Acts 1:2 - Yak'usda Ooghuni

² ꞌinkꞌez ndet dzin ndo yakꞌuz whenája ꞌet whutsꞌun. ꞋEt ndo yakꞌuz natiltelh whutso ndunne dune whelꞌaꞌne ubulhtsi, Ndoni gha buba núhizyeꞌ.

Acts 1:2 Iomraidhean Croise

Matthew 12:28

ꞋEt hoontsꞌi Yakꞌusda ooyughi be ntsiꞌ-i nududeh-un dune tsꞌu ha nánusyukw de, ꞌalha ꞌuhoontꞌoh whe Yakꞌusda whe lerwe unli-un, ꞌawet nohgha whultsꞌut wheꞌ hoontꞌoh.

Matthew 3:16

Jesus too beꞌ yinla whe tooz ha nája ibulh ꞌet ꞌaho ꞌen ba ꞌaho yakꞌuz dahaꞌ dankez ꞌinkꞌez Yakꞌusda Ooyughi yunilhꞌen whe ndus de dutꞌai, dove huyúlhni, ꞌi kꞌunꞌa Jesus ookꞌé dinde.

Mark 6:30

ꞋEt whelꞌaꞌne whusanáhidil ꞌinkꞌez Jesus te ꞌilhuhozdil ꞌet hidániꞌ ntsꞌoh te néꞌhustꞌen ꞌinkꞌez ndet dune whubuhodalhꞌeꞌ.

Luke 24:51

ꞋAwhuz Yakꞌusda yoodulhkut butsꞌun oozooꞌ ha, buchꞌa nasdzut ꞌinkꞌez ndo yakꞌuz whenálti.

Luke 9:51

ꞋEt ꞌawet Jesus ooba whusaóodanzut ndo yakꞌuz nátidalh-un huba, ꞌet ꞌawet Jerusalem whutsꞌu nalhꞌa ꞌinkꞌez whuz natidalh-un howun nanínuzut.

John 1:16

ꞋInkꞌez neba yutꞌi-i ꞌandit tsꞌiyawh negha íninla. Dzin totsuk ye unzoo-i neba ꞌon ꞌun ꞌuntꞌoh.

John 13:1

Dzenis whuti ndet daꞌ Butus Lhuséya huwhútni-un, ꞌet whutsodaꞌ Jesus ꞌawet ootsꞌo whúdiltsꞌulh-un ba ꞌet newhúninzut tꞌéwhunínzun ndi yun kꞌut howu tiyalh ꞌinkꞌez duBá tsꞌun natidalh. Ndi yun kꞌut mbene la oochꞌeꞌne tsꞌiyawh bukꞌensiꞌ. Soo ooba ꞌudekꞌez tileh whutsꞌun bukꞌensiꞌ.

John 13:18

ꞋAw soo tsꞌiyawh iloh nohghun ꞌet ndudúsni. Mbene la ꞌutahábisdlane, ꞌenne tꞌébunúszun, ꞌet huwa Yakꞌusda ooghuni ꞌukꞌú nusgúz-i kꞌut dawhútanelh la ꞌet huwun njan ndutni, ‘Mbe la lhes sulh ínꞌal-un, ꞌen schꞌaz nedinja whe sozoolhghelh hukwaꞌ ninzun.’

John 13:3

ꞋEt Jesus tꞌéwhunínzun ooBá tsꞌiyaitsuk kꞌúneꞌ yoolꞌen-un, ꞌet yugha óoninꞌai. ꞋInkꞌez Yakꞌusda tsꞌun haínya ꞌinkꞌez Yakꞌusda tsꞌun nátidalh.

John 16:28

SBá ꞌen ootsꞌu hásya whe ndi yun kꞌut nenúsya. Doo cha ndi yun kꞌut whuchꞌa natisdalh ꞌinkꞌez sBá ꞌen ootsꞌu nátisdalh,” ubúlhni.

John 17:13

ꞋAndit ꞌawet ntsꞌun tisya. ꞋEt hoontsꞌi ꞌawhuz ndi yun kꞌut susda whe njan ꞌet howu yasduk, ꞌet whe la soo tsꞌihꞌun unꞌa ndai la be whúnusni-i, ꞌi be budzi doobun.

John 20:17

ꞋEt Jesus uyúlhni, “ꞋAw njan soontun iloh. ꞋAwhuz ndo sBá ootsꞌun nálhtuzusdai. ꞋEt hoontsꞌi sulhutsinke butsꞌun naíndalh ꞌinkꞌez ubudíni, ndo sBá ootsꞌun nátisdalh. ꞋEn nohni cha nohBá. Si sYakꞌusda ꞌinkꞌez nohni cha nohYakꞌusda unli.”

John 20:21

ꞋEt Jesus doo cha za ubúlhni, “Nohdzi doghel, ntsꞌenꞌa la sBá whuz de sútilhꞌaꞌ, ꞌet whuz unꞌa si cha nohtisꞌaꞌ.”

John 3:34

Ndun ꞌen Yakꞌusda whusayálhꞌaꞌ-un, ꞌen ꞌinkꞌez didut Ndoni be yudilhbun, ꞌet huwa Yakꞌusda ooghuni za be yálhduk.

John 6:62

ꞋInkꞌez Yinka Dune Yeꞌ ndo ntsꞌe la whutsodaꞌ usda tsꞌe, whuz nadalh nulhꞌen de, daja ntihzilh?

John 6:70

ꞋEt Jesus ꞌubulhni, “ꞋAlhaꞌ iloh lakw nohni whunizyane ꞌon ꞌat nane, ꞌenne ꞌutáhanóhisdla, ꞌinkꞌez nohtoh ꞌilhoghun ꞌen netsudule unli.”

Acts 1:11

“Galilee whutꞌenne, di ha ꞌet núdulhya ꞌinkꞌez ndo yat tsꞌe whunulhꞌen? Ndun Jesus ndo yakꞌuz tsꞌe nohghu whenája-un ꞌandit nulhꞌen ndo yakꞌuz whenája, whuz unꞌa za whusanátidalh,” ꞌubuhútni.

Acts 1:13

Jerusalem tsꞌe náhoosdil whe, ꞌaho ndo yoh huwhutꞌi-un danáhundil. Peter, John, James ꞌinkꞌez Andrew, Philip ꞌinkꞌez Thomas, Bartholomew ꞌinkꞌez Matthew, James Alphaeus ooyeꞌ, Simon Lizwifne ba huwu daóoditꞌowh-un, ꞌinkꞌez Judas James ooyeꞌ, ꞌenne ꞌet yoh hudilhtsꞌi.

Acts 1:9

ꞋEt ndi yughu yatílhduk whe ꞌawet ndo yakꞌuz whenája. ꞋEt hinilhꞌen whuz za kwꞌus yo tsꞌe hooloh suliꞌ.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Galatians 1:1

Si Paul whelꞌaꞌ-un usdli. ꞋAw dunene, ꞌenne bugha iloh ꞌusja, kꞌus ꞌilhoghun dune za iloh gha ꞌusja. ꞋEt hoontsꞌi Jesus Christ ꞌinkꞌez Yakꞌusda neBá, ꞌen ꞌuntꞌoh Jesus yaidlane toh dunaidilhti, ꞌen gha whelꞌaꞌ-un ꞌustꞌoh.

Ephesians 2:20

Nohni Yakꞌusda ooyoh léꞌahtꞌoh. Whelꞌaꞌne ꞌinkꞌez Yakꞌusda be nus hooꞌenne, tsꞌiyawh yoh ookꞌu whuzꞌaine hinli. ꞋInkꞌez nohni whunohodalhꞌeꞌ, ꞌet huwa bubulh ꞌáhtꞌoh. Christ ꞌen dichꞌoh ꞌukꞌenus tse yoh ookꞌu whuzꞌai-un unli whe ꞌuntꞌoh.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

Hebrews 9:24

ꞋEt Christ ꞌen ndi yun kꞌut nimbali cho bet, ndet kꞌus whúdiztiꞌ-un, dune dula be ꞌuhuhóonla-un, ꞌaw ꞌet dálhiyal. Njan yakꞌuz whundóhotꞌen huwhulhtsi ꞌet huwa. ꞋEt kꞌus ndo yakꞌuz tsꞌe whuz whenya. ꞋEt whuz unꞌa Yakꞌusda but neba nenínya.

1 Peter 3:22

Yakꞌuz whe naja ꞌinkꞌez ꞌandit Yakꞌusda yughu nailhni tsꞌe usda. ꞋInkꞌez ndunne lizasne, ꞌudedone, ꞌenne ꞌonghohne hiye óolhtus ha, ꞌenne cha, ꞌinkꞌez ndunne hiye ulhtus-i ꞌutꞌine, ꞌenne tsꞌiyawh Jesus Christ hikꞌuneꞌ ootꞌen hubaꞌ ꞌubínla.

2 Peter 3:2

ꞋEt ndunne nus hooꞌenne Yakꞌusda oochꞌeꞌ unline, ꞌenne ꞌoh daꞌ daja hudaniꞌ. ꞋInkꞌez wheni whelꞌaꞌne ꞌutsꞌintꞌoh, neMoodihti neulhyis-un ooghuni, ꞌi be nohbulh yatsꞌalhduk ꞌinkꞌez nohuzdániꞌ, ꞌet huwa la tsꞌiyawh whunaoolhnih.

Revelation 1:1

Ndi khuni ꞌi Jesus Christ dune buba tsꞌet ha hónla-i ꞌuntꞌoh. Yakꞌusda yutlꞌa ídanꞌai be ꞌulhnane bunalhtsꞌet ha hóokat ha. ꞋAwet nilhdukw daóotanelh-un, ꞌet huwun. Dulizas ꞌen dude ꞌulhna-un John ꞌen yughe nílhꞌaꞌ.

Revelation 2:11

Mbene ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌenne huyoozólhtsꞌaiꞌ. Mbene la ꞌutꞌen ntsiꞌ-i chꞌaꞌ nilhdene, ꞌet dune whúlh nat dahútitsah-un, ꞌi be ꞌaw hundódah ꞌaitꞌoh.”

Revelation 2:17

Mbe la ꞌuditsꞌone, Ndoni Yakꞌusda ba ꞌilhunaoodulhne, daja ꞌubulhni, huyoozólhtsꞌaiꞌ hubaꞌ hoontꞌoh. Mbene ꞌutꞌen ntsiꞌ-i yuchꞌaꞌ ꞌulhdene, ꞌenne ndi ꞌutꞌalh-i manna huyúlhni-i, ꞌi dune buchꞌa ntistꞌi-i, ꞌi whuloh bugha ítasꞌalh. ꞋInkꞌez tse dulyul-i cha bughá ntasꞌalh. ꞋInkꞌez ndi tse ookꞌut ꞌandidi ooziꞌ ꞌi ookꞌeitáguz. ꞋAw dune booziꞌ tꞌehinuszun. Ndun oogha ídiltsꞌut-un, ꞌen za tꞌeyuntázin.”

Revelation 2:29

Mbe ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌen huyoozólhtsꞌaiꞌ.”

Revelation 2:7

Mbe ꞌuditsꞌone, Ndoni Yakꞌusda ba ꞌilhunaoodulhne, daja ubúlhni-un, ꞌen huyoozólhtsꞌaiꞌ hubaꞌ hoontꞌoh. Mbene la ꞌutꞌen ntsiꞌ-i yuchꞌaꞌ ꞌulhdehne, ndi duchun oogha khutna-i oomaiꞌ huyooꞌalh-un bugha óotasꞌalh. Ndi duchun ꞌi Yakꞌusda ookeyoh ꞌukꞌenus hoonzoo-un, ꞌet whuniz tsꞌe nadánꞌa.”

Revelation 21:14

Nyo keyoh whuti sih whunasaꞌa-i, ꞌi whunizyai ꞌon ꞌat nanki tse lhelhdoh didowh-i ookꞌu whuzꞌai. ꞋInkꞌez whunizyane ꞌon ꞌat nane ꞌusbaiyaz ba whelꞌaꞌne bubooziꞌ hukwꞌusguz.

Revelation 3:13

Mbe ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌen huyoozólhtsꞌai.”

Revelation 3:16

ꞋAw lhnáhkꞌuz cha ꞌahtꞌoh ꞌinkꞌez ꞌaw lhnúlhwus cha ꞌahtꞌoh. Nulhwusyaz leꞌ ꞌahtꞌoh. ꞋEt huwa sze whe nꞌun nohtisdzoh.

Revelation 3:22

Mbe la ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌen huyoozólhtsꞌaiꞌ.”