de la Ndoni Yakꞌusda ba ꞌudun nelyane huzdliꞌ ꞌinkꞌez Yakꞌusda hoontꞌiꞌ whe la ubólhchoot.

1 Corinthians 12:11

ꞋInkꞌez ndi nduntꞌoh-i tsꞌiyawh ꞌilho Ndoni za ntsꞌenꞌa la hukwaꞌ ninzun kꞌunꞌa, ꞌet whuz unꞌa buba lhkꞌé hónla. ꞋInkꞌez ndet la butaoonínla ꞌilho Ndoni ꞌen be za ꞌuwhutꞌen.

1 Corinthians 7:5

ꞋAw lhchꞌoh oohkeꞌ huba lheꞌhootꞌoh. ꞋEt hoontsꞌi ꞌatsulyaz whe soo hootahni ꞌinkꞌez tenadutihdli hukwaꞌ nuhzun de, ꞌet nanulhtꞌo soo lhgha hoonuhtꞌiꞌ de, ꞌet sooꞌ whutatꞌelh. ꞋEt hukwꞌelhꞌaz doo cha za lhkꞌeoohsiꞌ ꞌinkꞌez lhzih nenaoohtꞌas, doo ka la ꞌaw nohyustꞌe ooghu tihle huba soo lheꞌahtꞌoh de, ꞌet Satan nohootalhdzih.

2 Corinthians 11:27

ꞋUtꞌen ulhtus-i be ꞌustꞌen. ꞋEt huwa whuloh te tube nenúsi. Lhat ꞌaw lhústoh. Lhat syeꞌúltsꞌilh ꞌinkꞌez taꞌóosda. Lhat-un whe sóo hoosnih, kꞌus lhat hukwꞌuz yo nusúsya dzoh ꞌet dune usdli whe.

2 Corinthians 6:5

ꞌinkꞌez nehoolhtsas-un, ꞌanehudilhꞌai-un, nebulh hódutulhzuk-un cha, ꞌutꞌen howa whúlnaꞌ-i cha. Lhtsꞌitoh-un cha, soo tsꞌúhooni-un, ꞌet cha.

Galatians 1:15

ꞋEt ꞌawhuz chadusda whe, ꞌet Yakꞌusda ba hoonzoo whe ꞌutahasálhti ꞌinkꞌez ye unzoo-i be dutisjih ha skaꞌ daniꞌ,

Ephesians 3:7

Khuni unzoo-i be ꞌustle-un susdliꞌ. Dahoontꞌoh hukwꞌunꞌa Yakꞌusda ye ulhtus-i, ꞌi be ꞌuwhutꞌen, ꞌet whuz unꞌa ye unzoo-i, ꞌi be stlꞌa hóoltsꞌut.

Colossians 4:17

ꞋInkꞌez Archippus ꞌen dóhniꞌ, “NeMoodihti ndet ntlꞌa hónꞌai-un, tsꞌiyawh lhaoodonleh. ꞋEt whuz unꞌa la lhaoodonleh”.

1 Timothy 2:7

ꞋEt wheni Yakꞌusda ꞌutahasalhti whelꞌaꞌ-un tisdleh ꞌinkꞌez ooba yatisduk ha. Si ꞌutisnelh ꞌudun yun kꞌut whutꞌenne be ꞌalha ꞌuhoontꞌoh-i ꞌinkꞌez khuni ꞌalhaꞌ ꞌuntꞌoh-i cha ꞌet whúbuntistun ha. ꞋEt Christ oonalh daja dusni ꞌalhaꞌ ꞌuntꞌoh-i beꞌ dusni, ꞌaw lhozustsꞌit.

2 Timothy 1:11

ꞋEt wheni si ꞌudun yun kꞌut whutꞌenne, ꞌenne butsꞌu tisyalh. ꞋEnne bubulh yásduk, ꞌinkꞌez whubodusꞌeh, ꞌet whuba butsꞌu whelꞌaꞌ-un susdliꞌ.

2 Timothy 2:2

ꞋInkꞌez lhane nalh daja nyudásniꞌ-un, ndi khuni Jesus Christ tsꞌu ditnine tlꞌa dínle, ꞌon ꞌun ꞌuyoonne huye hódoolhꞌeh ha.

2 Timothy 4:11

Luke ꞌen za szih usda. Mark ꞌen ookunainda ꞌinkꞌez ndiz nyulh tóoꞌas, ꞌen sba ꞌutꞌen huba unzoo ꞌet huwa.

2 Timothy 4:5

ꞋEt hoontsꞌi nyun tsꞌiyantsuk whunih-i be whuchꞌa soo cho khindli. Yakꞌusda be ꞌutꞌen kꞌoh whulukhun mba howa whulnaꞌ ꞌet hoontsꞌi nilhtꞌi za ꞌilhdzun. ꞋInkꞌez Yakꞌusda ooghuni be yailhduk whe dune ilhyís-un, ꞌet za ndóntꞌen. ꞋInkꞌez Yakꞌusda be ooba ꞌintꞌen-i, ꞌi tsꞌiyawh lhadónleh.

Hebrews 5:4

ꞋEt lubret ꞌukꞌenus diztiꞌne hulih te, ꞌaw dune dichꞌoh ꞌet nduhóotꞌen ꞌaitꞌoh. ꞋEt hoontsꞌi ntsꞌenꞌa Yakꞌusda Aaron ꞌutꞌahayalhti, ꞌen kꞌunꞌa za lubret ꞌukꞌenus diztiꞌ-un ꞌutahaóoltelh hubaꞌ hoontꞌoh.