2 Peter 2:9 - Yak'usda Ooghuni

⁹ Mbene Yakꞌusda énuljutne, ꞌenne lubeshi ꞌuhulhꞌen whutsꞌó nintꞌi, ntsꞌenꞌa whuchꞌa nabutálelh-un, ꞌet neMoodihti tꞌeooninzun. ꞋInkꞌez tsꞌihꞌun lheꞌítꞌohne, ꞌenne cha ndet dzin buba nahutiyeh-un, ꞌet whutsꞌun bubeꞌ whuyah-un, ꞌet buboontun.

2 Peter 2:9 Iomraidhean Croise

Matthew 10:15

ꞋAlha nohdusni ndet dune ba nahidilh-un whusahooltsꞌut de, Sodom ꞌinkꞌez Gomorrah whutꞌenne cha, njan keyoh whutꞌenne nohghu núlhiyalne, ꞌon nus ꞌuwhultsiꞌ-un bugha óotaltsꞌulh.”

Matthew 6:13

ꞋInkꞌez ntsiꞌ-un, ꞌen chꞌa neghinli. ꞋEt yakꞌuz kꞌuneꞌ ꞌintꞌen-un ꞌintꞌoh, ꞌinkꞌez be ilhtus-i cha, bé dintiꞌ-i cha, ꞌi ꞌilhiz wheni ꞌi tsꞌiyawh nchꞌeꞌ ꞌuntꞌoh. ꞋEt ndo honeh.’

Romans 2:5

ꞋEt hoontsꞌi ꞌaw ndzi nálhodunínꞌal. ꞋEt za ꞌiltsiꞌ. ꞋEt huwa ꞌon nus mba hootátsiꞌ. Yakꞌusda ye hunilchꞌoh-i, ꞌi be tsꞌihꞌun unꞌa dune ba nahuyeh de,

1 Corinthians 10:13

ꞋEt ndet whe netsudule dunene ubóolhdzih, whuz unꞌa za nohni cha nohóolhdzai. ꞋEt hoontsꞌi Yakꞌusda ꞌaw nela dootnih ꞌaitꞌoh. Ndet whe netsudule nohóolhdzih, ꞌet dáwhultsuk ulhtus-i be whulh áhyin, ꞌet za Yakꞌusda ba sooꞌ whutatꞌelh. ꞋEt nohóolhdzih de, ꞌet de Yakꞌusda whuchꞌa tilhdoh ꞌinkꞌez nohbaꞌ whutilelh.

2 Timothy 3:12

ꞋAlhaꞌ hoontꞌoh kꞌus mbe Christ Jesus ꞌen gha Yakꞌusda ba hutinalh hukwa ꞌutꞌenne, ꞌenne dune bube hútuzilalh wheꞌ hoontꞌoh.

Titus 2:14

Jesus Christ neba huwaꞌ dudulti nelubeshi chꞌa nenaootakulh ha. ꞋInkꞌez wheni dichꞌoh ooduneꞌne dune ꞌutꞌen unzoo-i za ꞌutsꞌoolhꞌen.

2 Peter 2:4

ꞋOh daꞌ whuz unꞌa za njan dúhooja, nyoonne lizasne lubeshi inlane, ꞌenne Yakꞌusda ꞌaw buba whula lhdítnel. ꞋEt huwa tsa kꞌet whutlꞌah hooloh-un, Tartarus tsꞌutni, whuz tsꞌe whébalhdil. ꞋInkꞌez whuz tsꞌe tsalhgus yo buba nahutiyeh whutsꞌun lhuztih tlꞌool be whénubudizguz.

2 Peter 3:7

ꞋEt hoontsꞌi ꞌandit yat ꞌinkꞌez yun bulh Yakꞌusda ooghuni be za huwudli, kꞌat le whudutakꞌun. Yakꞌusda ba lheꞌustꞌenne buba nahutideh ꞌinkꞌez musai hutileh.

Jude 1:6

ꞋEt ndunne lizas, ꞌenne cha Yakꞌusda buba ꞌuhoonla-un, ꞌet whula huditni. ꞋInkꞌez ndunne neMoodihti tsálhgus yo tsꞌe ꞌenne buboontun. Tlꞌoolh ꞌilhiz ꞌuntꞌoh-i, ꞌi be whénubudizguz, dzin hooncha-un whuz de hóoltsꞌulh ꞌoh de buba nahutiyeh.

Revelation 3:10

Nohdásniꞌ dzoh nusahde-un soo whulh nudalhyaꞌ. Whuz unꞌa skꞌuneꞌ zahtꞌen. ꞋEt huwa ndi yun kꞌut ndulcho whe dune dzoh nutidoh-un whusaóotiltsꞌulh ubootálhdzih ha. ꞋEt whutso whuchꞌa nanohtásdlelh.