Acts 11:3 - Yak'usda Ooghuni

³ “ꞋUdun yun kꞌut whutꞌenne, Lizwif lhilohne, ꞌenne buzih hoontꞌi ꞌinkꞌez bula ꞌanꞌal cha ꞌinja inleꞌ,” huyúlhni.

Acts 11:3 Iomraidhean Croise

Matthew 9:11

ꞋInkꞌez Phariseene hinilhꞌen yugha hodulꞌehne bubuhoodulhkut, “Nohodulhꞌeh-un, di ha sooniya ꞌilhunaoosꞌaihne ꞌinkꞌez lubeshi ꞌulhꞌenne cha bubulh naꞌutꞌalh?”

Luke 15:2

ꞋInkꞌez Phariseene ꞌinkꞌez Moses be ꞌudustlꞌus ꞌukꞌu nunáguzne cha highu yawhenilhduk whe njan nduhutni, “Ndun dune ꞌen lubeshi ꞌulhꞌenne, ꞌenne bubulh neꞌutꞌen ꞌinkꞌez bubulh ꞌáꞌalh cha ꞌutꞌen.”

John 18:28

ꞋEt Jesus Caiaphas ooyoh tenáhinilhti, yun kꞌut humoodih, Pilate huyulhni ꞌen ooyoh tsꞌe whe húyalhti. Bundada tube ꞌudaꞌ ꞌuhoontꞌoh ꞌinkꞌez Lizwifne ꞌaw hiyoh dálhidulh. ꞋEt yoh dahúnindil de, ꞌenne buba me hoonli. ꞋEt ndahúja de, ꞌaw njan Butus Lhuseya naꞌhutꞌulh-un, ꞌaw ꞌuhooꞌalh ꞌaítꞌoh ꞌet huwa.

Acts 10:23

ꞋEt Peter yoh dábaninla ꞌinkꞌez ꞌet hantez. ꞋEt ꞌom bun dzin lhadúja ꞌinkꞌez bubúlh nátistꞌaz whe whulohne ooba ꞌalha ꞌuhoontꞌohne Joppa whutꞌenne, ꞌenne cha bubulh lhutizdil.

Acts 10:28

ꞋEt ubúlhni, “Nohnichꞌoh soo cho tꞌéoonáhzun, Lizwifne whuchꞌaz nijoot ꞌudun yun kꞌut whutꞌenne buyoh datsꞌóoyaꞌ ꞌinkꞌez bubulh néꞌtsꞌootꞌen huba lheꞌhóotꞌoh. ꞋEt hoontsꞌi, Yakꞌusda whusúnilhtan ꞌaw ꞌuyoonne dune me sba hinli doosniꞌ ꞌaítꞌoh.

Acts 10:32

Dugweꞌ, Joppa tsꞌe ꞌilhoghun dune Simon, ꞌen Peter cha huyúlhni, ꞌen ookunáhoolhꞌaꞌ. Ndun dune ꞌuzus ꞌulhꞌen-un, ꞌen Simon huyúlhni, yatooꞌ ba whutꞌi, ꞌen zih usda, ꞌinkꞌez whusaínya de la nyulh yátilhduk,’ ꞌet lizas sudániꞌ.

Acts 10:48

ꞋInkꞌez bugha óoninꞌai neMoodihti booziꞌ gha too beꞌ hutilnelh. ꞋEt hukwꞌelhꞌaz Cornelius Peter yughu tedudli ꞌatsulyaz buzih oodaꞌ ha.

1 Corinthians 5:11

ꞋEt ꞌawet nohtsꞌo kꞌeꞌisguz mbe la Jesus Christ gha neulhutsinke butsꞌútnine, ꞌinkꞌez dune tsꞌeke bulh lubeshi ꞌulhꞌen-un, kꞌus ꞌuyoonne chꞌeꞌ haꞌ ninzun-un cha, kꞌus ꞌukꞌeltsi ooba ꞌalhaꞌ ꞌuntꞌohne, kꞌus ꞌuyoonne dzoh neꞌduniꞌ-un cha, kꞌus tanutnai-un cha, kꞌus ꞌundunutꞌih-un cha, ꞌet mbe la Jesus Christ gha neulhutsinke butsꞌútnine nduntꞌohne dune, ꞌenne ꞌet nduhútꞌen de, ꞌaw ꞌen ubulh lheꞌzoohtꞌen, ꞌaw bubulh ꞌutihꞌulh-un ꞌet hoontsꞌi ꞌaw ꞌuhotꞌeꞌ ꞌaitꞌoh.

Galatians 2:12

Whulohne James yulh ꞌutꞌenne, ꞌenne keyoh Antioch nehútidulh whutso, Peter ꞌudun yun kꞌut whutꞌenne ꞌahoolhiz bula ꞌáꞌalh. ꞋEt hoontsꞌi James yulh ꞌutꞌenne whusahándil whe, ꞌet Peter buchꞌa nasja. Ndunne Lizwifne bube nuljut ꞌet huwa.

2 John 1:10

Mbe Christ ooghu yaduk-i lhuyóotun-un whunoh dutilhꞌeh huba nohghu ninya de, nduntꞌoh-un ꞌaw nohyoh daóoyaꞌ junih, kꞌus danínyaih dóhniꞌ junih!