2 Peter 2:3 - Yak'usda Ooghuni

³ ꞋUyoonne chꞌeꞌ haꞌ huninzun ꞌet whe bughuni whutsꞌit-i be nohgha háꞌ hunduntatꞌo. ꞋEt hoontsꞌi Yakꞌusda ꞌen buba nahutiyeh-un, ꞌudaꞌ buba lhadintꞌoh. ꞋInkꞌez ꞌen ꞌuntꞌoh ye huske-i bugha whútaꞌalh, ꞌen ꞌaw lhitoh whe ꞌuntꞌoh.

2 Peter 2:3 Iomraidhean Croise

Matthew 23:14

Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Tsandilhne buyoh bugha ha oondunahtꞌah. Tenadudli ꞌi be whuz unꞌa za ꞌonilha saꞌ cho tenadahdli. ꞋEt huwa ꞌon nus ꞌuwhulcho whe nohba nahutideh.

Luke 18:8

ꞋInkꞌez ꞌunohdusni, ꞌahoh buba kꞌutítnelh! ꞋEt hoontsꞌi Yinka Dune Yeꞌ ndi yun kꞌut whusanája de, soo eh dune ooba ꞌalha ꞌuhoontꞌohne naitálelh?”

Luke 20:20

ꞋInkꞌez highunli, ꞌinkꞌez tsꞌihꞌun ꞌuntꞌoh naꞌdudilꞌi nunúlꞌiꞌne, ꞌenne hitsꞌun whílhꞌaꞌ. Khun tilah Jesus ye yalhduk-i, ꞌi gha la huyoolhgooh. ꞋEt de la yun kꞌut whutꞌenne bumoodih yutlꞌa húyoolhtelh. ꞋEn ꞌuntꞌoh hoolhtus te neꞌutꞌen, ꞌinkꞌez tsꞌiyanne kꞌuneꞌ ꞌulꞌen.

Luke 22:47

ꞋAwhuz yalhduk whe khuntsul lhane dune whuz de údulh, Judas huyulhni, ꞌen butso uyalh. ꞋEn whunizyane ꞌon ꞌat nane bubulh ꞌilhoghun ꞌuntꞌoh. Jesus ye nghoh neninya naidutitsꞌoos ha.

John 2:16

ꞋInkꞌez dutꞌaiyaz be óoketne ubúlhni, “Ndowhi tenánuhle! ꞋAw sBá ooyoh ꞌet ꞌeꞌóoket bayoh whulhtsi iloh!” ubúlhni.

Romans 16:18

ꞋEt duntꞌóhne dune neMoodihti Jesus Christ hikꞌú nulheꞌustꞌenne. Dichꞌoh kꞌunꞌa ꞌuhutꞌen, ꞌinkꞌez ntsꞌenꞌa la dichꞌoh hukwaꞌ huninzun hukwꞌuneꞌ ꞌutꞌenne. Nanuhonaꞌah whe khuni unzoo-i be nohbulh yáhalhduk, ꞌet hukwa tse lhuhoolihne whuz unꞌa nabontiꞌah.

2 Corinthians 2:17

ꞋEt lhane Yakꞌusda ooghuni ꞌutsꞌun unꞌa náhuyulhꞌen. ꞋEt whe sooniya ꞌuhulhꞌen. ꞋEt wheni ꞌaw ndúlhtsꞌitꞌoh. ꞋEt tsꞌihꞌun unꞌa Yakꞌusda ba yatsꞌulhduk wheꞌ tsꞌutni, ꞌet whuz unꞌa oonalh whe Christ ꞌen be yatsꞌulhduk.

1 Thessalonians 2:5

Tꞌeoonahzun ꞌaw khuni ꞌuyoo unli ꞌi be iloh nohbulh yatsꞌulhduk. ꞋAw hoonli ahtꞌi-i, ꞌi negha óohlelh, ꞌet whuz unꞌa iloh nohbulh yatsꞌulhduk. ꞋEt Yakꞌusda nalh tsꞌihꞌun unꞌa nohdusni.

1 Thessalonians 5:3

Dalhúhootꞌoh ꞌinkꞌez ꞌaw howa lheꞌoodli, hutni te, ꞌet khuntsul bubulh ha oodultsꞌuk. Tsꞌekoo ulchane bubulh ꞌútultsꞌulh, ꞌet whuz unꞌa ꞌet nduwhutanelh. ꞋEt de ndutnine, ꞌenne ꞌaw buyit ꞌuhóneh ꞌaitꞌoh.

1 Timothy 3:3

ꞌinkꞌez tsꞌekoo tooꞌ cha ha dalhatni. ꞋAw khun lhonulhchꞌe cha ꞌuntꞌoh. ꞋAw sooniya ha dalhatni. Dune dachꞌe nulheꞌustꞌen. Dune dulhyoh lheꞌdusnih. ꞋUyoonne dune chꞌeꞌ ha lheꞌnizun.

1 Timothy 3:8

Whuz unꞌa za Yakꞌusda ba neꞌútꞌen hukwa ꞌutꞌenne, ꞌenne Yakꞌusda buba dótiꞌ. ꞋAw nanki bughuni lhiloh. ꞋAw tsꞌekoo tooꞌ cha ka dalhatni, ꞌinkꞌez ꞌaw sooniya cha ka dálhatni.

1 Timothy 6:5

Ndunne bubeni ntsiꞌ suliꞌ whe ꞌahoolhyiz lhdulhyoh ꞌuhunudzun. Khuni ꞌalhaꞌ ꞌuntꞌoh-i lhuhitꞌiꞌ. ꞋEnne ꞌuhuninzun mbe la Yakꞌusda be ꞌutꞌen koh hukwꞌu neꞌutꞌen-un, ꞌen ꞌutinilh hoonzooꞌ tinelh. Nduntꞌone buchꞌaz nasindaih.

Titus 1:11

Nduntꞌohne yahalhduk-un whuchꞌa bontayulh. Ndutꞌenne ꞌenne tankꞌus unꞌa dune huhodulhꞌeh. ꞋEt ꞌi be ꞌuyoonne dune duyoh dilhtsꞌine nintaꞌbuhulhꞌih. ꞋEnne huduzoh hukwꞌunꞌa bugháꞌ tizulh ꞌet wheni ꞌuhutni.

Titus 1:7

Dune huwunli-un unli de, ꞌen Yakꞌusda be ꞌutꞌen kꞌoh-un yutlꞌá whulhꞌai, ꞌet huwa ookꞌehóotalhtsꞌulh-un whuyit ꞌootꞌeꞌ. ꞋAw dichꞌoh dukꞌunꞌa za hukwaꞌ noozin huba lheꞌhóotꞌoh. ꞋAw khun lhonúlhchꞌe, tsꞌekoo tooꞌ cha ka dálhatni. ꞋEt dune ꞌeyaih-un cha lhiloh ooleꞌ, ꞌinkꞌez ꞌaw sooniya cha ha dálhatni.

1 Peter 2:8

ꞋInkꞌez ooghuni ndutni, “Ndi tse ꞌi hitꞌaz nunughalh ꞌinkꞌez ꞌi be ꞌahoolhyiz buba dzoh lhih.” Yakꞌusda ooghuni hikꞌu nulheꞌustꞌen, ꞌi gha nónughalh. ꞋEt whuz unꞌa Yakꞌusda bubaꞌ hóonla.

1 Peter 5:2

Yakꞌusda be ꞌusbaine butoh dúlhtsꞌi, ꞌenne buba ꞌusbai ghundline oohleꞌ. ꞋUyoonne nanóhonuyoot ꞌet huwa ꞌet dóhtꞌen junih. Nohnichꞌoh hukwaꞌ nahzun huwa bughohleꞌ. Nohba kꞌelha whutaleh noohzin junih, nohnichꞌoh hoonáhtꞌiꞌ huwa oohtꞌen.

2 Peter 1:16

ꞋEt neMoodihti Jesus Christ, ꞌen ye ulhtus-i ꞌinkꞌez whusanatidalh-un cha, ꞌet whunohuznilhtan. Ndunne tube whunistꞌi be yalhdukne, ꞌenne ꞌet whuz unꞌa whulohne tsꞌihꞌun unꞌa khuni lheꞌitꞌoh-i ꞌuhulhꞌen. ꞋEnne bukꞌunꞌa iloh wheni whunoh uznulhtun. ꞋEt kꞌus ꞌoh daꞌ whenichꞌoh ꞌet nena be hooncha whe ootsꞌu ha yanduz-un, ꞌet cha tsꞌonalhꞌen.

2 Peter 2:1

ꞋEt ꞌoh daꞌ ndunne whahutsꞌit whe nus hooꞌenne, ꞌenne cha dune toh hudilhtsꞌi inleꞌ. ꞋInkꞌez khuni whutsꞌit-i be whubodulhꞌehne, ꞌenne cha nohtoh hudutáltsꞌilh. Ndunne whuꞌiz whe khuni whutsꞌit-i, bé nohba ꞌalha ꞌuhoontꞌoh-i, ꞌi musai hitilhtselh hukwaꞌ hutitꞌelh, ꞌet whuz unꞌa whunohodutilhꞌeh. NeMoodihti, mbe la naboket-un, ꞌen hoontsꞌi hitsꞌoodutádlai. Ndunne whuz unꞌa dune hodulhꞌehne, ꞌenne ꞌilhudzin de Yakꞌusda ye huske-i, ꞌi khuntsul bugha ítaltsꞌulh.

2 Peter 2:9

Mbene Yakꞌusda énuljutne, ꞌenne lubeshi ꞌuhulhꞌen whutsꞌó nintꞌi, ntsꞌenꞌa whuchꞌa nabutálelh-un, ꞌet neMoodihti tꞌeooninzun. ꞋInkꞌez tsꞌihꞌun lheꞌítꞌohne, ꞌenne cha ndet dzin buba nahutiyeh-un, ꞌet whutsꞌun bubeꞌ whuyah-un, ꞌet buboontun.

Jude 1:11

Dawhultsiꞌ-un butsꞌu hóoltsꞌulh! ꞋEnne cha Cain duhulꞌen. ꞋEt huwa dawhultsiꞌ-un butsꞌu hóoltsꞌulh! ꞋEt ndun Balaam nanitꞌa hukwꞌunꞌa ꞌuja. ꞋEnne cha whuz unꞌa za tube sooniya ghu dahóoditꞌoh. ꞋEt ndun Korah dahoontꞌoh huwa Moses chꞌaz nedinja-un, ꞌenne cha ꞌen kꞌunꞌa ha hadla.

Jude 1:15

Nyoonne Yakꞌusda yit ꞌuntꞌohne, ꞌenne tsꞌiyawh buba nahutiyeh. ꞋEnne Yakꞌusda yit ꞌuntꞌohne, dahoontꞌoh hukwꞌunꞌa Yakꞌusda chꞌaz neꞌustꞌenne whuz unꞌa bukꞌehóotaꞌalh. ꞋEt ndunne Yakꞌusda yit ꞌuntꞌohne, ꞌenne lubeshi ꞌulhꞌenne ꞌuhintꞌoh. Ntsꞌenꞌa khuni dutsꞌun-i be hidulhyoh yahalhduk, ꞌet whuz unꞌa buba nahutiyeh!”

Jude 1:16

Nduntꞌohne, ꞌenne tsanukhuni huldilhne, ꞌinkꞌez whunílhcho whe buba dzoh hinli. Buyustꞌe nintꞌi tsꞌe hidulh. Khuni ncha-i be yahalhduk. ꞋEt whe hoonzoo hukwꞌunꞌa dune ghu yahalhduk ꞌet whe whuchꞌa nohotálhdoh hukwa hutitꞌelh.

Jude 1:4

ꞋEt whulohne dune tube nistꞌi unline whe nohtáhunindil. Niz de whudizulh saꞌ inleꞌ ꞌet whutsꞌun ntsꞌénꞌa buba nahutiyeh, ꞌet tsꞌiyawh ꞌukꞌu whusguz. ꞋEnne dune Yakꞌusda yit ꞌuntꞌohne, ꞌenne ꞌuhintꞌoh. NeYakꞌusda ye unzoo-i, ꞌi ꞌutsꞌun unꞌa naꞌhuyulhꞌih whe ꞌet nduhútni, ndai tsꞌiyawh ꞌutꞌen dutsun-i, ꞌi ꞌutsꞌulhꞌen de, ꞌet sooꞌ hoontꞌoh nehútni. ꞋInkꞌez Yakꞌusda ꞌen za kꞌúnuneꞌulꞌen, Jesus Christ neMoodihti, ꞌen hitsꞌoodidlai.

Jude 1:7

ꞋEt whuz unꞌa ndunne Sodom ꞌinkꞌez Gomorrah whutꞌenne, whunat whuduneꞌne, ꞌenne cha, ꞌet whuz unꞌa za bukꞌoh tsꞌe ꞌuhutꞌen. ꞋUtꞌen dutsun-i ꞌuhulhꞌen, ꞌet wheni dichꞌoh whutlꞌaꞌ hududilya. Tsꞌiyai didowh-i bulh nintaꞌhutitꞌih ndi kwun ꞌaw nalhnusne-i, ꞌi be dzoh nuhudeh wheꞌ hoontꞌoh. ꞋEnne bugha tꞌetsꞌonanzin.