Acts 1:9 - Yak'usda Ooghuni

⁹ ꞋEt ndi yughu yatílhduk whe ꞌawet ndo yakꞌuz whenája. ꞋEt hinilhꞌen whuz za kwꞌus yo tsꞌe hooloh suliꞌ.

Acts 1:9 Iomraidhean Croise

Mark 16:19

ꞋEt hukwꞌelhꞌaz Jesus neMoodihti dune bubulh yálhduk ꞌetsul ꞌudíja whe, ꞌet yakꞌuz whenája ꞌinkꞌez Yakꞌusda ooghu naílhni tsꞌunkꞌus nátlꞌa didaꞌ.

Luke 21:27

ꞋOh de de, Yinka Dune Yeꞌ kwꞌus toh ye ulhtus-i be ꞌinkꞌez ootsꞌu ha yánduz-i cha, whuz unꞌa huyuntilhꞌelh whe whusatíyalh.

John 6:62

ꞋInkꞌez Yinka Dune Yeꞌ ndo ntsꞌe la whutsodaꞌ usda tsꞌe, whuz nadalh nulhꞌen de, daja ntihzilh?

Acts 1:11

“Galilee whutꞌenne, di ha ꞌet núdulhya ꞌinkꞌez ndo yat tsꞌe whunulhꞌen? Ndun Jesus ndo yakꞌuz tsꞌe nohghu whenája-un ꞌandit nulhꞌen ndo yakꞌuz whenája, whuz unꞌa za whusanátidalh,” ꞌubuhútni.

Acts 1:2

ꞌinkꞌez ndet dzin ndo yakꞌuz whenája ꞌet whutsꞌun. ꞋEt ndo yakꞌuz natiltelh whutso ndunne dune whelꞌaꞌne ubulhtsi, Ndoni gha buba núhizyeꞌ.

1 Thessalonians 4:17

ꞋEt hukwꞌelhꞌaz wheni ꞌawhuz khunane, ꞌinkꞌez ndunne cha, ꞌalhgoh ꞌaw lhtsꞌodutílhꞌel whe khun beꞌ ne-eduzgooh leꞌ tsꞌuja whe ndo kwꞌus toh ꞌalhgoh neMoodihti tazai ooduzdutádulh. ꞋEt whuz unꞌa ꞌilhiz wheni neMoodihti bulh ꞌúztitꞌelh.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

Revelation 1:7

Whunulhꞌen! Kwꞌus toh whuz de tiyalh. Tsꞌiyanne hitiꞌelh. Mbene oola ꞌinkꞌez ooke lugloo cho hikunúnilhtꞌone, ꞌenne cha hiyutilhꞌelh. ꞋInkꞌez ndi yun kꞌut lhelhdoh didowhne, ꞌen gha khuna hutitso. ꞋEt ndó tanelh, ꞌet ndó honeh.

Revelation 11:12

ꞋInkꞌez ndus de yakꞌuz tsꞌe ꞌultus whe ꞌuwhudija, “Ndiz áhꞌus!” ni. ꞋInkꞌez buchꞌaz ditnine bunalh kwꞌus kꞌut yakꞌuz tsꞌe whe hánꞌaz.

Revelation 14:4

Ndunne, ꞌenne tsꞌekoo bulh nintaꞌutꞌihne lhuhíloh, ootꞌa lheꞌasnaine ꞌuhintꞌoh ꞌet huwa. ꞋEnne ꞌuhintꞌoh ꞌusbaiyaz nuya te totsuk huyununúdilh. Dune toh naooketneꞌ ꞌuhintꞌoh. Yakꞌusda ꞌinkꞌez ꞌusbaiyaz ꞌenne ꞌudechoo buchꞌeꞌne hinli.