2 Peter 3:2 - Yak'usda Ooghuni

² ꞋEt ndunne nus hooꞌenne Yakꞌusda oochꞌeꞌ unline, ꞌenne ꞌoh daꞌ daja hudaniꞌ. ꞋInkꞌez wheni whelꞌaꞌne ꞌutsꞌintꞌoh, neMoodihti neulhyis-un ooghuni, ꞌi be nohbulh yatsꞌalhduk ꞌinkꞌez nohuzdániꞌ, ꞌet huwa la tsꞌiyawh whunaoolhnih.

2 Peter 3:2 Iomraidhean Croise

Luke 1:70

ꞋUdaꞌ wheꞌ whuditꞌen whutsꞌun, whuz ꞌunꞌa Yakꞌusda be nus hooꞌenne bube yailhduk.

Luke 24:27

ꞋInkꞌez Moses be ꞌudustlꞌus ꞌukꞌu nunáguz-un ꞌinkꞌez nus hooꞌenne bubeꞌ ꞌudustlꞌus cha, ndai ꞌukꞌu nuhúyuzgus ꞌen ghun, ꞌi tsꞌiyawh Yakꞌusda ooghuni yúbunilhtan.

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

Acts 10:43

Yakꞌusda be nus hóoꞌenne tsꞌiyawh highu yailhduk mbene la buba ꞌalhaꞌ yintꞌohne Jesus Christ ꞌen gha bulubeshi buba ꞌún yutilhdulh.”

Acts 28:23

ꞋEt Paul tsꞌun lhahódinla ndet dzin hitsꞌu tídulh-un. ꞋEt ꞌon nus ꞌultsukne, ꞌenne ꞌet dzin hitsꞌu whúsaindil. ꞋEt bundadaꞌ hulhgha whutsꞌun Yakꞌusda dune kꞌúneꞌ bulꞌen-un huwun hubodulhꞌeh. Yakꞌusda be nus hóoꞌenne ꞌukꞌu nuhúyuzguz ꞌinkꞌez Moses ꞌukꞌu núyuzguz-i cha ꞌi gha Jesus buba ꞌalha ꞌootꞌeꞌ hooleꞌ ubúlhni.

Acts 3:18

ꞋEt ꞌudaꞌ whe Yakꞌusda daniꞌ ꞌet ndunne Yakꞌusda be nus hóoꞌenne ꞌet la, Christ dzoh nutizut, hutni. ꞋEt whuz unꞌa ꞌuhóoja whúlhtsi.

Acts 3:21

ꞋEn ndo yakꞌuz ꞌet usda ndet la tsꞌiyantsuk doo cha soo náꞌwhutilelh nasdliꞌ ꞌet whutsꞌun. ꞋUdaꞌ Yakꞌusda be nus hóoꞌenne huwu yuhalhduk ínleꞌ.

Galatians 6:2

ꞋIlhone ꞌahli ndet la nohba howa whulnaꞌ hoontsꞌi lhla oohtꞌen. ꞋEt de la Christ, ooghuni netlꞌa díltsꞌut-i, ookꞌuneꞌ tihtꞌen wheꞌ hoontꞌoh.

Ephesians 2:20

Nohni Yakꞌusda ooyoh léꞌahtꞌoh. Whelꞌaꞌne ꞌinkꞌez Yakꞌusda be nus hooꞌenne, tsꞌiyawh yoh ookꞌu whuzꞌaine hinli. ꞋInkꞌez nohni whunohodalhꞌeꞌ, ꞌet huwa bubulh ꞌáhtꞌoh. Christ ꞌen dichꞌoh ꞌukꞌenus tse yoh ookꞌu whuzꞌai-un unli whe ꞌuntꞌoh.

Ephesians 3:5

ꞋUdaꞌ niz yun kꞌut whutꞌenne ndet ꞌuwhúlhni-un, ꞌaw tꞌelhuhonízil inleꞌ. ꞋEt ꞌandit dzin tsꞌiyawh tꞌetsꞌonanzin. Ndoni be Yakꞌusda ba whelꞌaꞌne ꞌinkꞌez Yakꞌusda be nus hooꞌenne, tsꞌiyawh bubutꞌeoonalhzin.

1 Timothy 6:14

khuni ntlꞌa dísꞌai-i ookwꞌuneꞌ ꞌontꞌen. Khun naooltsꞌit junih. ꞋUyoonne dzoh tsꞌe nghu yahutilhduk, ꞌet ꞌoh te neꞌontꞌen junih. ꞋEt neMoodihti Jesus Christ whusatiyalh whutsꞌun, ꞌet za ndontꞌeꞌ.

2 Peter 2:21

ꞋEt nduntꞌohne, ꞌenne njan tsꞌihꞌun ti ꞌaw tꞌehonuszun de, ꞌet de daꞌ buba sooꞌ hotꞌeꞌ ooleꞌ. ꞋEt hukwꞌelhꞌaz tꞌehonanzin de ꞌinkꞌez butlꞌa hidanꞌai whe ꞌantsꞌi hichꞌaz nálhya, ꞌet whuz unꞌa ꞌudekꞌez ꞌi ꞌudechoo whanus hotátsiꞌ.

2 Peter 3:15

ꞋInkꞌez neMoodihti tube saꞌ neba sulhꞌi, ꞌet lhane hudoojis huba, ꞌet whuz unꞌa huwu nuni noohdeh hubaꞌ hoontꞌoh. ꞋInkꞌez neulhutsin ookꞌetsꞌinsiꞌ-un, Paul, ꞌen ye whunih-i, ꞌi oogha yultsꞌut, ꞌet ꞌi gha Yakꞌusda ooghuni nohtsꞌo kꞌeꞌanguz.

2 Peter 3:16

ꞋEt tsꞌiyawh be ꞌudustlꞌus ꞌi kꞌut ꞌet howu yalhduk. Whulukhi khuni tube howa whúlnaꞌ whe tꞌeznuzih. ꞋEt mbene ꞌaw whulhodílꞌelne, ꞌinkꞌez ꞌaw soo lheꞌíltusne cha, Yakꞌusda ooghuni ꞌi dichꞌoh hukwaꞌ huninzun kꞌunꞌa naꞌhuyínla. ꞋOnghoh-i ooghuni ꞌi cha ꞌet nduhúyinla. ꞋEt huwa hoontsiꞌ-un, ꞌet dichꞌoh khaná huwhuntꞌai.

1 John 4:6

Wheni Yakꞌusda oochꞌeꞌne tsinli. Mbene la Yakꞌusda tꞌeninzunne, ꞌenne nehuditsꞌo. Mbene la Yakꞌusda oochꞌeꞌ lhilohne, ꞌenne ꞌaw lhunehoozílhtsꞌai. ꞋEt huwa njan nududeh-i tsꞌihꞌun ꞌuntꞌoh-i ꞌinkꞌez tankꞌus ꞌuntꞌoh-i nudúdeh-i tꞌebuznínzun.

Jude 1:17

ꞋEt hoontsꞌi ookꞌesiꞌne, neMoodihti Jesus Christ ba whelꞌaꞌne ndai khuni hiye yailhduk-i, soo cho oonaoolhnih.

Revelation 19:10

ꞋInkꞌez oobut nachánisno ootsꞌun teniꞌ untisdzilh ha. ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli. ꞋInkꞌez nyulhutsinke, ꞌinkꞌez Jesus ooghuni ghu yalhdukne, ꞌenne bubulh ꞌulhna-un usdli whe ꞌustꞌoh. Yakꞌusda ꞌen za ootsꞌun téniꞌ nilhdzun!” súlhni. “Ndi khuni Jesus be ghú yaduk-i, ꞌi mba nus hónꞌen wheꞌ hoontꞌoh.”