Acts 11:1 - Yak'usda Ooghuni

¹ ꞋEt whelꞌaꞌne ꞌinkꞌez ooba ꞌalha ꞌuhoontꞌohne te Judea dilhtsꞌine, ꞌudun yun kꞌut whutꞌenne cha Yakꞌusda ooghuni huyílhchoot ꞌinkꞌez hitsꞌu nálhya ꞌet whulh ꞌúhudantsꞌo.

Acts 11:1 Iomraidhean Croise

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 2:1

ꞋEt ꞌawet yun kꞌut Judea, keyoh Bethlehem whuzꞌai-un, ꞌet Jesus whuzdli. ꞋOh daꞌ whuz unꞌa Herod lerwe unli whe ꞌuhooja. Whunulhꞌen whuzdli hukwꞌelhꞌaz ndaꞌ whutꞌenne keyoh Jerusalem tsꞌe hoozdil. ꞋEnne whunihne Majine hubuhútnine.

Matthew 8:11

Nohdusni ndaz de ꞌinkꞌez nooz de lhane whusatidulh yakꞌuz keyoh ꞌet Abraham cha, Isaac, ꞌinkꞌez Jacob cha, ꞌalhgoh lhla náꞌhutitꞌulh.

Mark 16:5

ꞋInkꞌez tseꞌan ꞌuhandil whe chilh ꞌulhyul-i be dune unli, ꞌen naílhni tsꞌunkꞌus usda whe hitilhꞌen. ꞋEt bugha ꞌánjaz.

Luke 2:32

ꞋUdun yun kꞌut whutꞌenne cha buba be hootꞌen-i ꞌuntꞌoh. ꞋEn be hitiꞌelh. ꞋInkꞌez Israel ooduneꞌne, cha buba idiztiꞌ-un ꞌen ꞌuntꞌoh,” ni.

Acts 1:15

ꞋEt ꞌoh daꞌ dzin yugha hodilꞌeꞌne ꞌilhúhozdil (ꞌalhgoh 120 ꞌatꞌénne dune). ꞋEnne butoh Peter bubulh yátilhduk ha dudinya,

Acts 11:29

ꞋInka Jesus Christ yugha hodulꞌehne lhgha ꞌúhudija whe ꞌilhoghun hinli whe bubulh ooba ꞌalha ꞌuhoontꞌohne, Judea dilhtsꞌine, ndet ꞌúhintꞌoh whe bulaꞌ hutitꞌelh hutni.

Acts 14:27

ꞋEt Antioch tsꞌe nahoostꞌaz whe Jesus Christ yugha hodulꞌehne, tsꞌiyawh ꞌilhubuhozdla ꞌinkꞌez ntsꞌoh te la Yakꞌusda gha néꞌhustꞌen-un ꞌinkꞌez ꞌudun yun kꞌut whutꞌenne cha be ꞌalha ꞌuhoontꞌoh-i hutꞌi suliꞌ hutni whe bubulh nahuwhulnuk.

Acts 15:3

ꞋEt ꞌawet Jesus Christ gha ꞌilhozdílne, whelꞌaꞌne whe bahalhꞌaꞌ. ꞋEt Phoenicia ꞌinkꞌez Samaria whutulhuhúzꞌaz whe ꞌudun yun kꞌut whutꞌenne dahúja Yakꞌusda tsꞌu náhulhya ꞌubuhútni whe tube cho ndunne Jesus Christ kꞌúneꞌ ꞌutꞌenne huhóontꞌiꞌ suliꞌ.

Acts 28:15

ꞋEt ndunne neulhutsínkene Rome ꞌet nebulh ꞌúhudantsꞌo whe, ꞌeꞌóoket-un, Appius huwhútni-un, ꞌinkꞌez tsꞌuztez bayoh cha tat-un ꞌutꞌalh-un huwhútni-un, ꞌet lheꞌhooldzoh tsꞌe whuz nedodizdil. ꞋEt Paul ꞌubutilhꞌen whe, Yakꞌusda, “Musi,” yudániꞌ ꞌinkꞌez ꞌawet oodzi donáꞌuja.