2 Peter 2:7 - Yak'usda Ooghuni

⁷ ꞋInkꞌez ndun tsꞌihꞌun dune Lot, ꞌen keyoh whudutákꞌun whutso ꞌet whuchꞌa Yakꞌusda oolizas huyúlhyih. Nyoonne butoh indaꞌne, ꞌenne bube ꞌutꞌen kꞌoh whudutsun-un huwu ni inleꞌ.

2 Peter 2:7 Iomraidhean Croise

Genesis 13:13

ꞋEt hoontsꞌi nyoonne Sodom dunene tubeh hintsiꞌ, ꞌinkꞌez Moodihti (Yahweh) chꞌaz lubeshi ꞌuhulhꞌen.

Genesis 19:16

ꞋEt saꞌ neꞌutꞌen ꞌet nyoonne dune hila ilhchoot, ooꞌat cha hila ilhchoot, ꞌinkꞌez ootseꞌke nane ꞌenne cha bula ilhchoot, Moodihti (Yahweh) bugha teꞌninzun whe, ꞌinkꞌez teboninla keyoh yoo ꞌaz tsꞌe.

Genesis 19:22

Soo ꞌa ꞌududilyih! ꞋAw hoonli oosneh ꞌaitꞌoh ndet la keyoh ninya whutsꞌun.” ꞋEt huwa nyo keyoh Zoar huwhutni.

Genesis 19:29

ꞋEt ꞌuhooja Yakꞌusda (Elohim) nyo keyoh gak whulhtsi hukwꞌelhꞌaz ꞌet Yakꞌusda (Elohim) Abraham nalnih ꞌinkꞌez Lot nyo hootꞌeꞌ-un keyoh gak whulhtsi ꞌuchꞌa nayulhꞌa ꞌinkꞌez ꞌutsꞌun whe yalhꞌaꞌ.

Genesis 19:5

ꞋInkꞌez Lot hitsꞌu huyih ꞌinkꞌez ꞌuhuyulhni, “Nyoonne dune ꞌandit nghu daninꞌazne ntsꞌe ꞌuhintꞌoh ndiz tꞌebunilhtih ꞌet ꞌinkꞌez sih tꞌebuznoozeh.”

1 Corinthians 10:13

ꞋEt ndet whe netsudule dunene ubóolhdzih, whuz unꞌa za nohni cha nohóolhdzai. ꞋEt hoontsꞌi Yakꞌusda ꞌaw nela dootnih ꞌaitꞌoh. Ndet whe netsudule nohóolhdzih, ꞌet dáwhultsuk ulhtus-i be whulh áhyin, ꞌet za Yakꞌusda ba sooꞌ whutatꞌelh. ꞋEt nohóolhdzih de, ꞌet de Yakꞌusda whuchꞌa tilhdoh ꞌinkꞌez nohbaꞌ whutilelh.

2 Peter 2:18

Mbene la ooba ꞌalha ꞌuhoontꞌohne ndunne ndi yun kꞌut tankꞌus ꞌitꞌelhne, ꞌenne buchꞌa nahusdil. Nyoonne khuni whutsꞌit-i hodulhꞌehne, ndunne ooba ꞌalha ꞌuhoontꞌohne hubuhoolhgooh hukwaꞌ buhalhꞌen. Ntsꞌenꞌa hoolhtus whe neyustꞌe lubeshi whutsꞌu nintꞌi-un, ꞌenne whutsꞌit-i khuni ncha-i be bubulh yahalhduk whe tankꞌus úbonilhtꞌi hukwaꞌ ba halhꞌen.

2 Peter 2:2

ꞋInkꞌez khuni duwhutsꞌit-i be lhane nahuntiꞌah bubuhuntoodilh ha. ꞋEt huwa ꞌenne bugha ꞌuyoonne njan Yakꞌusda buznidulh-un, ꞌet tsꞌuwhutsꞌit whe ꞌutsꞌutꞌen, hudutinelh.

2 Peter 3:17

ꞋEt huwa nohni mbene la ookꞌesiꞌne, njan ꞌet nduwhútanelh whutso, ꞌudaꞌ tꞌeoonáhzun. ꞋEt huwa howahli! Ntsꞌenꞌa la ꞌahtꞌoh, whuz unꞌa za ꞌoohtꞌeꞌ. Doo ka ndunne ntsiꞌne, ꞌenne nintaꞌhutꞌih-un, ꞌenne bukꞌunꞌa ꞌoohneh. Bukꞌunꞌa ꞌahja de, ꞌet tehtsun tihleh.

Jude 1:4

ꞋEt whulohne dune tube nistꞌi unline whe nohtáhunindil. Niz de whudizulh saꞌ inleꞌ ꞌet whutsꞌun ntsꞌénꞌa buba nahutiyeh, ꞌet tsꞌiyawh ꞌukꞌu whusguz. ꞋEnne dune Yakꞌusda yit ꞌuntꞌohne, ꞌenne ꞌuhintꞌoh. NeYakꞌusda ye unzoo-i, ꞌi ꞌutsꞌun unꞌa naꞌhuyulhꞌih whe ꞌet nduhútni, ndai tsꞌiyawh ꞌutꞌen dutsun-i, ꞌi ꞌutsꞌulhꞌen de, ꞌet sooꞌ hoontꞌoh nehútni. ꞋInkꞌez Yakꞌusda ꞌen za kꞌúnuneꞌulꞌen, Jesus Christ neMoodihti, ꞌen hitsꞌoodidlai.