Acts 10:5 - Yak'usda Ooghuni

⁵ Dugweꞌ, Joppa tsꞌe ꞌilhoghun dune Simon, ꞌen la Peter cha huyúlhni, ꞌen ookunáhoolhꞌaꞌ.

Acts 10:5 Iomraidhean Croise

Mark 3:16

Simon, ꞌen Jesus “Peter” naidútni.

John 1:42

ꞋInkꞌez Jesus ꞌen yughu inílhti. Jesus yunalhꞌen ꞌinkꞌez ꞌuyulhni, “Nyun Simon Jonas ooyeꞌ ꞌen ꞌintꞌoh, ꞌet hoontsꞌi Cephas nyuhudutánelh,” yúlhni. (Ndi Cephas ꞌi Peter ꞌi za ꞌuntꞌoh ꞌinkꞌez ꞌi tse ni whe ꞌutni.)

Acts 10:18

Húháyih ꞌinkꞌez ꞌuhoodulhkut, “ꞋAw Simon ꞌen Peter cha huyúlhni-un njan lhidoh?”

Acts 10:32

Dugweꞌ, Joppa tsꞌe ꞌilhoghun dune Simon, ꞌen Peter cha huyúlhni, ꞌen ookunáhoolhꞌaꞌ. Ndun dune ꞌuzus ꞌulhꞌen-un, ꞌen Simon huyúlhni, yatooꞌ ba whutꞌi, ꞌen zih usda, ꞌinkꞌez whusaínya de la nyulh yátilhduk,’ ꞌet lizas sudániꞌ.

Acts 15:7

Saꞌ hukwꞌu nuhúhulhya whe Peter dudinya ꞌinkꞌez ubúlhni, “Sulhutsinke tꞌeoonáhzun ꞌudaꞌ whe Yakꞌusda nohtáhasálhti Yakꞌusda ooghuni unzoo-i ghun ꞌudun yun kꞌut whutꞌenne bubulh yaóosduk ha, khun si sodótsꞌo ꞌinkꞌez buba ꞌalhaꞌ hotꞌeꞌ ha.

Acts 16:9

ꞋEt ꞌulhdzis Paul hoonli oonalhtsꞌet ha hóoltsꞌut whe dune Macedonia yun kꞌut whutꞌen-un yunilhꞌen ꞌet usyin ꞌinkꞌez yughu tédudlih, “Macedonia yun kꞌut tsꞌe netsꞌínyalh ꞌinkꞌez nela ꞌineh!” yúlhni.

Acts 9:36

ꞋEt keyoh Joppa huwhútni-un ꞌilhoghun tsꞌeke ꞌet whutꞌen-un Tabitha huyulhni. ꞋEn ooba ꞌalha ꞌuhoontꞌoh-un. Booziꞌ Greek kꞌunꞌa “Dorcas” huyúlhni ꞌet “Yestsꞌe” ni whe ꞌutni. ꞋEn ꞌahoolhyiz hoonzoo túneꞌ ꞌutꞌen, ꞌinkꞌez telꞌenne cha laꞌ ꞌutꞌen.

Acts 9:38

Joppa Lydda whutsꞌun ꞌaw lhnilhdzaꞌ ꞌet Jesus yugha hodulꞌehne, Peter Lydda usda whulh ꞌúhudantsꞌo nane dune, ꞌenne whuz whe bahalhꞌaꞌ, “ꞋAwheꞌ soo ꞌa netsꞌínyalh!” huyúlhni.

Acts 9:42

ꞋEt Joppa ndulcho whe njan whulh ꞌúhudantsꞌo whe lhane neMoodihti buba ꞌálhaꞌ yintꞌoh suliꞌ.

Acts 9:43

ꞋEt Peter, Simon ꞌuzus ꞌúlhꞌen-un, ꞌatsulyaz yuzih indaꞌ.