Acts 1:7 - Yak'usda Ooghuni

⁷ ꞋEt Jesus ubúlhni, “Ntsꞌo whude ꞌuwhutánelh-un ꞌaw nohni tꞌeoonózin huba lheꞌhóotꞌoh. SBá, ꞌen za tꞌewhunínzun.

Acts 1:7 Iomraidhean Croise

Matthew 20:23

ꞋEt ndúbulhni, “ꞋAlhaꞌ slubot beꞌ tihtnelh, ꞌinkꞌez be too be úzya-i, ꞌi be too beꞌ tilhnelh. ꞋEt ꞌaw doosniꞌ ꞌaitꞌoh mbe nailhni tsꞌe stsꞌunkꞌus tidalh ꞌinkꞌez mbe ꞌintlꞌus tsꞌe stsꞌunkꞌus tidalh. ꞋUBá buba lhaóodinlane, ꞌaw ꞌenne za bubaꞌ hoontꞌoh.”

Matthew 24:36

Ndet dzin ꞌinkꞌez ntsꞌoya hoozulh whe ꞌuwhutanelh, ꞌaw tꞌeoonínzunne hooloh. Lizas yakꞌuz dilhtsꞌine, ꞌenne hoontsꞌi ꞌaw tꞌehonúszun. ꞋUBá yakꞌuz usda-un, ꞌaw ꞌen za tꞌeooninzun.

Mark 10:40

ꞋEt hoontsꞌi nailhni tsꞌe sghu tidalh, ꞌinkꞌez ꞌintlꞌus tsꞌe sghu tidalh, ꞌaw si huwá hosꞌalh ꞌaitꞌoh, buba lhawhúdulyane bubaꞌ hoontꞌoh.”

Mark 13:32

“ꞋEt ꞌaw dune tꞌeoonúszun ndet dzin kꞌus ntsꞌowhuya ꞌuhunitꞌoh-un whusaóotiltsꞌulh. ꞋAw lizas yakꞌuz dilhtsꞌíne kꞌus Yakꞌusda ooYeꞌ cha tꞌehonúszun, ꞌuBá dichꞌoh za tꞌeoonínzun.

Luke 21:24

Whulohne saluzti ookꞌa be tsꞌiyawh hútigan. ꞋInkꞌez ꞌonghohne hitálchulh ꞌinkꞌez lhelhdun keyoh tsꞌe hubotilhna. ꞋInkꞌez ꞌudun yun kꞌut whutꞌenne, buba neꞌunguz-un whutsꞌun, Jerusalem ndulcho whe hukwꞌu nótidulh.”

Acts 17:26

ꞋInkꞌez ꞌilhoghun dune ꞌen la toh tsꞌe za yun kꞌut didowhne tsꞌiyanne ꞌulya inleꞌ. Yakꞌusda nkede ndi yun dune ꞌutilelh ꞌinkꞌez ntsꞌe huwhutitꞌelh-un, ꞌet whutso tꞌewhunínzun. ꞋEt whe ndi yun kꞌut ndulcho whe huwhutꞌi suliꞌ.

Ephesians 1:10

ꞋEt whe ntsꞌoya hoozulh whula whusahóoltsꞌut de, ꞌet de ndet la yakꞌuz dilhtsꞌine, ndi yun dilhtsꞌine cha, ꞌenne tsꞌiyawh Christ ꞌen be ꞌilho za ubutilhtselh.

1 Timothy 6:15

Jesus Christ whuz de tiyalh-un, ndet ꞌuwhutanelh, ꞌoh de neMoodihti ꞌen hukwaꞌ ninzun-un ꞌuwhutanelh. ꞋEn ꞌukꞌenus unzoo ꞌinkꞌez neMoodihti ꞌen za kꞌuneꞌ ꞌutꞌen-un unli. Lerwene tsꞌiyawh bulerwe unli ꞌinkꞌez moodihne cha tsꞌiyawh bumoodih unli.

2 Timothy 3:1

ꞋEt njan tꞌeoononzin, ꞌet ꞌudekꞌez dzin whenghoh de, tube howa whútilnaꞌ.