2 Peter 2:1 - Yak'usda Ooghuni

¹ ꞋEt ꞌoh daꞌ ndunne whahutsꞌit whe nus hooꞌenne, ꞌenne cha dune toh hudilhtsꞌi inleꞌ. ꞋInkꞌez khuni whutsꞌit-i be whubodulhꞌehne, ꞌenne cha nohtoh hudutáltsꞌilh. Ndunne whuꞌiz whe khuni whutsꞌit-i, bé nohba ꞌalha ꞌuhoontꞌoh-i, ꞌi musai hitilhtselh hukwaꞌ hutitꞌelh, ꞌet whuz unꞌa whunohodutilhꞌeh. NeMoodihti, mbe la naboket-un, ꞌen hoontsꞌi hitsꞌoodutádlai. Ndunne whuz unꞌa dune hodulhꞌehne, ꞌenne ꞌilhudzin de Yakꞌusda ye huske-i, ꞌi khuntsul bugha ítaltsꞌulh.

2 Peter 2:1 Iomraidhean Croise

Matthew 10:33

ꞋEt hoontsꞌi mbene la dune nalh stsꞌooditdlaine, si cha ꞌuBá yakꞌuz usda-un ndunne, ꞌenne ꞌaw schꞌeꞌ lhuhiloh dósniꞌ la.”

Matthew 24:11

Lhane whutsꞌit be nus hooꞌen unline, lhane dune nahuntiꞌah.

Matthew 24:24

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

Matthew 24:5

Lhane sooziꞌ gha whusahutidulh ꞌinkꞌez ꞌuhudutinelh, Christ unli-un, si ꞌustꞌoh, nduhutni whe lhane nahuntiꞌah.

Matthew 7:15

“Mbene la whutsꞌit be nus hooꞌenne naꞌdudilꞌi, ꞌenne buka huwahli! ꞋUsbai zuz be soo dintꞌohne, ꞌenne buyo tsꞌe yus ꞌukꞌenus ntsiꞌ-i, ꞌenne léꞌhintꞌoh.

Mark 13:22

ꞋEt Christ naꞌdudilꞌíne, ꞌinkꞌez nus hóoꞌenne naꞌdudilꞌíne cha, lhat te huwa ꞌítꞌen ꞌinkꞌez hooncha túneꞌ hutitꞌen Yakꞌusda ꞌutáhabanlane, ꞌenne hoontsꞌi nahunooꞌa hukwaꞌ hutitꞌelh.

Luke 12:9

ꞋEt hoontsꞌi mbe dune nalh stsꞌooditdlaine, Yakꞌusda oolizas bunalh butsꞌoodutásdlai.

Luke 21:8

ꞋInkꞌez ꞌubulhni, “Soo cho howahli. Khun te dune nanohonooꞌah junih. Lhane sooziꞌ gha whusahútidulh ꞌinkꞌez ꞌuhudutinelh, ‘Si ꞌen ꞌustꞌoh,’ ꞌinkꞌez ꞌawet whusawhútikulh, hutni de, khun te ubuntoohyaꞌ junih.

Luke 6:26

ꞋEt huwahli mbene la sóo nohghu yalhdukne. ꞋOh daꞌ nus hooꞌenne naꞌdudilꞌine cha butsodaꞌne ndúbuhutni.”

Romans 16:18

ꞋEt duntꞌóhne dune neMoodihti Jesus Christ hikꞌú nulheꞌustꞌenne. Dichꞌoh kꞌunꞌa ꞌuhutꞌen, ꞌinkꞌez ntsꞌenꞌa la dichꞌoh hukwaꞌ huninzun hukwꞌuneꞌ ꞌutꞌenne. Nanuhonaꞌah whe khuni unzoo-i be nohbulh yáhalhduk, ꞌet hukwa tse lhuhoolihne whuz unꞌa nabontiꞌah.

1 Corinthians 11:19

ꞋEt nohtoh lhelhtsꞌun unꞌa didohne hinli ꞌet whuz unꞌa ꞌet dó tanelh. ꞋEt whe la mbene nohtoh Yakꞌusda ba unzoone, ꞌenne tsꞌiyanne tꞌebuntizeh wheꞌ hoontꞌoh.

1 Corinthians 6:20

Lheꞌhoolcho whe ꞌuneinla ꞌet whe Yakꞌusda naneonket ꞌinka nohyustꞌe be ꞌinkꞌez nohnichꞌoh nohyughi be cha Yakꞌusda ba whudolhtiꞌ oochꞌeꞌne suhliꞌ ꞌet huwa.

1 Corinthians 7:23

Dahoolcho whe nanohonket, ꞌet huwa ꞌaw dune be ꞌulhna oolheꞌ junih.

Galatians 2:4

Whulohne neulhutsinke naꞌhududilꞌi. ꞋEnne bugha ꞌuhooja nunútꞌiꞌ be netabonínla. Neghu hooleꞌ ha datsꞌintꞌoh whe dune tsinli. Christ Jesus ꞌantsꞌi nekꞌunaꞌanꞌoh neꞌleꞌneyinla. Wheni doo cha Moses be ꞌudustlꞌus kꞌut ꞌi be ꞌulhnane nehoolhtselh hukwaꞌ hutꞌen.

Galatians 3:13

Mbe Moses be ꞌudustlꞌus kꞌunyisne, musai hooleꞌ hubaꞌ hoontꞌoh. ꞋEt whuchꞌa Christ naneoket. Ndet musai netilhtselh-un dichꞌoh kꞌéhootꞌai. ꞋEt whuz unꞌa ꞌukꞌehonguz whe ndutni, “Mbe duchun unduniltꞌo-un, ꞌen musai tileh whe ꞌuntꞌoh,” ni.

Galatians 4:17

ꞋEt ꞌuyoonne nunútꞌiꞌ be khanóhonotꞌah hukwaꞌ hutꞌen, butsꞌun nenádohdilh ha. ꞋEt ꞌudun nenohoninla. ꞋEt la bukaꞌ nooszin ha.

Galatians 5:20

ꞋEt ꞌukꞌeltsi neba ꞌalhaꞌ ꞌuntꞌoh-un, dune dezdulih-un cha. Lhtsꞌuzdutni ꞌinkꞌez lhchꞌa tsꞌúhooli. Lhgheꞌ tsꞌoolnih, tsꞌuhuzke, nekꞌoh tsꞌe zaꞌ ꞌutsꞌitꞌelh. ꞋEt lhelhdoh ꞌutsꞌintꞌoh whe ꞌilhoh didohne, wheni tsꞌiyawh whenichꞌoh nekꞌunꞌa ꞌonghohne whubutsꞌodulhꞌeh de,

Ephesians 1:7

Yakꞌusda neBá Jesus Christ ꞌen be duduzkaiꞌ be naneonket. ꞋInkꞌez nintaꞌtsꞌuntꞌen-un neba whunaꞌalhde. Ye unzoo-i dádiztiꞌ, ꞌet whuz unꞌa ꞌuniltsuk whe neba ꞌuhóonla.

Ephesians 4:14

ꞋAw ꞌon ꞌun tsꞌoodunne kꞌunꞌa lheꞌtsꞌoostꞌeꞌ ꞌet huwa. Dune buka hóodilhtsꞌi nabontiꞌah ha. Lhentsꞌun unꞌa dune hubohodulhꞌeh, ꞌi be ꞌantsꞌi nilhtsꞌi kꞌunꞌa lhelh tsꞌu náhutukuk leꞌ hutꞌen.

Philippians 3:19

Ooba ꞌalhaꞌ lheꞌhootꞌohne nintaꞌhutitꞌelh. Bubut ꞌi buba Yakꞌusda unli. Ndi yun kꞌut yooya tsꞌiyawh hiyulh ꞌuntꞌoh ꞌinkꞌez ꞌi za hiba whudílhtiꞌ. Ndi yun kꞌut hoonli-i, ꞌi za ghu nuni hunudeh.

Colossians 2:18

Ndet whuchꞌa oonúlhde-un nohghá whultsꞌut khun ꞌuyoonne nohghu ha óodunitꞌah de, khun bukꞌoh tsꞌe oohneh junih. Ndutꞌenne huhoontꞌiꞌ whe huwhutsꞌit whe dudzi yo ꞌuhilhdzun naꞌhududilꞌi. ꞋInkꞌez lizas tsꞌun tenahududli. ꞋInkꞌez ndet la ꞌaw lhuhuhóoꞌel-un cha tꞌehonínzun naꞌhududilꞌi. ꞋInkꞌez buyustꞌe whutsꞌun nintꞌi-un, ꞌet whuz unꞌa ꞌuhuninzun. ꞋI be ꞌantsꞌi nahúchun leꞌ hutꞌen.

Colossians 2:8

Huwahli doo ka la ꞌuyoonne nanohonooꞌah bukꞌúneꞌ oohtꞌen ha. Dune dichꞌoh dukꞌunꞌa nuní hunuzut-un, kꞌus ꞌantsꞌi khuni be yáhalhduk-un, kꞌus dune didutchꞌoh dukꞌoh tsꞌe huhutni, kꞌus ndi yun kꞌut huwu ni hukwꞌunꞌa dune hohodulhꞌeꞌ. ꞋAw njan Christ ookꞌunꞌa iloh.

1 Timothy 5:8

ꞋEt hoontsꞌi mbene ꞌaw dunatneke ghu lhilohne, ꞌinkꞌez duyoh dilhtsꞌine, ꞌenne ghu lhuhiloh de, ꞌet nduntꞌoh-un ndi be ꞌalha ꞌuhoontꞌoh-i yuchꞌaz nalꞌalh, ꞌinkꞌez ooba ꞌalhaꞌ lheꞌhootꞌohne ba nus lheꞌhizooꞌ whe ꞌuntꞌoh.

2 Timothy 4:3

Whuz de whúdizulh, ndi khuni tsꞌihꞌun unꞌa ꞌuntꞌoh-i, ꞌi ꞌaw huyodoolꞌeh hukwa lheꞌhuntiszin. Kꞌus dichꞌoh hukwaꞌ huninzun kꞌunꞌa, ꞌet za hodutatsꞌo hukwaꞌ huninzun. Mbene la didutchꞌoh hukwaꞌ huninzun te za dune hodulhꞌehne, ꞌenne za uboohootuzálhtsꞌilh hukwaꞌ huntizilh.

Titus 1:11

Nduntꞌohne yahalhduk-un whuchꞌa bontayulh. Ndutꞌenne ꞌenne tankꞌus unꞌa dune huhodulhꞌeh. ꞋEt ꞌi be ꞌuyoonne dune duyoh dilhtsꞌine nintaꞌbuhulhꞌih. ꞋEnne huduzoh hukwꞌunꞌa bugháꞌ tizulh ꞌet wheni ꞌuhutni.

Titus 3:10

Mbe dune lhchꞌaz nilhtꞌi-un, ꞌet whulh nat-un dah dániꞌ de, ꞌinkꞌez ꞌaw lhunyudústsꞌo de, teneóolhꞌaꞌ.

Hebrews 10:29

ꞋEt hoontsꞌi ꞌon nus hootátsiꞌ. Mbene Yakꞌusda ooYeꞌ ꞌantsꞌi yuba unli whe yukꞌunuya de, ꞌinkꞌez Jesus buzkaiꞌ be ꞌandit khuni buba lhaídinla-i huwhutꞌi, ꞌinkꞌez Yakꞌusda ꞌudun nebuninla, ꞌet hoontsꞌi buzkaiꞌ ꞌaw hoonliyaz buba lhíloh de, ꞌinkꞌez Ndoni ꞌen cha ꞌen unzoo-i ootsꞌu haídultsꞌuk-un, hichꞌaz yalhduk de, tsꞌiyawh mbene whuz unꞌa ndutꞌenne, ꞌon nus whéoonujut whe buba nahutideh.

1 Peter 1:8

Jesus Christ ꞌaw lhuzihꞌen ꞌet hoontsꞌi ookꞌehsiꞌ. ꞋAw lhuzihꞌen ꞌet hoontsꞌi nohba ꞌalhaꞌ ꞌuntꞌoh. ꞋInkꞌez ndi be tsꞌuhoontꞌiꞌ-i ncha kꞌet ꞌaw ꞌuzdooniꞌ ꞌaitꞌoh, ꞌinkꞌez tube diztiꞌ whe ꞌuntꞌoh. ꞋEt huwa hoonáhtꞌiꞌ.

2 Peter 2:3

ꞋUyoonne chꞌeꞌ haꞌ huninzun ꞌet whe bughuni whutsꞌit-i be nohgha háꞌ hunduntatꞌo. ꞋEt hoontsꞌi Yakꞌusda ꞌen buba nahutiyeh-un, ꞌudaꞌ buba lhadintꞌoh. ꞋInkꞌez ꞌen ꞌuntꞌoh ye huske-i bugha whútaꞌalh, ꞌen ꞌaw lhitoh whe ꞌuntꞌoh.

1 John 2:26

Mbene la nanohuntiꞌah hukwaꞌ ꞌutꞌenne, ꞌenne bughun ndi nohtsꞌó kꞌeꞌisguz.

1 John 4:1

Ookꞌesiꞌne, nudúdeh-i tsꞌiyawh iloh nohba ꞌalha ꞌootꞌeꞌ junih. Ndi nududeh-i oozúlhdzih Yakꞌusda ba tsꞌihꞌun ꞌuntꞌoh tilah. Lhane huwhutsꞌit whe nus húhooꞌenne yun kꞌehindil ꞌet huwa.

Jude 1:18

Ntsꞌenꞌa la nohodaniꞌ ꞌudekꞌez whusaóotiltsꞌulh-un lhane neBá ookꞌoh tsꞌe huwudlohne whutaleh. Yakꞌusda chꞌaz nintꞌi tsꞌe ꞌet whuz unꞌa za hutidulh.

Jude 1:4

ꞋEt whulohne dune tube nistꞌi unline whe nohtáhunindil. Niz de whudizulh saꞌ inleꞌ ꞌet whutsꞌun ntsꞌénꞌa buba nahutiyeh, ꞌet tsꞌiyawh ꞌukꞌu whusguz. ꞋEnne dune Yakꞌusda yit ꞌuntꞌohne, ꞌenne ꞌuhintꞌoh. NeYakꞌusda ye unzoo-i, ꞌi ꞌutsꞌun unꞌa naꞌhuyulhꞌih whe ꞌet nduhútni, ndai tsꞌiyawh ꞌutꞌen dutsun-i, ꞌi ꞌutsꞌulhꞌen de, ꞌet sooꞌ hoontꞌoh nehútni. ꞋInkꞌez Yakꞌusda ꞌen za kꞌúnuneꞌulꞌen, Jesus Christ neMoodihti, ꞌen hitsꞌoodidlai.

Revelation 13:14

Ndi bulh nanki khuna-iti ntsiꞌ-i, ꞌi ꞌudechoo-i khuna-iti ntsiꞌ-i nalh lhat te huwa ꞌitꞌen teneꞌ ꞌútꞌen ooghá whuntꞌai, ꞌet whe ndi yun kꞌut whutꞌenne nabunaꞌah. Nyoo khuna-iti ntsiꞌ-i saluzti be ka suliꞌ inleꞌ ꞌinkꞌez hanaꞌ ndi yun kꞌut whutꞌenne ꞌi ookꞌeyíltsi-i ꞌuhooleh ꞌubulhni.

Revelation 2:13

Nohꞌeꞌutꞌen kꞌoh ꞌinkꞌez ntsꞌe whahtꞌi-un tꞌeoonuszun. Ndet Satan ookwꞌutsꞌuzda cho diztiꞌ-i ꞌusꞌai-un, ꞌet whahtꞌi. Sooziꞌ, ꞌi dutsoo cho oohtun. Ntsꞌe Satan whutꞌi-un ꞌinkꞌez ꞌoh daꞌ ndun Antipas huyúlhni-un, ꞌen sooziꞌ gha nohtoh hizilhghi. ꞋEt hoontsꞌi nohba ꞌalhaꞌ ꞌustꞌoh-un ꞌaw whutsꞌulhoodáhdlai.

Revelation 2:9

Nohꞌeꞌutꞌen cha, be dzoh nahdeh-i, ꞌinkꞌez whe télhꞌen-un cha, tsꞌiyawh tꞌeoonúszun. ꞋEt hoontsꞌi ꞌalhaꞌ hoonzooꞌ ꞌahtꞌoh. Ndunne nohchꞌaz ditnine nduhutni, wheni lizwifne ꞌutsꞌintꞌoh, ꞌet hoontsꞌi lizwifne lhuhiloh. ꞋEnne ndun Satan huyúlhni-un, ꞌen oolugliz ꞌet whuchꞌeꞌ hinli wheꞌ hintꞌoh, ꞌet cha tꞌeoonúszun.

Revelation 3:8

Nohꞌeꞌutꞌen tꞌenuszun. Whunulhꞌen dati ꞌudun ꞌudiztan-un nohbut neóonusꞌai. ꞋInkꞌez ꞌaw dune dánaꞌ dotan ꞌaitꞌoh. Be ulhtus-i ntsool-iyaz ahtꞌi, sghuni cha oohtun, ꞌinkꞌez sooziꞌ ꞌaw ootsꞌu lhoodáhdlai ꞌet huwa.

Revelation 5:9

ꞋInkꞌez ꞌandidi shun ꞌi hiyé whenijun whe njan duhutni, “Ndi ꞌudustlꞌus itálhchulh ꞌinkꞌez oodáhaꞌ datalhchꞌulh ꞌet huba soo ꞌíldzooꞌ. Dune nyozilhghi ꞌinkꞌez ꞌuyoonne tsꞌiyanne didohne, ꞌinkꞌez lhelhtsꞌun unꞌa yalhdukne, ꞌinkꞌez ꞌuyoonne dune, ꞌinkꞌez lhelhdun keyoh whutꞌenne cha, nyuzkaiꞌ be tsꞌiyawh Yakꞌusda ba naneonket, ꞌet huwa.

Revelation 6:10

ꞋEt tube cho njan duhútni, “Nekꞌuneꞌ ꞌulꞌen-un nyun lubeshi nghu hooloh-un, ꞌinkꞌez tsꞌihꞌun ꞌintꞌoh-un cha inli. Ndi yun kꞌut mbene neanghanne dawhuldzoh neuzkaiꞌ gha buba nahutanyeh ꞌinkꞌez neba kꞌutántnelh?”