2 Peter 3:5 - Yak'usda Ooghuni

⁵ ꞋUdaꞌ dahooja la ꞌaw whunahoolnih hukwa lheꞌhunízun. Yakꞌusda ooghuni, ꞌi be ꞌudechoo ꞌudaꞌ ndo yat ꞌuhóolya inleꞌ. ꞋInkꞌez ndi yun whuloh tehtlꞌah ꞌuntꞌoh ꞌinkꞌez whuloh yun unli inleꞌ.

2 Peter 3:5 Iomraidhean Croise

Hebrews 11:3

Be ꞌalha ꞌuhoontꞌoh-i, ꞌi be za tꞌetsꞌonínzun Yakꞌusda ooghuni be tsꞌiyaitsuk ndi yun kꞌut ꞌulya. Ndai lhtsꞌisꞌen-i, ꞌi hoontsꞌi, dughuni ꞌi be tsꞌiyawh ꞌuyinla-i wheꞌ hoontꞌoh.

Genesis 1:9

ꞋEt Yakꞌusda (Elohim) ꞌutni, “Ndi too yakꞌuz ba nyo ꞌi ꞌilho ooleꞌ, ꞌinkꞌez ꞌet yun dizgi ha hooltsꞌit.” ꞋEt nduhóoja.

Genesis 1:6

ꞋEt Yakꞌusda (Elohim) ndutni, “Too toh yat holeꞌ ꞌinkꞌez ndo whutooꞌ ꞌinkꞌez yun kꞌut too cha lhulcho ooleꞌ.”

Romans 1:28

ꞋInkꞌez ꞌaw Yakꞌusda ghun nuní hunoozut hukwa lheꞌhunízun. ꞋEt huwa Yakꞌusda bula ditni. Bubeni ntsiꞌ súliꞌ. Ntsꞌoh la néꞌhutꞌen-un, ꞌaw ꞌet ndoohóotꞌen huba lheꞌhítꞌoh.

Colossians 1:17

ꞋInkꞌez ꞌen ꞌuntꞌoh tsꞌiyai tso unli, ꞌinkꞌez ꞌen gha tsꞌiyai lhootun leꞌ ꞌuntꞌoh.