Acts 1:4 - Yak'usda Ooghuni

⁴ ꞋEt ꞌilhoh hudilhtsꞌi whe bugha khúni ninꞌai whe ubúlhni, “Jerusalem huwu toohdilh junih! SBá ye nóhtsꞌu náhizya-i, ꞌi ooba oolhꞌéꞌ. Ndai la nohgha títꞌalh-i huwun nohdúsni inleꞌ.

Acts 1:4 Iomraidhean Croise

Matthew 10:20

ꞋAw nohnichꞌoh iloh yatilhduk. NohBá ooyughi ꞌi ꞌudutinelh.

Luke 11:13

Nohni lubeshi ꞌulhꞌenne ꞌahli, ꞌet hoontsꞌi tꞌeoonáhzun unzoo-i nohuzkeh gha tíhlelh. ꞋEt dáwhulcho-i be ꞌon nus ndo yakꞌuz nohBá yoodulhkutne, Ndoni bugha tíꞌalh.”

Luke 12:12

Soo ꞌet whudizulh-un Ndoni whunoh untilhtun daja dutihnelh-un.”

Luke 24:49

ꞋInkꞌez soo zulhtsꞌai, ndi sBá nohtsꞌu yoozi-i, ꞌi nohtsꞌo tlꞌa dutisꞌalh. ꞋEt hoontsꞌi yakꞌuz ndus de whelhtus-i, ꞌi nohkꞌedútaltsꞌulh ꞌet whutsꞌun, Jerusalem ꞌet za dólhtsꞌiꞌ.”

John 14:16

ꞋInkꞌez sBá ꞌen la ꞌilhiz wheni nohLaꞌtitꞌelh-un, ꞌen nohgha ítalhtelh, ꞌet la ootsꞌu hukwaꞌ doosniꞌ.

John 15:26

ꞋEt hoontsꞌi nohLaꞌutꞌen-un, Ndoni, ndai la be ꞌalha ꞌuhoontꞌoh-i ootsꞌu haídiltsꞌut, ꞌen ꞌuntꞌoh sBá ootsꞌun nohtsꞌun tisꞌalh, ꞌen la whusainya de, si sghun tsꞌiyawh whunóhnoolhtun, sBá yutsꞌu haínya ꞌet huwa.

John 20:22

ꞋEt ndúdija hukwꞌelhꞌaz bukꞌuz injiz ꞌinkꞌez ubúlhni, “Ndoni nohyudóoltsꞌit.

John 7:39

ꞋEt Jesus ndutni whe Ndoni ghun bubulh yaílhduk. Mbene la didut buba ꞌalhaꞌ yintꞌohne, ꞌenne buyudútiltsꞌulh. ꞋAw ꞌaho iloh. Jesus ooba whudáltiꞌ hukwꞌelhꞌaz de, ꞌet de nduwhutanelh.

Acts 10:41

dune tsꞌiyawh iloh, wheni za mbene la nenalh ꞌúhootꞌenne Yakꞌusda ꞌutahanéyanla ínleꞌ. Dunadija hukwꞌelhꞌaz bulh utsꞌanꞌulh ꞌinkꞌez bulh ꞌútsꞌitnaiꞌ inleꞌ.

Acts 2:33

Ndo yakꞌuz ꞌukꞌenus whudíztiꞌ-un, ꞌet Yakꞌusda oonailhni tsꞌe natlꞌa idalhdaꞌ ꞌinkꞌez netsꞌú yoozi-i, ꞌi gha Yakꞌusda duYeꞌ yutlꞌa hónꞌai. ꞋInka ꞌen Ndoni netsꞌítilhꞌaꞌ ꞌinkꞌez neyudíltsꞌut. ꞋInkꞌez ꞌalhaꞌ ꞌuntꞌoh ꞌandit dzin ndi ꞌi oozúlhtsꞌai ꞌinkꞌez nulhꞌen.