Biblia Todo Logo
Bìoball air-loidhne

- Sanasan -




Acts 10:2 - Yak'usda Ooghuni

2 ꞋEn teniꞌ nilhdzun-un dune unli, ꞌinkꞌez Yakꞌusda énuljut-un ꞌuntꞌoh. Didut ꞌinkꞌez ookꞌekooke tsꞌiyawh Yakꞌusda za hudílhtiꞌ. Lizwif telꞌenne, ꞌenne cha tube bula ꞌutꞌen ꞌinkꞌez ꞌahoolhyiz Yakꞌusda tsꞌun tenadudli.

Faic an caibideil Dèan lethbhreac




Acts 10:2
51 Iomraidhean Croise  

Tꞌeniszin duduzke bukꞌunuhilhyeꞌ, yoh whutꞌine cha bukꞌelhꞌaz Moodihti (Yahweh) ookwꞌunꞌa huhoontun zaꞌ hintꞌoh tsꞌihꞌun neꞌhutꞌen, ꞌet de la Moodihti (Yahweh) Abraham daja yulhni-un ꞌet yugha whutalelh.”


ꞋEt whuz unꞌa za ꞌilhoghun nanki yutlꞌa inla whe nanki ye yúba naꞌyinla.


ꞋEt Jesus be whutsꞌodulꞌeh-i, ꞌi ghun ꞌubulhni, dune ꞌahoolhyiz tenahudoodli ꞌinkꞌez whulazdootnih junih.


ꞋEt ꞌilhoghun dune Simeon tsꞌutni-un, Jerusalem whutꞌi-un. Tsꞌihꞌun unꞌa ꞌuntꞌoh ꞌinkꞌez ꞌahoolhyiz Yakꞌusda be ꞌutꞌen kꞌoh ꞌuwhulhꞌen-un. Israel ooduneꞌne kꞌenábuntaꞌoh-un, yuka tse hóoliꞌ. ꞋInkꞌez Ndoni cha yulh ꞌuntꞌoh.


ꞋEt ꞌuhuyúlhni, “Lhuganne moodih, Cornelius, ꞌen netílhꞌaꞌ wheꞌ tsꞌutꞌen. Dune unzoo ꞌinkꞌez ꞌahoolhyiz Yakꞌusda tsꞌun ténadudli, Lizwifne cha tsꞌiyawh hidílhtiꞌ. Yakꞌusda oolizas ꞌilhoghun ꞌen duyoh tsꞌe nkaꞌ doniꞌ yulhni, ꞌinkꞌez dája dutanelh ꞌet nyoozólhtsꞌai ꞌet wheni.”


sbut usyin ꞌinkꞌez ꞌusúlhni, ‘Cornelius, Yakꞌusda ntenadudli yudántsꞌo, ꞌinkꞌez nye ꞌugha téꞌnizeh cha unzoo, ꞌet huwa Yakꞌusda yunalni.


ꞋEt hoontsꞌi mbene la ndi yun kꞌut Yakꞌusda dílhtiꞌne ꞌinkꞌez tankꞌus ꞌutitꞌelh whénuljutne, ꞌenne Yakꞌusda buka datni ntsꞌoh ꞌudun yun kꞌut whutꞌenne ꞌet hoontsꞌi.


Tube oogha ꞌúnjaz whe lizas yunilhꞌen ꞌinkꞌez, “Dáhooja?” yúlhni. ꞋEt lizas ꞌutni, “Yakꞌusda ntenadudli yudántsꞌo, ꞌinkꞌez nye ꞌugha téꞌnizeh cha unzoo, ꞌet huwa Yakꞌusda nyunalni.


ꞋEt hukwꞌelhꞌaz ndun lizas yulh yaílhduk-un whenádide whe Cornelius nane yoh ꞌutꞌenne, dichꞌoh ooduneꞌne, ꞌinkꞌez ꞌilhoghun lhugan-un, ꞌen soo Yakꞌusda za dílhtiꞌ, ꞌen cha dichꞌoh yunat neꞌútꞌenne ꞌutahayálhti.


ꞋEn la nohdutánelh datíhnelh ꞌet whe la nyun ꞌinkꞌez nkꞌekoone cha dutihjih.’


ꞋEt Paul dudinya ꞌinkꞌez butsꞌu dúdilni whe bubulh yáwhenilhduk ꞌinkꞌez ubúlhni, “Sulh dunene ꞌinkꞌez ꞌudun yun kꞌut whutꞌenne cha, mbene la Yakꞌusda dilhtiꞌne soo zúlhtsꞌai.


ꞋEt Paul ꞌon ꞌun ubúlhni, “Sulhutsinke, Abraham ekédinzutne, ꞌinkꞌez ꞌudun yun kꞌut whutꞌenne, mbene la Yakꞌusda tsꞌun tenadudline, nohni tsꞌiyawh, wheni cha, ndi khuni ꞌi netilhyis wheni netsꞌó tlꞌa diltsꞌut.


ꞋEt dune ꞌuntꞌohne, ꞌinkꞌez tsꞌekoo unchane hoonzooꞌ ꞌuntꞌohne, Yakꞌusda tsꞌun tenadudline hinli, whulohne Lizwif bugheꞌ hoolnihne ꞌutsꞌun ubahunilhtꞌi whe Paul Barnabas bulh bube húzula suliꞌ, ꞌinkꞌez duyun kꞌunabohuntizyoot.


ꞋEt Crispus, Lizwif bulugliz whumoodih, ꞌen tsꞌiyawh duyoh dilhtsꞌine te, neMoodihti buba ꞌalhaꞌ yintꞌoh ꞌinkꞌez lhane Corinth whutꞌenne, ꞌenne cha khuni unzoo-i hudántsꞌo whe buba ꞌalha ꞌuhoontꞌoh suliꞌ, ꞌinkꞌez too beꞌ hulya.


ꞋEt ꞌawet lhane Lizwifne, Yakꞌusda yunidúlhne hinli Jerusalem húdilhtsꞌi lheldoh keyoh tsꞌe ha hándilne.


ꞋEt ꞌilhoghun dune Ananias huyúlhni-un, ꞌen Moses ooghuni ꞌukꞌu nusguz-i yukꞌúneꞌ ꞌutꞌen ꞌinkꞌez Lizwif Damascus whutꞌenne tsꞌiyawh hidílhtiꞌ.


Whulohne soo Yakꞌusda tsꞌun téninilhzunne Stephen ꞌuhuyalhti tube oogha budzi únduda ꞌinkꞌez hutso.


ꞋEt neMoodihti uyúlhni, “Lhadíntneh ꞌinkꞌez ti lhtsꞌe oodizꞌa huwhutni tsꞌe whuz inyalh Judas ooyoh tsꞌe, ꞌinkꞌez dune Tarsus whutꞌen-un, Saul huyúlhni-un, ꞌen ookaꞌ oodolhkut. ꞋEt tenadudli whe ꞌuntꞌoh.


ꞋEt ndulcho whe Judea, Galilee, ꞌinkꞌez Samaria whulh Jesus ba ꞌilhúhozdilne ꞌaw dzoh nulhuldehne hooloh. Yakꞌusda ehunuljut, ꞌinkꞌez buba hoonzoo whe lhódizut. Ndoni gha ooba ꞌalha ꞌuhoontꞌohne ulhtus úbulhtsi. ꞋEt huwa ꞌon nus lhane huzdliꞌ ꞌinkꞌez neMoodihti za hudílhtiꞌ suliꞌ.


ꞋEt keyoh Joppa huwhútni-un ꞌilhoghun tsꞌeke ꞌet whutꞌen-un Tabitha huyulhni. ꞋEn ooba ꞌalha ꞌuhoontꞌoh-un. Booziꞌ Greek kꞌunꞌa “Dorcas” huyúlhni ꞌet “Yestsꞌe” ni whe ꞌutni. ꞋEn ꞌahoolhyiz hoonzoo túneꞌ ꞌutꞌen, ꞌinkꞌez telꞌenne cha laꞌ ꞌutꞌen.


ꞋAhoolhyiz tenadahdli. ꞋInkꞌez musi dahni.


Tenadahdli-un, ꞌetsul ꞌudóhnih junih.


ꞋEt nohni whulohne Yakꞌusda be whútnih-i ꞌaw lhahtꞌih de, ꞌet de Yakꞌusda hika huyoodolhkut. ꞋEt de ye dánzoo whe bugha ítaꞌalh. ꞋInkꞌez ꞌaw yooya uboolhtselh ꞌaitꞌoh.


O neMoodihti mbe nye lhúntilhjut ꞌinkꞌez nyooziꞌ lhedutálhtiꞌ? ꞌalhaꞌ ꞌi be nyunchꞌoh za lubeshi ooghu hooloh-un inli. ꞋUdun keyoh whutꞌenne tsꞌiyawh whusahátidulh ꞌinkꞌez mbut ntsꞌun teniꞌ huntilhdzun. Dune ba nahinyeh-un ꞌawet hooltsai ꞌet huwa.”


Lean sinn:

Sanasan


Sanasan