2 Peter 2:5 - Yak'usda Ooghuni

⁵ ꞋInkꞌez yoo niz de haóodanzut daꞌ, ꞌudaꞌ yun kꞌut whutꞌenne, mbene la Yakꞌusda ghu nuni lhnuszutne ꞌinkꞌez ꞌaw lhahidilhtiꞌne, ꞌenne cha ꞌaw buba whula lhdítnel. ꞋEnne bugha ndi yun kꞌut ndulcho whe too didilhtꞌo ꞌinkꞌez too ꞌubanghan. ꞋOh daꞌ lhkꞌudine (8) ꞌaw ꞌenne za ꞌet whuchꞌa Yakꞌusda bubulhyih. Too didutálhtꞌo whutso Noah, ꞌen Yakꞌusda ye tsꞌihꞌun unꞌa ꞌuntꞌoh-i, ꞌi be dune ubulh yailhduk, ꞌen bubulh ꞌilhoghun ꞌuntꞌoh.

2 Peter 2:5 Iomraidhean Croise

Genesis 6:17

ꞋEt whunilhꞌen ꞌet si ꞌutisnelh, yun kꞌut ndulhcho too ha tadutisbilh. Yat whutah ꞌet gak whutiselh. Tsꞌiyawh ndai ndi ꞌusjiz be tsꞌukhuna bulh ꞌuntꞌoh, ꞌi gak tileh. Ndi yun kꞌut ꞌet tsꞌiyai yatadlah.

Genesis 6:9

Nowe tsꞌu haindene hukwꞌeguz ꞌet ꞌuhoontꞌoh. Nowe ꞌen tsꞌihꞌun dune unli, khuna daꞌ whe ꞌaw ookꞌeholtsꞌit hooloh. Nowe ꞌen Yakꞌusda (Elohim) bulh nuya inleꞌ.

Hebrews 11:7

Noah ꞌen cha Yakꞌusda ooba ꞌalhaꞌ yintꞌoh. ꞋI be ꞌawhuz lhuhoos̱ꞌen-un Yakꞌusda yúlhni, “Huwonleꞌ ꞌawet whuz de hóoltsꞌulh.” Whe nuljut ꞌinka tsꞌi cho ꞌuyínla. ꞋEt huwa Noah hiyoh dilhtsꞌine, ꞌenne tsꞌiyawh ubúlhyih. Ndi tsꞌi cho ꞌuyínla-i, ꞌi gha ndi yun kꞌut dúlcho whe dunene buba nahisda. ꞋInkꞌez be ꞌalha ꞌuhoontꞌoh-i be tsꞌihꞌun unꞌa ꞌuntꞌohne tsinli, Noah ꞌen cha whuz unꞌa Yakꞌusda ooba ꞌalhaꞌ yintꞌoh-un suliꞌ, ꞌi be tsꞌihꞌun dune inleꞌ.

2 Peter 3:6

Yakꞌusda ooghuni ꞌi be too dudilhtꞌo. ꞋEt whe tsꞌiyawh gak whulhtsi.