2 Peter 3:1 - Yak'usda Ooghuni

¹ Ookꞌesiꞌne, ndi bulh nanki ꞌudustlꞌus nohtsꞌo kꞌesges. ꞋI be noheni unzoo nohba whunaznih.

2 Peter 3:1 Iomraidhean Croise

Matthew 5:8

Mbene la oodzi dutsun lhilohne, ꞌenne kꞌat le Yakꞌusda hutiꞌelh ꞌet huwa ꞌenne ꞌukꞌenus hoonzoo-un bughá whultsꞌut.

2 Corinthians 13:2

Whutsodaꞌ nohdasniꞌ-un whusdloh ꞌet hoontsꞌi nohzih susda hukwꞌunꞌa whulh nat nohtsꞌo kꞌeꞌusges ꞌinkꞌez nanohdúsni, mbene la lubeshi ꞌalhꞌen ꞌinkꞌez ꞌonghohne tubulh nanohdúsni whe dzoh notizut-un, ꞌaw hukwꞌut dodóyaꞌ ꞌaitꞌoh wheꞌ hoontꞌoh.

1 Timothy 5:22

Soo ꞌa dune kꞌedolnih junih. ꞋInkꞌez ꞌuyoonne lubeshi ꞌulhꞌenne eꞌutꞌen bubulh ꞌoneh junih! Nyunchꞌoh lubeshi yit ꞌududoldzin.

2 Timothy 1:6

ꞋEt huwa mba whunazni ndet daꞌ ntsi kꞌet duznih whe Yakꞌusda huwa yaꞌaih-i, ꞌi ntlꞌa ídanꞌai. ꞋI ꞌantsꞌi bulh neꞌhilhnah leꞌ ꞌilhꞌen.

Hebrews 6:9

Nekꞌekene nohni ndi khuniti be dunóhtsꞌutni, ꞌet hoontsꞌi Yakꞌusda chꞌa nasdilne lhahloh, ꞌet neba ꞌalha ꞌuhoontꞌoh. ꞋEt kꞌus be uzdujis-i, ꞌi gha ꞌon nus hoonzoo hukwꞌunꞌa ꞌutihtꞌelh, ꞌet neba ꞌalha ꞌuhoontꞌoh.

1 Peter 1:22

Ndoni ꞌen be ndi khuni ꞌalhaꞌ ꞌuntꞌoh-i, ꞌi ookꞌuneꞌ ꞌahtꞌen, ꞌi be nohdzi ꞌaw lubeshi ooghu hooloh sulhtsi. Nohdzi ndulcho-i be ooba ꞌalha ꞌuhoontꞌohne bukꞌehsiꞌ. Nohdzi ꞌaw lhdutsun whe ꞌilhoghun ꞌahli whe soo cho lhkꞌeoohsiꞌ.

1 Peter 2:11

Nohni ookꞌesiꞌne ꞌahli, ookeyoh hoolohne kꞌunꞌa, ꞌatsulyaz za ndi yun kꞌut dulhtsi. ꞋEt huwa ntsꞌe nohyustꞌe whutsꞌu nintꞌi-un, whuyit oohtꞌeꞌ, ꞌet hukwa nohtsꞌu tédusdli.

2 Peter 3:14

ꞋEt huwa nohni ookꞌesiꞌne ndi ꞌi tsꞌiyawh ooka tse hóhleꞌ. Nahtꞌi, ꞌaw hoonliyaz hukwaya lhuzoohleꞌ. ꞋEt de la hoonliyaz nohkꞌelhúholhtsꞌit, ꞌinkꞌez Yakꞌusda be tsꞌihꞌun ꞌahtꞌoh-i, ꞌet whuz unꞌa ꞌen ba hóolhdzih. ꞋEt Jesus Christ whusanája de, bulh tsꞌihꞌun oohtꞌeꞌ.

2 Peter 3:17

ꞋEt huwa nohni mbene la ookꞌesiꞌne, njan ꞌet nduwhútanelh whutso, ꞌudaꞌ tꞌeoonáhzun. ꞋEt huwa howahli! Ntsꞌenꞌa la ꞌahtꞌoh, whuz unꞌa za ꞌoohtꞌeꞌ. Doo ka ndunne ntsiꞌne, ꞌenne nintaꞌhutꞌih-un, ꞌenne bukꞌunꞌa ꞌoohneh. Bukꞌunꞌa ꞌahja de, ꞌet tehtsun tihleh.

2 Peter 3:8

ꞋEt hoontsꞌi nohni ookꞌesiꞌne, njan ꞌilhoghun whunaoodoolhnoh junih. NeMoodihti ꞌilhudzin ꞌet ꞌantsꞌi 1,000 yus kꞌut ooba ndúwhultꞌoh. Kꞌus 1,000 yus kꞌut ꞌet ꞌantsꞌi ꞌilhudzin ooba ndúwhultꞌoh.

Jude 1:5

ꞋEt hoonli nohba whunatiznih, ꞌudaꞌ tꞌeoonáhzun ꞌet hoontsꞌi. Egypt yun kꞌut ꞌet whuchꞌa neMoodihti duduneꞌne, ꞌenne tsꞌiyawh ubulhyih. ꞋEt hukwꞌelhꞌaz ndunne ooba ꞌalhaꞌ lheꞌhootꞌohne, ꞌenne tsꞌiyawh gak ꞌubulhtsi.