Acts 12:1 - Yak'usda Ooghuni

¹ ꞋEt ꞌoh daꞌ atꞌen Lerwe Herod ooba ꞌalha ꞌuhoontꞌohne bube zúla suliꞌ.

Acts 12:1 Iomraidhean Croise

Matthew 14:1

ꞋEt ꞌoh whuya whudizulh whe lerwe Herod Jesus yulh ꞌúdantsꞌo,

Matthew 14:3

ꞋOh daꞌ Herod John huyílhchoot huyulhghel ꞌinkꞌez ꞌahúyanꞌai. Bulhutsin Philip ooꞌat Herodias huyulhni, ꞌen la toh tsꞌe ꞌuyinla.

Matthew 14:6

ꞋEt ꞌilhoh dzin Herod whuzdli dzin ꞌuhoontꞌoh ꞋEt Herodia ootseꞌ ꞌen bubut nídai. Herod ooba hoonzoo.

Matthew 24:9

ꞋOh de neooninzut de, dzoh nunohotilhdeh ha whutlꞌa nohotilelh. Whulohne nohotighan. ꞋInkꞌez si sooziꞌ gha yinka whutꞌenne nohtsꞌo dutitni.

Luke 22:53

Dzin totsuk lugliz whucho nohtoh susda whe, ꞌaw ꞌoh daꞌ sólhchoot hukwa lheꞌzahtꞌen inleꞌ. ꞋEt hoontsꞌi ꞌandit netsudule, tsalhgus yo usda-un nohmoodih tileh, ꞌawet nohba néꞌhunintꞌo.”

John 15:20

ꞋEt huwa daja nohdásniꞌ la whunalhnih, ꞌaw ꞌustle-un, ꞌen dumoodih ando lheꞌítꞌoh, si dzoh nusúhulhdzut te, nohni cha dzoh nunóhotilhdzut. ꞋEt sghuni hikꞌúneꞌ ꞌustꞌen de, nohni nohghuni cha la hikꞌúneꞌ ootꞌen.

John 16:2

Lugliz whuchꞌa nóhjoot la. ꞋEt ꞌawet ꞌoh de whuz de whudizulh, ꞌet de la mbe la nohzilhghi-un Yakꞌusda ba ꞌuhutꞌen untizilh.

Acts 11:30

ꞋEt nduhúja whe la Barnabas ꞌinkꞌez Saul bulh sooniya butlꞌa háyudzih whe ꞌubuhútni, “Ndi sooniya nebulh ooba ꞌalha ꞌuhoontꞌohne be búlaꞌ tihtꞌen, dune tso whudilhdzulhne butlꞌa yóohdzaih.”

Acts 12:2

ꞋEt James, John bulhutsin huwá balhꞌaꞌ whe saluzti be hizilhghi.

Acts 4:30

ꞋEt huwa neMoodihti, be ílhtus ꞌi be dune ílhyis ꞌinkꞌez nYeꞌ Jesus, lubeshi ooghu hooloh-un, ꞌen yé ulhtus-i, ꞌi gha tsꞌiyanne bunalhtsꞌet hooncha ꞌinkꞌez huwa ꞌítꞌen tuneꞌ whutꞌen hóleꞌ.”

Acts 9:31

ꞋEt ndulcho whe Judea, Galilee, ꞌinkꞌez Samaria whulh Jesus ba ꞌilhúhozdilne ꞌaw dzoh nulhuldehne hooloh. Yakꞌusda ehunuljut, ꞌinkꞌez buba hoonzoo whe lhódizut. Ndoni gha ooba ꞌalha ꞌuhoontꞌohne ulhtus úbulhtsi. ꞋEt huwa ꞌon nus lhane huzdliꞌ ꞌinkꞌez neMoodihti za hudílhtiꞌ suliꞌ.