Acts 1:6 - Yak'usda Ooghuni

⁶ ꞋEt huwa whelꞌaꞌne Jesus te ꞌilhunahosdil whe ꞌet Jesus huyoodulhkut, “NeMoodihti, ꞌawet eh whusahónzut Israel ootsꞌu hainzutne doo cha za buyun kꞌut butlꞌa naootanꞌalh?”

Acts 1:6 Iomraidhean Croise

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 17:11

Jesus ndúbulhni, “ꞋAlha Elijah ꞌen cho whusatiyalh ꞌinkꞌez tsꞌiyai lhanaidutileh.

Matthew 20:21

ꞋEt Jesus yulhni, “Ndet stsꞌo hukwaꞌ ninzun?” Tsꞌeke ꞌutni, “Ntsꞌe whulerwe inli-un, ndunne nane suzkeh, ꞌilhoghun nailhni tsꞌunkꞌus tidalh ꞌinkꞌez ꞌilhoghun ꞌintlꞌus tsꞌunkꞌus tidalh, sgha óoninꞌai.”

Matthew 24:3

ꞋEt ha ooditꞌai-unyaz dzulh Olive huyulhni, ꞌet hukwꞌusda. Yugha hodulꞌehne tsꞌiyawh highu nindil, ꞌinkꞌez whuꞌizyaz huyoodulhkut, “Nkede ꞌuwhutánelh? Ntsꞌowhuya hoozulh whe whusanátandalh, ꞌinkꞌez ntsꞌowhuya whudizulh whe whula toh whutaleh? Ndet whe hóodutaltsilh-un, ꞌet huwa la tꞌetsꞌonoozeh? Nedíni!”

Mark 9:12

Jesus ꞌet ubúlhni, “Elijah ꞌalhaꞌ ꞌudechoo whusatíyalh tsꞌiyantsuk lhaóodutileh ha. ꞋEt hoontsꞌi di ha Yakꞌusda ooghuni ꞌukꞌu nusgúz-i ꞌet ndutni ‘Yinka Dune Yeꞌ dzoh nutízut ꞌinkꞌez hitsꞌo dilhꞌoh neꞌhutilhꞌen?’

Luke 17:20

ꞋEt whulohne Phariseene Jesus huyoodulhkut, “Nkede ꞌuwhutanelh Yakꞌusda whulerwe unli-un whusaootiltsꞌulh?” ꞋEt ꞌubulhni, “Yakꞌusda whulerwe unli-un, ꞌaw ntsꞌenꞌa whusaootiltsꞌulh-un, ꞌet ꞌaw whunoolhꞌen ꞌaitꞌoh.

Luke 19:11

ꞋEt njan hidantsꞌo whe ꞌuyoo khuni be whútsꞌodulꞌeh-i be bubulh yawhénilhduk. Jerusalem whenghoh hidulh ꞌinkꞌez ꞌuhuninzun ndet Yakꞌusda whe lerwe unli-un, ꞌawet ꞌaho whe óodutaltsilh huninzun.

Luke 22:29

ꞋInka sBá stlꞌa hónꞌai whe lerwe usdli-un, whuz unꞌa nohni cha lerwe tihleh-un nohgha hónꞌai.

John 21:21

Peter yanꞌen whe Jesus uyúlhni, “SMoodihti, ndun ꞌen doꞌ datínelh?”