2 Peter 2:2 - Yak'usda Ooghuni

² ꞋInkꞌez khuni duwhutsꞌit-i be lhane nahuntiꞌah bubuhuntoodilh ha. ꞋEt huwa ꞌenne bugha ꞌuyoonne njan Yakꞌusda buznidulh-un, ꞌet tsꞌuwhutsꞌit whe ꞌutsꞌutꞌen, hudutinelh.

2 Peter 2:2 Iomraidhean Croise

Genesis 19:5

ꞋInkꞌez Lot hitsꞌu huyih ꞌinkꞌez ꞌuhuyulhni, “Nyoonne dune ꞌandit nghu daninꞌazne ntsꞌe ꞌuhintꞌoh ndiz tꞌebunilhtih ꞌet ꞌinkꞌez sih tꞌebuznoozeh.”

Matthew 22:16

ꞋEt whe Phariseene bugha hodilhꞌeꞌne ꞌinkꞌez Herod didowhne cha, Jesus tsꞌe whebuhalhꞌaꞌ. ꞋEt nduhúyulhni, “Dune hodulhꞌeh-un tꞌetsꞌoninzun nyun tsꞌihꞌun dune ꞌintꞌoh ꞌinkꞌez khuni ꞌalha ꞌuntꞌoh-i be Yakꞌusda kꞌunꞌa dune hodilhꞌeh. Tsꞌiyanne mba lhgha ꞌintꞌoh. Dune dahótꞌen ꞌet hoontsꞌi mba ꞌantsꞌi ꞌuhoontꞌoh.

Matthew 24:24

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

Matthew 7:14

Datí-un hoondat ꞌinkꞌez ti ꞌilhiz be tsꞌukhuna-un ꞌet howa whulnaꞌ wheꞌ hoontꞌoh ꞌet huwa. ꞋAw lhane iloh nahuhóoꞌaih.”

Mark 12:14

Jesus highu nindil whe ꞌuhutni, “Dune hodulhꞌéh-un tꞌetsꞌonínzun tsꞌihꞌun zaꞌ danelh. ꞋAw ꞌuyoonne daja huntizilh-un huwu ni lhínlo. Dune dantꞌóhne hoontsꞌi lhubunílhꞌen ꞌet hoontsꞌi Yakꞌusda beni kꞌoh tsꞌe huwun khuni ꞌalhaꞌ ꞌuntꞌoh-i be whúbodilhꞌeh. ꞋEt nedíni, Roman keyoh whumoodih ootsꞌun yun kꞌelha tsꞌuhoolhꞌi ꞌukꞌelha tsꞌuholhꞌeh kꞌus ꞌawundooh?”

Mark 13:22

ꞋEt Christ naꞌdudilꞌíne, ꞌinkꞌez nus hóoꞌenne naꞌdudilꞌíne cha, lhat te huwa ꞌítꞌen ꞌinkꞌez hooncha túneꞌ hutitꞌen Yakꞌusda ꞌutáhabanlane, ꞌenne hoontsꞌi nahunooꞌa hukwaꞌ hutitꞌelh.

John 14:6

ꞋEt Jesus ꞌuyulhni, “Si yakꞌuz ti ꞌustꞌoh, khuni ꞌalhaꞌ ꞌuntꞌoh-i usdli, ꞌinkꞌez ꞌilhiz wheni be tsꞌukhuna-i, ꞌi cha usdli. ꞋAw ꞌilhoghun hoontsꞌi sBá yutsꞌun tóoyaꞌ ꞌaítꞌoh, si sgha za ꞌet ndótinelh.

Acts 13:10

ꞌinkꞌez uyúlhni, “Netsudule ooyeꞌ, ndai la unzoo-i tsꞌiyawh oochꞌaz dintni. Soo hoontsiꞌ whe dune naninꞌah tsꞌiyawh hoontꞌi, Yakꞌusda ooghuni ꞌi cha whutsꞌit khuni naoolhtselh hukwaꞌ ꞌilhꞌen.

Acts 14:2

ꞋEt hoontsꞌi ndunne Lizwifne be ꞌalha ꞌuhoontꞌoh lhílhchulhne ꞌudun yun kꞌut whutꞌenne ꞌutsꞌun úbonilhtꞌi whe ndunne ooba ꞌalha ꞌuhoontꞌohne buchꞌaz náhulhya.

Acts 16:17

ꞋEt ꞌutꞌen Paul ꞌinkꞌez wheni te neununúya ꞌinkꞌez ꞌaldzul whe ꞌutni, “Ndunne dune ꞌukꞌenus ndo Yakꞌusda ooduneꞌ hinli. Ntsꞌenꞌa la dutihjih ꞌoh te nohba nuhúhuyeꞌ!”

Acts 18:26

Lizwif bulugliz ꞌet ꞌaw lhníljut whe yawhénilhduk. ꞋEt Priscilla Aquila bulh hidántsꞌo whe, duyoh tsꞌe náhayoolhti. ꞋEt soo cho ntsꞌenꞌa la Yakꞌusda be ꞌutꞌen kꞌoh hiba hukwꞌun nahúhulhyeꞌ.

Acts 19:9

ꞋEt hoontsꞌi whulohne bubeni dútsꞌo whe ꞌaw buba ꞌalhaꞌ lheꞌhóotꞌoh ꞌinkꞌez neMoodihti be ꞌutꞌen kꞌoh ꞌet ꞌilhozdílne toh whuchꞌaz yáhulhduk. ꞋEt ꞌinka Paul mbene la Jesus Christ yugha hodulꞌehne ubílhchoot ꞌinkꞌez bugho whenája. ꞋInkꞌez Tyrannus dune hodulhꞌeh bayoh whuzꞌai ꞌet dzin totsuk Yakꞌusda ghun whubunulhtun.

Acts 22:4

Mbene la Jesus unidúlhne tsꞌiyawh dahútitsah whutsꞌun bubezúsdla inleꞌ. Dune cha tsꞌekoo cha tsꞌiyawh ꞌabusdle ínleꞌ.

Acts 24:14

ꞋEt njan nyudúsni Jesus kꞌunꞌa ꞌuninzunne ꞌet whuz unꞌa si cha netso whudilhdzulhne buYakꞌusda ootsꞌun teni nusdzun. ꞋInkꞌez Moses ooghuni ꞌukꞌu nusguz-i ꞌinkꞌez Yakꞌusda be nus hóoꞌenne ꞌukꞌu nuhúyuzguz-i cha sba ꞌalhaꞌ ꞌuntꞌoh.

Romans 2:24

Nohni nohundultꞌohne, ꞌenne bugha ꞌudun yun kꞌut whutꞌenne Yakꞌusda chꞌaz yahalhduk. ꞋEt whuz unꞌa Yakꞌusda be ꞌudustlꞌus kꞌuninyuz.

1 Timothy 5:14

ꞋEt huwa butsꞌu hukwaꞌ nuszun, ndunne tsandilh ꞌaw yoo ꞌun lhiszulhne, ki náhootꞌeꞌ ꞌinkꞌez bubuzkeh holeꞌ, ꞌinkꞌez duyoh cha huwo hooleꞌ. ꞋEt njan nduhutꞌen de, ꞌaw nechꞌaz ditni-un yatilhduk-un ooghá holtsꞌit ꞌaitꞌoh.

Titus 2:5

Tsꞌihꞌun ni hunidoh, Yakꞌusda ba ꞌudun nebuninlane hutileh. Duyoh cha tsꞌihꞌun unꞌa howu hinli, hoozooꞌ, ꞌinkꞌez dukike bukꞌuneꞌ hootꞌen. ꞋEt de la ꞌuyoonne ꞌaw Yakꞌusda ooghuni chꞌaz yahoolhduk ꞌaitꞌoh.

Titus 2:8

Khuni dutsꞌo-i ooba nahoodeh ꞌaitꞌoh-i, ꞌet nchꞌaz ditni-un yooya ooleꞌ. ꞋAw khuni ntsiꞌ-i be nghu yaooduk ꞌaitꞌoh.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.

2 Peter 2:12

ꞋEt hoontsꞌi ndunne khuni whutsꞌit-i be dune hodulhꞌehne, ꞌenne chuntoh khuna-i nduhúltꞌoh. Nduntꞌohne whulokhun ꞌaw tꞌehonúszun, ꞌet hoontsꞌi hoontsiꞌ hukwꞌunꞌa howu yahalhduk. ꞋEt huwa chuntoh khuna-i kꞌunꞌa yahitadah, ꞌinkꞌez ndi hiye untsiꞌ-i, ꞌi bulh Yakꞌusda but hutiyin.

2 Peter 2:15

Tsꞌihꞌun ti ꞌet tinchꞌu huzdil. Balaam, Beor ooyeꞌ, ꞌen be ꞌutꞌen kꞌoh huhóolhchoot. Datꞌen inleꞌ la ꞌet whuz unꞌa ꞌuhutꞌen. ꞋEn tsꞌihꞌun lheꞌhootꞌoh tuneꞌ ꞌutꞌen-un, hoontꞌiꞌ whe ꞌet sooniya be ooba ꞌukꞌelha hoonli.

2 Peter 2:18

Mbene la ooba ꞌalha ꞌuhoontꞌohne ndunne ndi yun kꞌut tankꞌus ꞌitꞌelhne, ꞌenne buchꞌa nahusdil. Nyoonne khuni whutsꞌit-i hodulhꞌehne, ndunne ooba ꞌalha ꞌuhoontꞌohne hubuhoolhgooh hukwaꞌ buhalhꞌen. Ntsꞌenꞌa hoolhtus whe neyustꞌe lubeshi whutsꞌu nintꞌi-un, ꞌenne whutsꞌit-i khuni ncha-i be bubulh yahalhduk whe tankꞌus úbonilhtꞌi hukwaꞌ ba halhꞌen.

2 Peter 2:21

ꞋEt nduntꞌohne, ꞌenne njan tsꞌihꞌun ti ꞌaw tꞌehonuszun de, ꞌet de daꞌ buba sooꞌ hotꞌeꞌ ooleꞌ. ꞋEt hukwꞌelhꞌaz tꞌehonanzin de ꞌinkꞌez butlꞌa hidanꞌai whe ꞌantsꞌi hichꞌaz nálhya, ꞌet whuz unꞌa ꞌudekꞌez ꞌi ꞌudechoo whanus hotátsiꞌ.

2 Peter 2:7

ꞋInkꞌez ndun tsꞌihꞌun dune Lot, ꞌen keyoh whudutákꞌun whutso ꞌet whuchꞌa Yakꞌusda oolizas huyúlhyih. Nyoonne butoh indaꞌne, ꞌenne bube ꞌutꞌen kꞌoh whudutsun-un huwu ni inleꞌ.

Jude 1:10

ꞋEt hoontsꞌi ndunne ndet tꞌe honuszun-un, ꞌet hoontsꞌi hukwꞌunꞌa howu yáhalhduk. ꞋInkꞌez ntsꞌenꞌa la neyustꞌe hukwaꞌ ninzun, ꞌet ntsꞌenꞌa za tsꞌantꞌi neꞌútꞌen, whuz unꞌa duyustꞌe nintaꞌhuyulhꞌih.

Jude 1:15

Nyoonne Yakꞌusda yit ꞌuntꞌohne, ꞌenne tsꞌiyawh buba nahutiyeh. ꞋEnne Yakꞌusda yit ꞌuntꞌohne, dahoontꞌoh hukwꞌunꞌa Yakꞌusda chꞌaz neꞌustꞌenne whuz unꞌa bukꞌehóotaꞌalh. ꞋEt ndunne Yakꞌusda yit ꞌuntꞌohne, ꞌenne lubeshi ꞌulhꞌenne ꞌuhintꞌoh. Ntsꞌenꞌa khuni dutsꞌun-i be hidulhyoh yahalhduk, ꞌet whuz unꞌa buba nahutiyeh!”

Jude 1:4

ꞋEt whulohne dune tube nistꞌi unline whe nohtáhunindil. Niz de whudizulh saꞌ inleꞌ ꞌet whutsꞌun ntsꞌénꞌa buba nahutiyeh, ꞌet tsꞌiyawh ꞌukꞌu whusguz. ꞋEnne dune Yakꞌusda yit ꞌuntꞌohne, ꞌenne ꞌuhintꞌoh. NeYakꞌusda ye unzoo-i, ꞌi ꞌutsꞌun unꞌa naꞌhuyulhꞌih whe ꞌet nduhútni, ndai tsꞌiyawh ꞌutꞌen dutsun-i, ꞌi ꞌutsꞌulhꞌen de, ꞌet sooꞌ hoontꞌoh nehútni. ꞋInkꞌez Yakꞌusda ꞌen za kꞌúnuneꞌulꞌen, Jesus Christ neMoodihti, ꞌen hitsꞌoodidlai.

Jude 1:7

ꞋEt whuz unꞌa ndunne Sodom ꞌinkꞌez Gomorrah whutꞌenne, whunat whuduneꞌne, ꞌenne cha, ꞌet whuz unꞌa za bukꞌoh tsꞌe ꞌuhutꞌen. ꞋUtꞌen dutsun-i ꞌuhulhꞌen, ꞌet wheni dichꞌoh whutlꞌaꞌ hududilya. Tsꞌiyai didowh-i bulh nintaꞌhutitꞌih ndi kwun ꞌaw nalhnusne-i, ꞌi be dzoh nuhudeh wheꞌ hoontꞌoh. ꞋEnne bugha tꞌetsꞌonanzin.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 13:14

Ndi bulh nanki khuna-iti ntsiꞌ-i, ꞌi ꞌudechoo-i khuna-iti ntsiꞌ-i nalh lhat te huwa ꞌitꞌen teneꞌ ꞌútꞌen ooghá whuntꞌai, ꞌet whe ndi yun kꞌut whutꞌenne nabunaꞌah. Nyoo khuna-iti ntsiꞌ-i saluzti be ka suliꞌ inleꞌ ꞌinkꞌez hanaꞌ ndi yun kꞌut whutꞌenne ꞌi ookꞌeyíltsi-i ꞌuhooleh ꞌubulhni.

Revelation 13:8

ꞋInkꞌez ndi yun kꞌut dilhtsꞌine, ꞌenne tsꞌiyawh ndi khuna-iti ntsiꞌ-i hitsꞌun teniꞌ huntilhdzilh. Ndun ꞌusbaiyaz ꞌudechoo ndi yun ꞌuhóolya whutsꞌun ꞌudaꞌ lháoodintꞌoh hizilhghi, ꞌenne ndi ꞌilhiz ꞌinkꞌez ꞌilhiz wheni tsꞌukhuna-un be ꞌudustlꞌus kꞌut bubooziꞌ ꞌukꞌu lhíguzne, ꞌenne ꞌuhintꞌoh.