2 Peter 2:4 - Yak'usda Ooghuni

⁴ ꞋOh daꞌ whuz unꞌa za njan dúhooja, nyoonne lizasne lubeshi inlane, ꞌenne Yakꞌusda ꞌaw buba whula lhdítnel. ꞋEt huwa tsa kꞌet whutlꞌah hooloh-un, Tartarus tsꞌutni, whuz tsꞌe whébalhdil. ꞋInkꞌez whuz tsꞌe tsalhgus yo buba nahutiyeh whutsꞌun lhuztih tlꞌool be whénubudizguz.

2 Peter 2:4 Iomraidhean Croise

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Matthew 8:29

Khuntsul tube cho ꞌuhutni, “Jesus nyun Yakꞌusda ooYeꞌ inli! Ndet netsꞌu hukwaꞌ ninzun? Neba whusaóotiltsꞌulh-un whutso, dzoh nunetalhdzut ha ꞌinja whusainya?”

Mark 5:7

ꞌinkꞌez soo ꞌultus-un ꞌaldzul whe ꞌutni, “Jesus, Yakꞌusda ꞌukꞌenus diztiꞌ-un ooYeꞌ, ndet stsꞌu húkwaꞌ ninzun. Yakꞌusda ꞌintꞌoh ꞌinka ntsꞌu tédusdlih dzoh nusílhdzut iloh.”

Luke 10:18

ꞋInkꞌez ꞌubulhni, “Ditni kwun kꞌunꞌa ndus ha dúnat, ꞌet whuz unꞌa Satan ndus de yakꞌuz tsꞌe ha dílduz, ꞌet nusꞌen.

Luke 8:31

Ntsiꞌ-i nudúdeh-i Jesus hitsꞌu tedudli tsa kꞌet whucho whutlꞌah hooloh-un, whuz te netolhꞌaꞌ junih, huyúlhni.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

Romans 11:21

Ndi duchun soo oozischum ꞌaw Yakꞌusda yugha télheꞌnizil de, ꞌet de nohni cha tílah nohgha télheꞌnooszin.

Romans 8:32

ꞋAw Yakꞌusda duYeꞌ buchꞌa lhúyootun whe neba datítsah wheni butlꞌa yálhti. ꞋEt Yakꞌusda neba ꞌedúja de, ꞌet duYeꞌ bulh ꞌet hóontꞌiꞌ whe tsꞌiyaitsuk negha tílelh.

2 Peter 2:11

ꞋEt hoontsꞌi lizasne, ndunne khuni whutsꞌit-i be dune hodulhꞌehne, ꞌenne buba nus hilhtus ꞌinkꞌez buba nus hincha wheꞌ hintꞌoh. Ndunne lizasne, ꞌenne hoontsꞌi nyoonne nchane nduhutꞌen-un ꞌaw neMoodihti but hubodilhtsiꞌ whe bukꞌelhúhowhusꞌai.

2 Peter 2:5

ꞋInkꞌez yoo niz de haóodanzut daꞌ, ꞌudaꞌ yun kꞌut whutꞌenne, mbene la Yakꞌusda ghu nuni lhnuszutne ꞌinkꞌez ꞌaw lhahidilhtiꞌne, ꞌenne cha ꞌaw buba whula lhdítnel. ꞋEnne bugha ndi yun kꞌut ndulcho whe too didilhtꞌo ꞌinkꞌez too ꞌubanghan. ꞋOh daꞌ lhkꞌudine (8) ꞌaw ꞌenne za ꞌet whuchꞌa Yakꞌusda bubulhyih. Too didutálhtꞌo whutso Noah, ꞌen Yakꞌusda ye tsꞌihꞌun unꞌa ꞌuntꞌoh-i, ꞌi be dune ubulh yailhduk, ꞌen bubulh ꞌilhoghun ꞌuntꞌoh.

2 Peter 2:9

Mbene Yakꞌusda énuljutne, ꞌenne lubeshi ꞌuhulhꞌen whutsꞌó nintꞌi, ntsꞌenꞌa whuchꞌa nabutálelh-un, ꞌet neMoodihti tꞌeooninzun. ꞋInkꞌez tsꞌihꞌun lheꞌítꞌohne, ꞌenne cha ndet dzin buba nahutiyeh-un, ꞌet whutsꞌun bubeꞌ whuyah-un, ꞌet buboontun.

1 John 3:8

ꞋUdechoo whutsꞌun netsudule lubeshi ꞌulhꞌen. Mbe lubeshi ꞌulhꞌen, ꞌen netsudule uniyalh-un ꞌúntꞌoh. Njan ꞌet huwa Yakꞌusda ooYeꞌ ndi yun kꞌut nusúya whe netsudule be ꞌutꞌen musai yoolhtselh ha.

Jude 1:13

ꞋAntsꞌi ndulcho tatsi nudútun leꞌ hintꞌoh. Ndai la dune buba hukwaya hooni-i, ꞌi huwus ꞌet nduntꞌoh. Sum kꞌunꞌa lhtanahikulh leꞌ hutꞌen. ꞋEt nduntꞌohne dune, ꞌenne soo tsalhgus tꞌes leꞌ ꞌuntꞌoh-i, ꞌi ꞌilhiz wheni ꞌet Yakꞌusda buba ꞌudun whulhꞌai.

Jude 1:6

ꞋEt ndunne lizas, ꞌenne cha Yakꞌusda buba ꞌuhoonla-un, ꞌet whula huditni. ꞋInkꞌez ndunne neMoodihti tsálhgus yo tsꞌe ꞌenne buboontun. Tlꞌoolh ꞌilhiz ꞌuntꞌoh-i, ꞌi be whénubudizguz, dzin hooncha-un whuz de hóoltsꞌulh ꞌoh de buba nahutiyeh.

Revelation 20:10

ꞋEt ndi kwun, sulphur be dizkꞌun-un bunghun ndúwhulcho-un, ꞌet khuna-iti ntsiꞌ-i ꞌinkꞌez whutsꞌit-i be nus hooꞌen-un ꞌet huzke, ꞌet netsudule, dune nanaꞌah-un, ꞌen cha ꞌet tsu hídano. ꞋEt dzenis ꞌinkꞌez ꞌulhdzis ibulh ꞌilhiz ꞌinkꞌez ꞌilhiz wheni dzoh nuhutideh.