Acts 1:3 - Yak'usda Ooghuni

³ Jesus dazsai hukwꞌélhꞌaz dit whunizyat dzin ndoohoolyiz lhat whe bunalhtsꞌet nusúya ꞌet whuz unꞌa ꞌalhaꞌ khuna ꞌaw whutsꞌu hoodódlaiꞌ ꞌaitꞌoh. Hinilhꞌen ꞌinkꞌez Yakꞌusda dune kꞌúneꞌ bulꞌen-un huwun bubulh yálhduk.

Acts 1:3 Iomraidhean Croise

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Matthew 28:9

ꞋEt ꞌugha hodulꞌehne tsꞌu híꞌus whe khuntsul Jesus butsꞌu dizya ꞌinkꞌez, “Whunúlhnih,” ꞌubulhni. Hizih neninꞌaz ꞌinkꞌez hike óontun ꞌinkꞌez hitsꞌun téniꞌ nalhdzin.

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 4:2

Dit whunizyat dzin sóo honih, ꞌet hukwꞌelhꞌaz ooyeꞌíltsꞌul.

Mark 16:19

ꞋEt hukwꞌelhꞌaz Jesus neMoodihti dune bubulh yálhduk ꞌetsul ꞌudíja whe, ꞌet yakꞌuz whenája ꞌinkꞌez Yakꞌusda ooghu naílhni tsꞌunkꞌus nátlꞌa didaꞌ.

John 20:26

ꞋEt ꞌilhu lisman inleꞌ whe, doo cha za Jesus yugha hodulꞌehne yoh bez tsꞌe hudilhtsꞌi whe Thomas ꞌen cha butoh usda. Datih dadinla, ꞌet hoontsꞌi khuntsul Jesus butoh usyin hitilhꞌen, ꞌinkꞌez ꞌubulhni, “Nohdzi doghel.”

John 21:1

Njan ꞌoh te neꞌwhustꞌen hukwꞌelhꞌaz, doo cha za Jesus yugha hodulꞌehne bunalhtsꞌet haínya. Bunghun Tiberias huwhútni-un, ꞌet ꞌuja. ꞋInkꞌez diz ꞌuna bunalhtsꞌet haínya whe,

John 21:14

ꞋEt ꞌawet yaidlane toh dunadija whutsꞌun, whulh tat Jesus yugha hodulꞌehne bunalhtsꞌet hainya.

Acts 13:31

ꞋEt Galilee ꞌinkꞌez Jerusalem whutsꞌun yúlh lhusudilne, ꞌenne hukwꞌelhꞌaz lhat dzin hiyanꞌen. ꞋEnne Israel ootsꞌu hainzutne highun whúbontilhtunne hinli.

Acts 19:8

ꞋEt tat sanun, dzin totsuk Paul Lizwif bulugliz tsꞌe kꞌunádaih ꞌinkꞌez lhníljut whe Yakꞌusda dune kꞌúneꞌ bulꞌen-un huwun whubunulhtun ꞌinkꞌez soo cho buba hukwꞌu nuhúlhyeꞌ.

Acts 28:23

ꞋEt Paul tsꞌun lhahódinla ndet dzin hitsꞌu tídulh-un. ꞋEt ꞌon nus ꞌultsukne, ꞌenne ꞌet dzin hitsꞌu whúsaindil. ꞋEt bundadaꞌ hulhgha whutsꞌun Yakꞌusda dune kꞌúneꞌ bulꞌen-un huwun hubodulhꞌeh. Yakꞌusda be nus hóoꞌenne ꞌukꞌu nuhúyuzguz ꞌinkꞌez Moses ꞌukꞌu núyuzguz-i cha ꞌi gha Jesus buba ꞌalha ꞌootꞌeꞌ hooleꞌ ubúlhni.

Acts 28:31

tsꞌet whucho Yakꞌusda dune kꞌúneꞌ bulꞌen-un, ꞌinkꞌez Jesus Christ neMoodihti ꞌen ghun cha dune hodulhꞌeh. ꞋAw dune whuchꞌa lhinúsyoot whe ndutni.

Acts 8:12

ꞋEt hoontsꞌi Philip ooghuni buba ꞌálhaꞌ ꞌutni-un, ꞌet huwa dune cha, tsꞌekoo cha, tsꞌiyawh too béꞌ hulya. ꞋEn khuni unzoo-i be yaílhduk inleꞌ. Ndi khuni Yakꞌusda dune kꞌúneꞌ bulꞌen-un huwun ꞌinkꞌez Jesus Christ booziꞌ ghun, ꞌi ye bubulh yaílhduk inleꞌ.

Romans 14:17

Yakꞌusda dune kꞌúneꞌ bulꞌen-un huwun, ꞌaw tsꞌaꞌálh-i kꞌus tsꞌutnai-i, ꞌi ghun íloh ꞌuhoontꞌoh. Ndoni neyudíltsꞌut ꞌet huwa Yakꞌusda nalh tsꞌihꞌun ꞌútsꞌutꞌen, ꞌen gha nedzi dóghel, ꞌinkꞌez tsꞌohótꞌeꞌ.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.

1 Thessalonians 2:12

ꞋInkꞌez Yakꞌusda ba sooꞌ whuldzooꞌ kꞌunꞌa toohdilh. ꞋEn ꞌuntꞌoh ntsꞌe la usda-un, ꞌet lerwe unli, ꞌet whe tsꞌiyantsuk whe kꞌuneꞌ whutꞌen unli, ꞌinkꞌez ye diztiꞌ-i cha bulh ꞌuntꞌoh. ꞋEt whuz de ꞌanih nohúlhni.

1 John 1:1

Soo ꞌudechoo daꞌ whutsꞌun hoonli-un soo tsꞌihꞌun unꞌa whuzdántsꞌo-un, nena be cha tsꞌonalhꞌen, ꞌinkꞌez nela be cha ootꞌá tsꞌaznai khuni be tsꞌúkhuna-i, ꞌi ghun.