2 Peter 3:3 - Yak'usda Ooghuni

³ Njan ꞌet ꞌudechoo soo cho tꞌewhunoohzeh hubaꞌ hoontꞌoh. ꞋUdekꞌez dzin de, Yakꞌusda ghudlohne, ꞌenne ntsꞌenꞌa buyustꞌe whutsꞌu níntꞌi-un, ꞌet whuz unꞌa za ꞌuhutitꞌelh hukwaꞌ huninzun, ꞌenne cha nohtoh ꞌuhutitꞌelh.

2 Peter 3:3 Iomraidhean Croise

John 12:48

Mbene la stsꞌu disnihne ꞌinkꞌez ꞌaw sghuni lhuyílhchulh, ꞌilhoghun ꞌen buba nahutiyeh. Ndi khuni be nohbulh yasduk-i, ꞌi khuni za ꞌudekꞌez dzin de be nohba nahutideh.

2 Corinthians 4:2

ꞋEt hoontsꞌi dune nunúlꞌiꞌne hukwaya hoonli, ꞌet huwa wheni tsꞌiyawh ꞌet whuchꞌa dah tsꞌutni. Dune naznaꞌah-un, ꞌet wheni ꞌaw ndúlhtsꞌustꞌen. ꞋInkꞌez Yakꞌusda ooghuni ꞌaw whutsꞌit bulh lhtalhtsꞌusdloh. ꞋEt hoontsꞌi khuni ꞌalhaꞌ ꞌuntꞌoh-i búbuznulhtun. ꞋEt whuz unꞌa Yakꞌusda nalh tsꞌiyanne buyo tsꞌe oogha tꞌetsꞌoninzun-i, ꞌi tsꞌun buba natsꞌoodutadziꞌ.

2 Timothy 3:1

ꞋEt njan tꞌeoononzin, ꞌet ꞌudekꞌez dzin whenghoh de, tube howa whútilnaꞌ.

Hebrews 1:2

ꞋEt njan ꞌandit ꞌudekꞌez dzin whe Yakꞌusda duYeꞌ ꞌen be nebulh yaílhduk. ꞋEn ooBá yutꞌi-i, ꞌi tsꞌiyawh oochꞌeꞌ yutileh, ꞌet whuz unꞌa ooBá yutlꞌa hónꞌai. OoYeꞌ ꞌen be ꞌuja tsꞌiyaitsuk ꞌuhóonla.

2 Peter 1:20

Ndi soo ꞌukꞌenus hooncha-un tꞌewhunoohzeh hubaꞌ hoontꞌoh. Yakꞌusda ooghuni nus tꞌeznanzin-i, ndet ꞌuwhulhni-un, ꞌaw dune didutchꞌoh dukꞌunꞌa naꞌhuyooleh ꞌaitꞌoh.

2 Peter 2:10

Mbene soo ꞌukꞌenus buyustꞌe whudutsun-un za whutsꞌu níntꞌine ꞌinkꞌez bumoodihne buba ꞌantsꞌi hinli whe bukꞌu nulheꞌustꞌen. ꞋEnne ꞌuhududíltiꞌ ꞌinkꞌez hukwaꞌ huninzun tuneꞌ hutꞌen. Nyoonne nchane ꞌaw whelhoniljut whe hoontsiꞌ hukwꞌunꞌa bughu yahalhduk.

1 John 2:18

Suzkehne ꞌawet ꞌet néꞌhunintꞌo wheꞌ hoontꞌoh. Christ chꞌaz ditni-un whuz de úyalh whulh ꞌúdahtsꞌo wheꞌ hoontꞌoh. ꞋAndit hoontsꞌi Christ chꞌaz ditnine huldlai wheꞌ hoontꞌoh. ꞋEt whe tꞌetsꞌonínzun ꞌawet ꞌet néꞌhunintꞌo wheꞌ hoontꞌóh.

Jude 1:16

Nduntꞌohne, ꞌenne tsanukhuni huldilhne, ꞌinkꞌez whunílhcho whe buba dzoh hinli. Buyustꞌe nintꞌi tsꞌe hidulh. Khuni ncha-i be yahalhduk. ꞋEt whe hoonzoo hukwꞌunꞌa dune ghu yahalhduk ꞌet whe whuchꞌa nohotálhdoh hukwa hutitꞌelh.

Jude 1:18

Ntsꞌenꞌa la nohodaniꞌ ꞌudekꞌez whusaóotiltsꞌulh-un lhane neBá ookꞌoh tsꞌe huwudlohne whutaleh. Yakꞌusda chꞌaz nintꞌi tsꞌe ꞌet whuz unꞌa za hutidulh.