Acts 1:16 - Yak'usda Ooghuni

¹⁶ ꞌinkꞌez ubúlhni, “Sulhutsinke ndi Yakꞌusda ooghuni ꞌukꞌu nusgúz-i ꞌet lhaóodotneh hubaꞌ hoontꞌoh. Ndet David hónꞌen Ndoni ꞌen gha Judas datínelh ꞌet yughu yalhduk. Judas ꞌen húbunilhtan whe ꞌoh daꞌ Lizwifne Jesus huyílhchoot inleꞌ.

Acts 1:16 Iomraidhean Croise

Matthew 26:14

ꞋEt whe ndunne whunizyane ꞌon ꞌat nane, butoh ꞌilhoghun Judas Iscariot huyulhni, ꞌen lubret bumoodihne butsꞌu whinya.

Matthew 26:47

ꞋAwhuz yalhduk whe khuntsul Judas, whusainya. ꞋEn ndunne whunizyane ꞌon ꞌat nane whelꞌaꞌne, ꞌilhoghun ꞌuntꞌoh. ꞋEn bulh lhane dune yulh whusaindil. Whulohne saluzti nuhúle, ꞌinkꞌez whulohne tutꞌoh nódule. Lubret bumoodihne ꞌinkꞌez dune ꞌutso whudilhdzulhne, whusahábahalhꞌaꞌ.

Matthew 26:54

Ntsꞌenꞌa Yakꞌusda ooghuni lhadútineh? Ntsꞌenꞌa la stsꞌun dawhutꞌih-un, ꞌet whuz unꞌa ꞌuhóneh hubaꞌ hoontꞌoh.”

Matthew 26:56

ꞋEt huwa, nus hooꞌenne bubeꞌ ꞌudustlꞌus ookꞌehooguz-un, ꞌet tsꞌiyawh lhawhúdutanelh.” ꞋEt ꞌawet higha hodulꞌehne, tsꞌiyawh highu whetsélhdil.

Mark 12:36

ꞋEt David Ndoni ꞌi gha la ꞌet ndutni, ‘Moodihti ꞌen sMoodihti ꞌúyulhni nailhni tsꞌunkꞌus sinda. Nchꞌaz ditnine bukꞌut nke naóolhyis mba ubooselh ꞌet whutsꞌun.’

Mark 14:43

ꞋAhoh ꞌawhuz Jesus yalhduk whe Judas whusaínya. Judas ꞌen whunizyane ꞌon ꞌat nane whelꞌaꞌne, ꞌilhoghun ꞌuntꞌoh. Dzoh saꞌ inleꞌ Lizwif lubret bumoodihne, Moses be ꞌudustlꞌus ꞌukꞌu nunáguzne cha, ꞌinkꞌez dune tso whudilhdzulhne cha, ꞌudaꞌ butsꞌú nuséya, ꞌinkꞌez Jesus ye bútsꞌeꞌonket. Judas butsꞌó whenáhiyalhꞌaꞌ, ꞌinkꞌez dune lhane yulh údulh saluzti ꞌinkꞌez tutꞌoh cha hilelh whe whusahándil.

Luke 22:47

ꞋAwhuz yalhduk whe khuntsul lhane dune whuz de údulh, Judas huyulhni, ꞌen butso uyalh. ꞋEn whunizyane ꞌon ꞌat nane bubulh ꞌilhoghun ꞌuntꞌoh. Jesus ye nghoh neninya naidutitsꞌoos ha.

John 10:35

Tꞌétsꞌonínzun ꞌaw Yakꞌusda dughuni kꞌuyoyis ꞌaítꞌoh, ꞌinkꞌez mbene la Yakꞌusda ooghuni ooghi díltsꞌutne, ꞌenne yakꞌusdane ubúlhni.

John 13:18

ꞋAw soo tsꞌiyawh iloh nohghun ꞌet ndudúsni. Mbene la ꞌutahábisdlane, ꞌenne tꞌébunúszun, ꞌet huwa Yakꞌusda ooghuni ꞌukꞌú nusgúz-i kꞌut dawhútanelh la ꞌet huwun njan ndutni, ‘Mbe la lhes sulh ínꞌal-un, ꞌen schꞌaz nedinja whe sozoolhghelh hukwaꞌ ninzun.’

John 17:12

Mbene la sghá buninlane, ndi yun kꞌut ꞌawhuz bubulh ꞌústꞌoh daꞌ, nyooziꞌ ꞌi be hubostun ꞌinkꞌez bughosdleꞌ. ꞋEt ꞌaw kwuncho yo whuyeꞌ, ꞌen iloh, ꞌet huwa la ntsꞌoh te la ooghun ꞌukꞌuneꞌ ꞌúsguz inleꞌ-un, ꞌoh te néꞌhootꞌen.

John 19:36

ꞋEt whuz unꞌa ꞌoh te neꞌwhustꞌen. ꞋEt huwa ndai la Yakꞌusda ooghuni ꞌukꞌu nusguz-i, ꞌi kꞌunꞌa lhawhúduja whe ndutni, “ꞋAw ꞌilho ootsꞌun ꞌi hoontsꞌi kꞌulhítih,” ni.

Acts 1:20

Peter ꞌet cha ndutni, “Yakꞌusda ooghuni ꞌukꞌu nusgúz-i kꞌut ‘Shun’ huyúlhni, ꞌi ndutni, ‘Ooyoh ꞌaw dune lhuhóotꞌih hooleꞌ.’ ꞋInkꞌez cha ndutni, ‘Oobe ꞌutꞌen kꞌoh ꞌuyoon yukꞌenádoojaꞌ.’

Acts 13:15

Moses ooghuni ꞌukꞌu nusguz-i ꞌinkꞌez Yakꞌusda be nus hóoꞌenne bughuni cha hikꞌeyailhduk hukwꞌelhꞌaz, Lizwif lugliz whumoodihne Paul, Barnabas ꞌanih ꞌubuhútni, “Neulhutsinke, khuni huye tílhtus-i bugha dútanꞌalh ahtꞌi de, ndunne dune bubulh yátilhduk hukwa ꞌuzninzun.”

Acts 13:38

ꞋEt Paul ꞌon ꞌun ndutni, “ꞋEt huwa sulhutsinke nohni, ꞌalha ꞌuhoontꞌoh ndun Jesus dája la ꞌet huwa nohlubeshi nohunatidoh. ꞋEt tꞌewhunóhzin ndai la Moses ye náhizya-i, ꞌi gha nohlubeshi nohunaoodeh ꞌaítꞌoh inleꞌ. ꞋEt hoontsꞌi Jesus Christ ꞌen gha nohlubeshi tsꞌiyawh gak nohba whulhtsi.

Acts 15:13

ꞋEt yahulhduk ꞌetsul ꞌuhudija whe James dudinya ꞌinkꞌez ꞌutni, “Sulhutsinke soo zúlhtsꞌai!

Acts 15:7

Saꞌ hukwꞌu nuhúhulhya whe Peter dudinya ꞌinkꞌez ubúlhni, “Sulhutsinke tꞌeoonáhzun ꞌudaꞌ whe Yakꞌusda nohtáhasálhti Yakꞌusda ooghuni unzoo-i ghun ꞌudun yun kꞌut whutꞌenne bubulh yaóosduk ha, khun si sodótsꞌo ꞌinkꞌez buba ꞌalhaꞌ hotꞌeꞌ ha.

Acts 2:23

Yakꞌusda nanínízut ꞌinkꞌez ꞌudaꞌ tꞌeooninzun-un, ꞌi be ꞌudaꞌ Jesus nohtlꞌa tíltelh néwhuninꞌai. Nohni nohgha lubeshi ꞌulhꞌenne Jesus tulalhgus ꞌuhídunilhtꞌo ꞌet whe súlhghi.

Acts 2:37

ꞋEt Peter hidántsꞌo whe soo tsꞌihꞌun budzi tꞌaíznai. ꞋInkꞌez Peter ꞌinkꞌez ꞌuyoonne whelꞌaꞌne bulh hubuhoodulhkut, “Neulhutsinke, Peter nedaniꞌ-un huwun dáztinelh?”

Acts 22:1

“Sulh dunene, sulhutsinke, ꞌinkꞌez ꞌubákene, soo zúlhtsꞌai, ꞌandit nohbulh duba yanatizduk!” ubúlhni.

Acts 23:1

Paul nahíyilhne bubut usyin Paul soo cho ꞌubunilhꞌen ꞌinkꞌez ubúlhni, “Sulhutsinkene neyo tsꞌe oogha tꞌetsꞌoninzun-i ꞌi gha Yakꞌusda but ꞌahoolhyiz wheni be khusna-i tsꞌihꞌun unꞌa ꞌustꞌoh.”

Acts 23:6

ꞋEt Paul ꞌubunilhꞌen ꞌilhozdílne whulohne Sadduceene ꞌuhintꞌoh ꞌinkꞌez whulohne cha Phariseene ꞌuhintꞌoh whe la tube cho bubulh yátilhduk, “Sulhutsinke si cha Pharisee ꞌustꞌoh! Pharisee yeꞌ usdli, ꞌinkꞌez sba ꞌalha ꞌuhoontꞌoh yaidlane dunáhudutádulh ꞌet huwa ꞌandit sba nahutideh-un huba susda!”

Acts 28:17

ꞋEt hukwꞌelhꞌaz tat dzin inleꞌ whe Paul ꞌet whutꞌenne Lizwif dune unchane bubulh yátilhduk ha usda tsꞌe toodilh ubúlhni. Whusahándil whe ꞌet ubúlhni, “Dunene ꞌinkꞌez sulh Lizwifne ꞌaw hoonli sulh didowhne buchꞌa nulhéꞌustꞌel ꞌinkꞌez netsodáꞌne bukꞌoh tsꞌe néꞌwhutꞌen-un ꞌoh cha whuchꞌa nulhéꞌustꞌel. ꞋEt hoontsꞌi Jerusalem ꞌet ꞌasodilhꞌai ꞌinkꞌez Rome whutꞌenne, ꞌenne butlꞌá sahalhti.

Acts 28:25

ꞋEt Lizwifne lhdulhyo ꞌuhudutni. ꞋEt ꞌaz náhidulh whe Paul njan dúbulhni, “Dalcho-i be Ndoni ꞌen Yakꞌusda be nus hóoꞌen-un Isaiah huyúlhni-un, yudániꞌ ndi khuni nohtsodáꞌne butlꞌa ídooꞌalh ha.

Acts 7:2

ꞋEt Stephen uyúlhni, “Sulhutsinke ꞌinkꞌez ꞌubákene soo zúlhtsꞌai! Netsodaꞌ-un Abraham ꞌawhuz Mesopotamia usda, Haran tsꞌe natidalh whutso whe, Yakꞌusda ootsꞌu ha yánduz-un, ꞌet oonalhtsꞌet ha hóoltsꞌut.

1 Peter 1:11

ꞋOh daꞌ Christ ooyughi buyudinda ꞌinkꞌez ꞌuwhutanelh whutso, ꞌen bugha yalhduk ntsꞌenꞌa la Christ dzoh nutizut, ꞌet hukwꞌelhꞌaz ooba hooncha tuneꞌ titꞌen-un ꞌuwhutanelh. ꞋEt nduhoontꞌoh-un nkede njan ꞌet nduwhutanelh, ꞌinkꞌez ntsꞌenꞌa ꞌuwhutanelh, ndunne nus honꞌenne nahahootáꞌalh hukwaꞌ hutꞌen.

2 Peter 1:21

ꞋEt ndi khuni ꞌi be nus tꞌeznanzin-i, ꞌaw dune didutchꞌoh hukwaꞌ huninzun huwa iloh whe neba ꞌukꞌeguz. ꞋEt kꞌus Yakꞌusda ooduneꞌne, mbe la oochꞌeꞌne, ꞌenne ntsꞌenꞌa Ndoni whubúnilhtan yahutilhduk-un, ꞌet whuz unꞌa za yahalhduk whe ꞌukꞌehónguz.

2 Peter 2:21

ꞋEt nduntꞌohne, ꞌenne njan tsꞌihꞌun ti ꞌaw tꞌehonuszun de, ꞌet de daꞌ buba sooꞌ hotꞌeꞌ ooleꞌ. ꞋEt hukwꞌelhꞌaz tꞌehonanzin de ꞌinkꞌez butlꞌa hidanꞌai whe ꞌantsꞌi hichꞌaz nálhya, ꞌet whuz unꞌa ꞌudekꞌez ꞌi ꞌudechoo whanus hotátsiꞌ.