2 Peter 2:6 - Yak'usda Ooghuni

⁶ ꞋInkꞌez nat-un keyoh Sodom ꞌinkꞌez Gomorrah huwhútni-un, ꞌet nawhultꞌoh kwun nailhtan whe whudálhkꞌun ꞌinkꞌez lhez gaih za whulhtsi. ꞋEt whuz unꞌa musai ꞌubulhtsi ꞌet whe buba nahizya. Nus de mbene la Yakꞌusda highu nuní lhuntiszutne ꞌinkꞌez ꞌaw lhahidutálhtiꞌne, ꞌenne huwa tꞌéhonozin ha ꞌinkaꞌ hóonla.

2 Peter 2:6 Iomraidhean Croise

Genesis 19:28

ꞋInkꞌez Sodom ꞌinkꞌez Gomorrah whulh yun tubulh nyo whulut yun cha oolut ꞌantsꞌi dizkꞌun-i cho leꞌ hoontꞌoh whe ndo wheinꞌa.

Matthew 10:15

ꞋAlha nohdusni ndet dune ba nahidilh-un whusahooltsꞌut de, Sodom ꞌinkꞌez Gomorrah whutꞌenne cha, njan keyoh whutꞌenne nohghu núlhiyalne, ꞌon nus ꞌuwhultsiꞌ-un bugha óotaltsꞌulh.”

Matthew 11:23

ꞋInkꞌez nohni Capernaum whutꞌenne yakꞌuz huba soo ꞌáhtꞌoh kwuncho yo tsꞌu nohotilhdulh! ꞌalha ꞌudaꞌ hoolhtus-un nohnat neꞌwhustꞌen, Sodom whutꞌenne, bunat ꞌet ndúhooja de, dudzi nahondunizdla de, ꞌawhuz daꞌ bukeyoh ꞌet whuzdla ooleꞌ daꞌ.

Romans 9:29

Ntsꞌenꞌa la nus hóoꞌen-un Isaiah ndutni, “Mbe la tsꞌiyaitsuk whuMoodih unlí-un, Lizwifne oolóhne lhubílhyiz de, ꞌet de Sodom ꞌinkꞌez Gomorrah whutꞌenne ꞌet daꞌ bubulh dahooja la, wheni cha ꞌet daꞌ ndutsꞌooneh.”

1 Corinthians 10:11

ꞋEt ndi ꞌi tsꞌiyawh buba ꞌet ndúhooja ꞌi tsꞌiyawh ooghá tꞌetsꞌonozin ha ndóohooja, ꞌinkꞌez neba ꞌukꞌeyanguz whe wheni ꞌuneúlhni. Wheni ꞌutsꞌintꞌoh ndi yun kꞌut uzdilhtsꞌi-un hukwꞌunꞌa, wheni neba ꞌawet whula toh suliꞌ.

Hebrews 4:11

ꞋEt huwa Yakꞌusda ooduneꞌne nahulyis-un, nedzi ndulcho ꞌi be whuz unꞌa tsꞌuhólhchoot. ꞋEt ꞌaw ndúlhtsꞌustꞌen de, ꞌet de ndunne ꞌukꞌu nulheꞌustꞌenne whuz unꞌa wheni cha ꞌenne bukꞌunꞌa za nintaꞌtsꞌotaꞌalh wheꞌ hoontꞌoh.

Jude 1:15

Nyoonne Yakꞌusda yit ꞌuntꞌohne, ꞌenne tsꞌiyawh buba nahutiyeh. ꞋEnne Yakꞌusda yit ꞌuntꞌohne, dahoontꞌoh hukwꞌunꞌa Yakꞌusda chꞌaz neꞌustꞌenne whuz unꞌa bukꞌehóotaꞌalh. ꞋEt ndunne Yakꞌusda yit ꞌuntꞌohne, ꞌenne lubeshi ꞌulhꞌenne ꞌuhintꞌoh. Ntsꞌenꞌa khuni dutsꞌun-i be hidulhyoh yahalhduk, ꞌet whuz unꞌa buba nahutiyeh!”

Jude 1:7

ꞋEt whuz unꞌa ndunne Sodom ꞌinkꞌez Gomorrah whutꞌenne, whunat whuduneꞌne, ꞌenne cha, ꞌet whuz unꞌa za bukꞌoh tsꞌe ꞌuhutꞌen. ꞋUtꞌen dutsun-i ꞌuhulhꞌen, ꞌet wheni dichꞌoh whutlꞌaꞌ hududilya. Tsꞌiyai didowh-i bulh nintaꞌhutitꞌih ndi kwun ꞌaw nalhnusne-i, ꞌi be dzoh nuhudeh wheꞌ hoontꞌoh. ꞋEnne bugha tꞌetsꞌonanzin.