Acts 10:1 - Yak'usda Ooghuni

¹ Caesarea ꞌet ꞌilhoghun dune Cornelius huyúlhni-un ꞌet usda. Roman lhuganne, ꞌenne, “Italy bohne” hubuhútni ꞌenne ndun bumoodih unli.

Acts 10:1 Iomraidhean Croise

Matthew 27:27

ꞋEt ꞌawet yun moodih lhuganne ubutꞌine, ꞌenne Jesus huyilhchoot ꞌinkꞌez duyoh tsꞌe whe húyalhti, ꞌi Praetorium huwhútni. ꞋEt tsꞌiyawh lhuganne Jesus higha óosguz.

Matthew 27:54

ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”

Mark 15:16

ꞋEt lhugánne moodih ooyoh whunanistlꞌoo-i bez tsꞌe Jesus dáhinilhti ꞌinkꞌez ꞌonghunne lhugánne tsꞌiyawh bukaꞌ hudániꞌ.

Luke 7:2

ꞋInkꞌez ꞌet keyoh whutꞌen-un ꞌet ꞌilhoghun lhuganne whumoodih yuba neꞌútꞌen-un. Tube yúkꞌentsiꞌ-un, ꞌen tube unduda ꞌinkꞌez ꞌawet datitsah.

John 18:12

ꞋEt lhuganne bumoodih ꞌinkꞌez Lizwifne neilhchukne Jesus huyílhchoot ꞌinkꞌez huyulhghel.

John 18:3

ꞋEt lubret bumoodihne ꞌinkꞌez Phariseene te, ndunne lhuganne ꞌinkꞌez neilhchúkne te, Judas dulh ubutilhdil. Too dízkꞌun te, bé nukwunultꞌa-i, ꞌinkꞌez saluzti te, tsꞌiyawh hitizdla.

Acts 10:24

ꞋEt ꞌom bun dzin Caesarea tsꞌe hoozdil. ꞋEt Cornelius yuba sulhꞌi dukꞌekene ꞌinkꞌez dunatneke cha, “ꞋAnih,” hubudániꞌ.

Acts 21:31

Ndunne lhulh nudilhne Paul hizoolhghelh hukwaꞌ hutꞌen whe la lhuganne moodih hudániꞌ. “Jerusalem whutꞌenne tsꞌiyawh lhtahawhuntꞌai!” hiyulhni.

Acts 21:8

ꞋEt ꞌom bun dzin uztizdil whe Caesarea tsꞌe tsꞌoozdil. Khuni unzoo-i be yálhduk-un, Philip huyúlhni, ꞌen ootsꞌú tsꞌoozdil ꞌet oozih uzdutáltsꞌilh. ꞋEn la Jerusalem lhtakꞌantꞌine ꞌutꞌahályane, ꞌenne butoh ꞌilhoghun ꞌuntꞌoh.

Acts 22:25

ꞋEt hoontsꞌi ꞌawet huyootalhtsus wheni huyulhghel whe ndun Paul huwunli-un, ꞌet usyin ꞌen ꞌulhni, “ꞋEt nghá whuntꞌai whe ꞌintꞌen, Roman yun kꞌut whutꞌen-un ꞌaw nintaꞌuntꞌen hukwa ooba nalhuhídel ꞌet hoontsꞌi ootalhtsus hukwaꞌ ninzun?”

Acts 23:23

ꞋEt ndun lhuganne moodih neilhchukne moodih nane, ꞌenne bukaꞌ daniꞌ ꞌinkꞌez ubúlhni, “200ne lhuganne lhábudahleh keyoh Caesarea tsꞌe tidulhne, lhtakꞌantꞌi whunizyane yeztli be nudilhne cha, ꞌinkꞌez 200ne sohtuz nudúlene cha, ꞌulhdzis de ꞌilho hooloh sadzi hukwꞌé hunintꞌo de atꞌen (9:00) ꞌet whe húdutadulh wheni lhahúdootꞌeꞌ.

Acts 23:33

ꞋEt keyoh Caesarea tsꞌe huyóolhti, ꞌet yun moodih cha yutsꞌó kꞌeyanguz-i hitlꞌá hayanꞌai, ꞌinkꞌez Paul cha hitlꞌa háyalhti.

Acts 25:1

ꞋInkꞌez tat dzin inleꞌ Festus yun moodih Judea yun kꞌut tsꞌe oozya. ꞋEt hukwꞌelhꞌaz keyoh Caesarea whédinya ꞌinkꞌez Jerusalem tsꞌe oozya.

Acts 25:13

ꞋAw saꞌ iloh hukwꞌelhꞌaz Lerwe Agrippa huyúlhni-un ꞌinkꞌez tsꞌeke yúlh naꞌas-un, Bernice huyulhni-un cha, Caesarea tsꞌe hoozꞌaz Festus kꞌeke hidutatnelh wheni.

Acts 27:1

ꞋEt ꞌawet lhgha ꞌúhudija whe Italy tsꞌe luwel be uztóokeꞌ hutni. ꞋInka Julius huyúlhni ꞌen Roman lhuganne moodih unli, nyoonne lhuganne, ꞌenne lerwe díztiꞌ-un ooduneꞌne lhuganne ꞌubuhútni, ꞌen Paul ꞌinkꞌez ꞌuyoonne ꞌadinlane cha, Julius ꞌen hitlꞌá banla.

Acts 27:31

ꞋEt Paul nyoonne lhuganne ꞌinkꞌez bumoodih cha ubúlhni, “Ndunne dune ꞌutꞌenne ꞌaw tsꞌi be lhódiltsꞌih de, ꞌaw doohjih ꞌaítꞌoh.”

Acts 27:43

ꞋEt hoontsꞌi lhuganne moodih Paul yutilhyih hukwaꞌ ninzun ꞌinka, “Dah,” bubúlhni. “Mbene la dune núlꞌilh tꞌéwhunínzunne, tsꞌiyawh ꞌenne cho tahóollhat ꞌinkꞌez no hútoolꞌilh,” bubúlhni.

Acts 8:40

ꞋInkꞌez la Philip keyoh Azotus huwhútni ꞌet nuya whe hitilhꞌen. ꞋEt whunat keyoh wheyaz whutꞌenne keyoh Caesarea tsꞌootayalh whutsꞌun tsꞌiyawh khuni unzoo-i be bubulh yálhduk.