Acts 13:1 - Yak'usda Ooghuni

¹ ꞋEt keyoh Antioch Jesus gha ꞌilhozdílne whulohne Yakꞌusda be nus hóoꞌenne ꞌinkꞌez Yakꞌusda ooghuni hodulhꞌehne cha hudilhtsꞌi. Ndunne whulohne ꞌuhintꞌoh: Barnabas, ꞌinkꞌez Simeon, ꞌen la dune dulhgus huyúlhni, Lucius cha, Cyrene whutꞌen-un ꞌuntꞌoh, Manaen, ꞌen la yun whumoodih, Herod yulh dúnduninizyai-un, ꞌinkꞌez Saul cha ꞌuntꞌoh.

Acts 13:1 Iomraidhean Croise

Matthew 27:32

ꞋAwet Jesus tehínilhti whe ꞌilhoghun dune Cyrene whutꞌen-un ꞌuntꞌoh, Simon huyulhni, hidudizdil whe ndi Jesus ootulalhgus ooba idantelh huyúlhni.

Luke 3:1

ꞋEt Caesar Tiberius, ꞌen yun kꞌut ndulcho whe lerwe inleꞌ. Whunizyat ꞌon ꞌat kwulat yus kꞌut (15) ꞌantꞌeꞌ. ꞋEt Pontius Pilate, Judea yun kꞌut whumoodih unli. Herod, Galilee yun kꞌut whumoodih unli. Bulhutsin Philip, ꞌen Iturea ꞌinkꞌez Trachonitis yun kꞌut whumoodih unli. ꞋInkꞌez Lysanius, Abilene yun kꞌut whumoodih unli.

Acts 11:30

ꞋEt nduhúja whe la Barnabas ꞌinkꞌez Saul bulh sooniya butlꞌa háyudzih whe ꞌubuhútni, “Ndi sooniya nebulh ooba ꞌalha ꞌuhoontꞌohne be búlaꞌ tihtꞌen, dune tso whudilhdzulhne butlꞌa yóohdzaih.”

Acts 12:25

Barnabas Saul bulh huwhuhana-un lhahódinla whe Jerusalem tsꞌe ha náhidil John Mark ꞌen dulh ꞌúhuyulꞌen.

Acts 13:9

ꞋEt Saul, ꞌen Paul cha huyúlhni, Ndoni kꞌuneꞌ yulꞌen whe soo cho yunin tsꞌe yunilhꞌen

Acts 15:32

ꞋEt Judas Silas bulh dichꞌoh Yakꞌusda ba yalhdukne hinli cha, ꞌinkꞌez ooba ꞌalha ꞌuhoontꞌohne saꞌ whe Yakꞌusda ooghuni be bubulh yahalhduk ꞌet whe la soo budzi unzoo ꞌinkꞌez hilhtus cha hubuhulhtsi.

Acts 15:35

ꞋEt Paul Barnabas bulh Antioch ꞌet cha ꞌet hankeꞌ, ꞌuyoonne cha bulh khuni unzoo-i be bubulh yáhulhduk ꞌinkꞌez neMoodihti ooghuni ghun whubuhodulhꞌeh.

Acts 19:6

Paul bukꞌudílhni whe ꞌet Ndoni buyudíltsꞌut. ꞋInkꞌez lhelhtsꞌun unꞌa khuni be yahalhduk, ꞌinkꞌez Yakꞌusda gha nus húhonꞌen.

Acts 21:9

ꞋInkꞌez Philip ꞌen la dine ootseꞌke, ꞌaw dune tꞌenuszun unline, ꞌenne la Yakꞌusda be nus hooꞌenne hinli.

Acts 4:36

ꞋInkꞌez ꞌilhoghun dune, Joses huyúlhni, ꞌen Levite-un ꞌuntꞌoh ꞌet Cyprus whuzdlí-un, ꞌen whelꞌaꞌne “Barnabas” huyúlhni, ndi booziꞌ ꞌi la, “ꞋEn nedzi ulhtus ilhꞌí-un,” ni whe ꞌutni.

Acts 9:1

ꞋEt hoozulh whe Saul neMoodihti yugha hodulꞌehne húnilchꞌe kꞌet tsꞌiyawh butighan huwu yalhduk ꞌinka Lizwif lubret ꞌukꞌenus díztiꞌ-un tsꞌú whenya,

Romans 16:21

Timotheus, sulh ꞌútꞌen-un, bozoo nohúlhni. ꞋInkꞌez snatneke Lucius, Jason, Sosipater, ꞌenne cha bózoo nohuhútni.

1 Corinthians 11:4

ꞋEt mbe la dunene ootsi kꞌeꞌuzbal whe tenadudli ꞌinkꞌez kꞌus nus hooꞌen de, ꞌet de mbe la dunene ando ꞌuntꞌoh-un, ꞌen yooya yilhꞌi.

1 Corinthians 13:2

ꞋEt dune ba nus hoosꞌen de, ꞌinkꞌez buba whéꞌ hoontꞌoh hooyoh-un tsꞌiyawh tꞌeóonúszun de, ꞌinkꞌez khuni be tꞌeóonudzun-i ꞌet cha tꞌeooniszin de, ꞌinkꞌez tsꞌiyawh be ꞌalha ꞌuhoontꞌoh-i ꞌustꞌi de whe dzulh hoontsꞌi ꞌudun netísꞌalh de, whuz unꞌa ꞌet hoontsꞌi be nékꞌetsꞌinsiꞌ-i lhústꞌih de, ꞌet de ꞌaw hoonli lhúsloh.

1 Corinthians 13:8

Be nékꞌetsꞌinsiꞌ-i ꞌaw oolatoh hooloh. ꞋEt hoontsꞌi ndi be nus tꞌeoonudzun-i ꞌet ꞌetsul ꞌuwhutánelh. ꞋEt lhelhtsꞌun unꞌa yaduk-un, ꞌet cha gak whutaleh. ꞋInkꞌez ndi be tꞌeóonudzun-i, ꞌi cha ꞌetsul ꞌutinelh.

1 Corinthians 14:29

ꞋEt mbe la nus hóoꞌenne nane kꞌus tane, ꞌenne za Yakꞌusda ooghuni be yahoolhduk. ꞋEt ndai la hiye yaílhduk-i, ꞌet ꞌonghohne, ꞌenne daja hutni-un, ꞌuyoonne buba tsꞌihꞌun unꞌa ꞌuntꞌoh tilah kꞌus ꞌatsꞌun unꞌa tilah ꞌuntꞌoh.

1 Corinthians 14:32

ꞋInkꞌez dichꞌoh ooyughi ꞌi be nus hooꞌen, dichꞌoh za kꞌúneꞌ whulꞌen.

1 Corinthians 9:6

ꞋEt kꞌus si ꞌinkꞌez Barnabas ꞌaw wheni za eh lheꞌtsꞌoostꞌen? Nohba tsꞌihꞌun ꞌuhoontꞌoh eh? ꞋAwundooh!

Galatians 2:13

ꞋInkꞌez ꞌonghohne Lizwifne, duba naꞌudzooꞌne ꞌenne cha Peter bulh buchꞌa nahusdil. ꞋInkꞌez Barnabas, ꞌen hoontsꞌi, hinalh nduhútꞌen ꞌinkꞌez ꞌen cha bubundulꞌen suliꞌ.

Galatians 2:9

ꞋInka James, Cephas, ꞌinkꞌez John, ꞌenne butsꞌutni keyoh whuduchun unline, ꞌenne ndi ye unzoo-un ꞌet stlꞌa hónꞌai, ꞌet tsꞌihꞌun unꞌa tꞌehonanzin, ꞌet de Barnabas ꞌinkꞌez si cha ꞌet huwa nela nahúzꞌai. ꞋEt whuz unꞌa tsꞌiyanne whúbuznilhtan, wheni ꞌinkꞌez James, Cephas ꞌinkꞌez John te lhulh ꞌutsꞌintꞌoh za búznidulh. Wheni ꞌudun yun kꞌut whutꞌenne butsꞌúztidulh, ꞌinkꞌez ꞌenne Lizwifne butsꞌu hutidulh.

Ephesians 4:11

ꞋEn za ꞌutꞌen, whulohne cha whelꞌaꞌne butlꞌa hónꞌai. Whulohne cha nus hooꞌenne butlꞌa hónꞌai. ꞋEt whulohne cha khuni unzoo-i be yahutilhduk-un, ꞌet butlꞌa hónꞌai. ꞋInkꞌez whulohne cha Yakꞌusda ba ꞌilhunaoosdilne bughu tilehne ꞌinkꞌez dune hodutilhꞌehne, ꞌet cha butlꞌa hónꞌai wheꞌ hutꞌen.

Philippians 4:22

ꞋInkꞌez Yakꞌusda oochꞌeꞌne njan dilhtsꞌine, ꞌenne tsꞌiyawh hadih nohuwhutni. Mbene Ceasar ooyoh dilhtsꞌine, ꞌenne soo hadih hutni.

1 Thessalonians 5:20

Khuni be nohba nus be hootꞌen-i, khun te ꞌantsꞌi ꞌuhoontꞌoh noohzin junih.