2 Peter 3:4 - Yak'usda Ooghuni

⁴ ꞋInkꞌez ꞌuhudutinelh, “ꞋAlha eh Jesus Christ nohtsꞌu nahizya doo cha whusanatidalh-un. Ndun ꞌudáhni-un, ꞌen ntsꞌé ꞌutꞌen? Netsodaꞌne tsꞌiyawh yahadla ꞌet hoontsꞌi ꞌawhuz whusanálhusdai. Ndi yun ꞌulya ꞌinkꞌez ꞌandit dzin whutsꞌun, tsꞌiyantsuk dawhútꞌen, ꞌet za nduwhútꞌen.”

2 Peter 3:4 Iomraidhean Croise

Genesis 19:14

ꞋEt Lot teninya ꞌinkꞌez dughu ndankene ootseꞌke ghu dilhtsꞌine, ꞌinkꞌez ꞌubulhni, “Duduhdilh, njan whuchꞌa suhdilh! Moodihti (Yahweh) njan keyoh gak whutilhtselh!” ꞋEt ooghundankene ꞌenne buba ꞌantsꞌi la ꞌutni huninzun.

Matthew 16:27

Yinka Dune Yeꞌ whusatiyalh, ooBá ye diztiꞌ-i ꞌinkꞌez oolizas, bubulh, whusatiyalh whe tsꞌiyanne dahitꞌen, whuz unꞌa ꞌilhone whe buba kꞌelha whutilhtselh.

Matthew 16:28

Soo tsꞌihꞌun unꞌa nohdusni, whulohne njan núdilhyane, dahutitsah whutsꞌo Yinka Dune Yeꞌ whe lerwe unli-un, whuz unꞌa whuz de uyalh de, dahútitsa whutsꞌo huyuntilhꞌelh.”

Matthew 24:28

ꞋEt ntsꞌe la nezi súlhtꞌi-un, ꞌet la tsibalyan huweꞌ ꞌilho hotadulh.”

Matthew 24:48

ꞋEt hoontsꞌi be ꞌulhna-un ntsiꞌ-un dichꞌoh dudzi yo whe ꞌet nduninzun, ‘SMoodih saꞌ ꞌustla whusanádaih.’

Mark 10:6

ꞋEt hoontsꞌi ꞌudechoo Yakꞌusda tsꞌiyaitsuk ꞌinla whe dune ꞌinkꞌez tsꞌeke cha ꞌubinla.

Mark 13:19

ꞋEt Yakꞌusda yun ꞌinla ꞌet dzin whutsꞌun ꞌaw lheꞌwhúsne ꞌinkꞌez ꞌet ꞌulcho ꞌi be whutsodaꞌ hiye dzoh nulhuzut-i, ꞌi be dzoh notideh.

Luke 12:45

ꞋEt hoontsꞌi ndun be ꞌulhna-un dichꞌoh dudzi yo whe ꞌet nduninzun de, ‘Smoodih saꞌ stla whusanádaih.’ ꞋInkꞌez ꞌet dune oomoodih yuba ꞌutꞌenne ꞌinkꞌez tsꞌekoo yuba ꞌutꞌenne cha whéboonilhtsus. ꞋInkꞌez whéꞌ niꞌulh ꞌinkꞌez tatnai, ꞌinkꞌez tanutnih,

Acts 7:60

ꞋEt dugwutsi be nenínya ꞌinkꞌez soo ꞌultus-un ꞌutni, “SMoodihti ndi lubeshi ꞌuhuyínla-i, ꞌi buba ꞌun yutolhdilh!” Ndúdija ꞌinkꞌez dazsai.

1 Thessalonians 2:19

ꞋEt ndet ꞌuhoontꞌoh hukwa tse tsꞌuhooli, kꞌus ndai be tsꞌuhoontꞌi? Ndai la neba ꞌukꞌelha tileh-i, ꞌi be eh tsꞌoohootatꞌeꞌ? NeMoodihti Jesus Christ nkede whusanatidalh ꞌinkꞌez nohni cha tsꞌiyawh oobulh ꞌutihtꞌelh, ꞌet za ꞌuhoontꞌoh!

2 Peter 3:12

Yakꞌusda oodzin whuz de hóoltsꞌulh-un, hubalhꞌi ꞌinkꞌez ꞌa cho whusahóoltsꞌit-un hukwaꞌ hoolhꞌen. Ndo yat ndulcho whe kwun be gak whutaleh. Ndo tsꞌiyaitsuk ꞌulya-i, kwun nulwus kꞌet ꞌi be tsꞌiyaitsuk natilgheh.

Revelation 3:14

“ꞋEt keyoh Laodicea dune Yakꞌusda ba ꞌilhunaoodulhne bulizas, ꞌen ootsꞌó kꞌeinges. Njan ndudini: Mbe la ndó honeh-un, ꞌinkꞌez oonalh ꞌúwhutꞌen-un cha, ꞌinkꞌez ootꞌa niuznintan-un cha ꞌinkꞌez tsꞌihꞌun unꞌa ꞌuntꞌoh-un cha. Ndi Yakꞌusda ꞌuyinla-i ꞌen ꞌudechoo whéꞌ whudilhꞌen-un ꞌuntꞌoh, ꞌen ꞌutni: